為食仔海鮮火鍋專門店

營業中

休息中

由於鍾意食辣嘅緣故，所以揀咗為食仔嘅卜卜蜆試一試，蜆煲比想像中更加大煲，而且湯底越食越辣，越辣越過癮，淨係聞都已經有刺鼻嘅味道，不過粒粒蜆都脹卜卜，味道鮮甜，食落仲唔會有沙。yummy！食完蜆之後，我哋都叫啲火鍋配料嚟食，有牛肉、芝士蝦丸、黃金炸響鈴等等😀芝士蝦丸咬落好彈牙，而且裏面嘅芝士味道好香😋而黃金炸響鈴上邊就佈滿左鹹蛋黃，響鈴好吹口，加上鹹蛋黃嘅味道，識落更加有層次，好想再encore啊！😍

卜卜蜆鍋有多款口味選擇，包括原味、辣、喇沙、胡椒雞湯等。由於朋友唔食得太辣，所以叫左十八禁卜卜蜆BB辣，服務員話會越食越辣。卜卜蜆鍋係用新鮮沙白蜆，粒粒飽滿，Size亦唔係幾細，超級鮮甜，而且粒粒都好乾淨，完全冇沙，好大份好足料，絕對唔會好似殼多過肉，而湯底充滿鮮蜆味道，少少辣好正，鍾意食既朋友一定要試。食完蜆可以落火鍋配料打邊爐，推介牛肩胛，又唔貴又好食，叫左細份都有好多，色澤靚，紋理分布平均，牛味濃郁有嚼勁，令人回味！

旺角呢條街真係好多野食，上次見好多人排隊等，又見到有蜆食～所以今次專登黎食卜卜蜆～🥰🥰我地叫左個「18禁」卜卜蜆既BB辣，好大煲蜆呀🤣呢度可能都有成接近100粒蜆🤣正呀，可以慢慢食～ 想食辣又唔想太辣既你， BB辣就岩晒啦，辣辣地好正，湯底同蜆一齊煲整到成個湯底都好鮮甜，又帶少少辣😋 蜆肉都有一半以上係肥美既，幾爽口鮮甜，食極都唔會飽～我哋仲叫左碟牛，肉質好靚，又唔會太薄，入口夠嫩👍🏻😍一碟兩人食岩岩好～之後仲有個好特別既粟米墨魚丸入面仲有咸蛋黃😍我既至愛～ 佢個名叫粟米墨膠奶黃包，夠晒搞笑🤣 原來係有蛋黃餡～ 係幾特別既！仲有個雜菜拼盤～有3種菜～生菜、娃娃菜同油麥菜👍🏻配埋咸檸7，爽呀～🥰

$38十八禁蜆煲真心好好好好好……抵食真係宜個價錢，街市都買唔到3斤蜆而且個辣汁真係有上癮既感覺真係刺激又好食……今次又升lv.叫大辣希望下次黎既時候食到挑機辣，贏部電話走另外一定講下宜到個珍寶石蠔大隻到面甘大，真係好誇張……燒烤又得，起肉火鍋又得，刺身又得燒烤就有三款味道揀，我就揀左原味超中意宜隻大陸燒烤味……重蒜……超級好個蒜蓉味道較得岩岩好刺身係超級Juicy，鮮甜……一蠔多款食法$58隻價錢唔過份值得一試宜到真係真心抵食好食既良心小店

睇雜誌介紹， 話依間好出名卜卜蜆煲嘅餐廳出咗個勁辣版本！叫18禁卜卜蜆！重點係……9點半後個蜆煲只係$38…我同熱愛食辣既朋友緊係要去試下真係足三斤蜆！好有份量下！ 雖然宜個優惠四位或以下只可以叫一煲！五位以上先可以叫兩煲！（下次一定要搵夠五個人黎）但係個人認為都唔錯呀！$38三斤蜆重想點？配料就普普通通啦！一般質素，正常價錢！最出眾就手切牛頸脊，食得出真係新鮮靚牛黎！但食辣野就點都一定要叫返個紫菜炸響鈴呀！索晒D辣汁又脆口！正！朋友飲啤酒，自己就叫左杯鮮果(菠蘿)沙冰！$38 （個人認為有點貴，但解辣一流，都飲得出係新鮮菠蘿肉打）

見Facebook宣傳 呢間餐廳，話：勁辣！辣！辣！辣！辣！辣！有朋友從外國返嚟，成機帶他試下先！先嚟一個18禁卜卜蜆先！果然勁血紅的一盤，真係名不虚全！煲內又多蜆肉，食落湯底勁海鮮味道，又有多種香料同勁多辣椒！蜆肉大隻，無沙，味道鮮甜，肉質彈牙！加上勁辣既湯底！真是好配搭！連我朋友都讚不絕口當然要嚟一碟蝦啦！蝦帶有光澤又新鮮！將蝦放入去，更令湯底要鮮！配已飯食！更恰宜！本人忠谷各位～夠膽就要試下啦！