吃扒

營業中

休息中

經過太子想同老公食西餐，見到呢一間扒房門口裝修得好靚，入邊個光暗暗地好有Mood😉就決定試吓🤤坐低之後更加覺得個裝修同埋啲吊燈都好懷舊👍🏻好有西餐嘅情調叫咗兩個扒餐再加配餐湯，飲品同甜品。熱熔芝士紐西蘭牛柳：我叫7成熟，牛柳肉好多汁，肉貭嫰滑鬆軟，幾厚身。配合熱辣辣淋上嘅芝士醬👍🏻味道好rich 👍🏻呢個芝士醬都係店舖必食推介🤩芝士味濃郁甘香🧀 好正20cm吉列豬扒：真係好大塊呀❤️巨人份量，大過我2隻手有多😂 扒邊炸得好香脆🤩 而且肉質一D都唔乾，真正外脆內軟。雪糕紅豆冰：一般都會用雲尼拿雪糕球．呢間竟然係用椰子味雪糕球🤤同紅豆冰真係好夾👍🏻價錢方面，都唔算貴。係旺角鬧市區食到咁有懷舊氣氛嘅西餐，我覺得抵添😂

突然想食西餐，所以搵下旺角有咩西餐食，見呢間野裝修幾特別，所以決定trytry佢。星期五晚7點幾黎到要等位（我地冇book位），等左大約15分鐘就有位。點左個芝士紐西蘭牛柳，餐廳職員會係你面前倒芝士，打卡拍片超正☺️味道方便牛味好夠，我地叫左5成熟，肉質都唔錯👍👍另外佢仲會有兜汁比你（我地揀左黑椒汁）不過提提大家要趁熱食，因為d芝士凍左食口感冇咁好。另外仲點左好出名既20cm吉列豬扒，真係超大塊，最後都係食唔哂🥲🥲味道方面熱辣辣食好脆，不過塊豬扒就有d乾，冇肉汁。所以覺得試一次好了，下次可以點其他野。我地+$25轉左做餐，有餐湯、麵包、雪糕同飲品（凍飲+$3）。餐湯係羅宋湯同豬骨湯，有d搞笑係中式湯而唔係白湯😂😂整體呢度食扒都唔錯👍

正當糾結緊晚餐食什麼好的時候，見到這間靚靚紫色門面為主的扒房 😍走進門口第一步，已經聽到一些比較懷舊的當紅歌曲，內裝修以懷舊feel為主，仲有為生酮人仕而設的生酮餐！特選肉眼扒配紅酒汁 $178肉眼厚身多汁，食慣五成熟剛剛好～唔會過熟20cm吉列豬扒配熱熔芝士汁 $158✨好厚兼好大塊，啖啖肉 ，最啱食肉獸～喜歡食芝士的朋友，一定要加配熱熔芝士汁，香濃芝士🧀️果然係招牌菜👍飲品（特飲+$15）話梅鹹檸七 & 雪糕紅豆冰✨還有無糖特飲 及一些懷舊飲品：白雪公主，黑牛，雪糕菠蘿冰+$25套餐(跟餐包，飲品，甜品雪糕）本想試下埋甜品～火焰雪糕，已經唔係好多地方有得食 ,但係真係太飽了，唯有下次😛

今日去旺角 ‘‘吃扒’’ ，餐廳位於旺角鼓油街，餐廳用上紫色門面，好吸精～餐廳裝修懷舊風，播放經典流行曲，格外有情調。呢度除左主打熱熔芝士鐵板餐，仲有生酮主菜，啱晒減肥人士。(轉餐 +$25  有：餐包、湯、飲品、甜品)餐湯可選羅宋湯或豬骨湯。羅宋湯唔似一般餐廳咁稀。呢度料足味道濃，飲落好開胃。軟熟嘅餐包烘到暖暖地，配上牛油👍20cm吉列豬扒 $158，熱熔芝士 +$18上枱時，不禁「嘩」左聲，見到塊吉列大過我隻手，仲要係厚切。呢個份量話兩個人食都唔誇張。侍應再將熱辣辣嘅熱熔芝士淋上面，真係不得了。吉列豬炸粉十分薄，一切落去就聽到好脆嘅聲，炸得酥脆可口。呢個吉列豬扒真係好抵食，物超所值～(特飲 +$15）餐飲轉咗特飲西班牙咖啡香濃咖啡加雲呢拿雪糕奶香味，口感更滑。熱熔芝士紐西蘭牛柳 $198西冷牛扒要咗七成熟，肉質非常嫩腍唔會韌，而且牛味濃郁。牛柳配上香濃熱熔芝士，好好食。雪糕有芒果味雪糕

今次朋友揀咗呢間，見佢都係少少走懷舊扒房嘅feel，有滾水蛋果d。所以估唔到佢竟然有生酮menu，不過呢期冇生酮都係叫返凡人食物🤣。 軟殼蟹牛油果蟹籽忌廉扁意粉 軟殼蟹夠脆，牛油果都有半個都幾足料，好食嘅，不過有埋炸野同牛油果就有d膩。🔥20cm吉列豬扒 見佢好有睇頭就叫咗，切落去果下仲feel到脆，炸身又唔會太厚做得好好，豬扒夠厚，食到勁飽❗️🔥熱溶芝士紐西蘭牛柳 牛柳叫咗5成啱啱好，雖然牛柳幾cm厚但都成舊都夠淋👍👍揀咗黑椒汁都幾夠黑椒。個芝士偏淡果種，冇咁易膩，不過點埋汁就會俾個汁蓋過咗🙈今次加咗套餐，有餐包、湯、飲品同甜品。 飲品揀咗唂咕，侍應講明係唔甜同少少苦，的確係勁可可，覺得呢杯野好啱生酮緊嘅朋友🤣 不過冇飲慣無糖嘅朋友應該唔會like。 甜品係雪糕，正正常常都ok。如果唔係因為餐有甜品，應該會叫火焰雪山，見隔離檯叫咗放火勁靚😍。個人覺得餐廳上菜速度太快，飲咗兩啖湯已經上咗意粉，扒果d都陸續勁快上哂😂所以食果陣有d野食係會凍少少。

今日無食午飯，五點已經好肚餓，決定挑戰吃扒的20cm大豬扒，即刻拉太太去到餐廳，紫色門面好易認，去到已有客人等候五點半開門的晚市了。💥20cm吉列豬扒配蒜汁、意粉（$158）上枱時心裏「嘩嘩」聲，果然名不虛傳，目測豬扒長20cm，有多無少，而且有厚度。表面金黃，切開看看，脆皮薄而平均。咬入口層次分明，可以清晰感受到外層麵包糠的酥脆顆粒與豬肉的軟嫩。大大碟意粉和醬汁另上，夠細心。我這個男士加肚餓，總算可以食曬，細食的還是建議配薯菜吧。💥堡雲蘇羊架配黑椒汁、薯菜（$188）三件羊架可以在鐵板上堆成小山丘，証明是又大又厚。太太是羊痴，不客氣的用手拿起羊架就咬，她說一咬就開，入口就化，非常的嫩滑，還說比高級酒店的貴價菜更好吃。羊架是七成熟，💯分。以上兩個晚餐，加$25升級套餐，包括餐包、湯、雪糕和熱飲。最後太太還用第二個胃加點了甜品。💥朱古力心大軟配雪糕（$58）香濃流心暖呼呼，加個凍冰冰的雪糕球，插一把紙傘，又好看又好食。

旺角區近期開左一間紫色閃閃的西餐店，氣氛帶點浪漫，頗有情調，坐位都寬敞，二人世界就岩曬啦！♥️ 餐湯&餐包餐湯係羅宋湯，湯料非常豐富且熬得入味！餐包烘得熱熱，浸在餐湯上進食，超級入味！♥️ 20CM 吉列豬扒配飯店家招牌菜： 20CM 吉列豬扒，我用尺度過下，真係足20CM！吉列最忌就係太厚粉，依到既吉列恰到好處，外脆薄皮，肉質厚實入味，超美味。♥️ 鐵版燒肉眼扒五成熟係完美既熟透比例，保留肉眼既鮮味及肉質彈性，肉質有番咁上下厚度，不會過分煙韌，原汁原味！配上薯菜已經好飽、好滿足！♥️ 水牛城雞翼經典菜式，配上餐廳自家調配的醬汁，雞翼烤得脆脆入味，啖啖汁啖啖肉！🎊 餐廳備有特色飲品、雪糕甜品，CP值好高！

🧡❤️💛抵食熱熔芝士🥩隱世地址旺角越嚟越多嘢食，不過平時好少行去豉油街搵餐廳坐低慢慢食😆啱啱Lunch time發現依度多咗間紫色嘅扒房，雖然係平日😳但幾乎滿座，似乎假日會爆場😂食依間除咗係好耐冇鋸扒，仲留意到有熱熔芝士加🧀+$18就有，緊係要加🤗餐牌上除咗鐵板餐，仲有生酮餐㗎！💛精選肉眼扒💛 $79 +$18熱熔芝士餐包+餐湯+鐵板肉眼扒+意粉/飯/薯菜+甜品+飲品=$79 依個餐喺餐牌上算貴㗎啦，其他鐵板餐都係$68，一樣都有咁多嘢😂上鐵板後，店員會趁熱倒上熱熔芝士🧀芝士嘅份量都幾多🤭不過塊扒有啲大，覆蓋唔晒🥩肉眼扒揀咗5成熟，厚切啖啖肉 肉質鮮嫩唔韌😌🖤黑松露什菌燴椰菜花飯🖤 午市套餐 $58估唔到扒房都有生酮菜式😛椰菜花飯份量足夠，黑松露味道超濃郁🤤當中嘅什菌令口感更豐富！🧡20cm吉列豬扒🧡 午市套餐 $62佢話20cm喎！一於嗌埋佢先🫣Hatty用隻手度過啦，就咁睇應該over 20cm😂佢除咗又長又大塊，仲有厚度㗎！🐷肉質厚實不乾柴，雖然打卡耐咗，不過外層依然酥脆！薯菜份量都幾多，豬扒底部仲有好多薯條🍟食完好有飽足感！😝餐廳環境幾寬敞，坐得舒服😌仲有啲年代感嘅設計，播住一啲