HeySoNuts

營業中

休息中

呢間餐廳幾有西餐氛圍，燈光略為昏暗，播住柔和動聽嘅音樂，酒吧枱上小飾物嘅擺設襯托出西方嘅風格，同自己嘅另一半得閒過嚟撐吓枱腳都唔錯！不過如果平日夜晚嚟嘅話都最好先訂枱，因為人流都比較多～✎ 香料牛油烤春雞伴印度香飯飯粒粒乾身，飯與飯之間飄散住印度香料味，味道相對較濃，但係係惹味嗰種˵¯̴͒ꇴ¯̴͒˵春雞嘅肉質對比出面其他餐廳相對較軟嫩，亦幾大隻～而春雞嘅醬料似乎加咗牛油，牛油作為調味元素真係一流～令到整碟更加香口。份量亦算大份！✎ 自家製蒜香四川醬大蝦炒意大利粉蝦質感爽口新鮮 ，意粉少少creamy，偏水啲 ，不過都好好味，少少辣～✎ 咖啡拖肥榛子朱古力千層酥配香草雪糕甜苦交疊，口感幼滑，層與層之間超鬆化！而香草雪糕表面好似加咗焦糖醬，味道更香甜同時多變，唔會齋係香草味咁dry ～✎ 70%比利時鮮奶朱古力微苦，伴隨住淡淡奶香，飲落有種食緊比利時朱古力嘅感覺⁎⁍̴̛ᴗ⁍̴̛⁎

之前見到呢間甜品Cafe嘅梳乎厘班戟都幾多人推介，所以專程去試吓～ 見到門口寫住start@2014，原來都開咗10年咁耐～ menu都算多選擇，仲有好多係用自家製醬料整，感覺幾有誠意！叫咗兩款主食加一個甜品，全部質素都幾好，甜品好邪惡好正！值得去try try😆🔸自家製青醬帶子意大利飯 $148平時見到有青醬嘅飯麵，都會叫嚟試吓，無忌廉汁咁膩，感覺清新啲！呢度嘅青醬味道清爽，香草味濃，意大利飯粒同青醬超級融合，軟綿綿幾好味！帶子大大粒，好滑嫩鮮甜！🔸手打西冷牛肉原隻大蘑菇漢堡配薯條 $156好大個漢堡！西冷牛肉幾厚身，煎得香又juicy，切開時有部分位稍為易碎～ 大蘑菇超級正！菇味香濃又多汁！令個漢堡更加好食同濕潤！麵包香脆、番茄生菜新鮮👍🏻🔸70%比利時髒髒黑朱古力日式梳乎厘班㦸 $102睇見都流口水🤤 非常之邪惡嘅口味！黑朱古力微甜，仲有髒髒朱古力粉，朱古力味好濃郁！梳乎厘班㦸口感軟綿綿、震騰騰，好食！蛋香味都有，仲有香蕉搭配一齊食～ 不過食太多都會覺得膩，建議留少少肚食😆🔸70%比利時鮮奶朱古力 $46叫咗呢杯鮮奶朱古力，比想像中細杯，都算濃朱古力味，又有鮮奶嘅香滑，唔錯嘅～

土瓜灣北帝街有好幾間出名嘅cafe，相隔兩年小編再訪小店heysonuts 🌰 原來餐廳已經係土瓜灣紮根十年，當日下午茶時份餐廳都幾乎坐滿，依然好有人氣。雖然只係小店，但係同時可以係主菜、pasta、甜品同飲品都做得好唔係咁容易，好欣賞餐廳嘅誠意 😆----------------------------烤生菜希臘芝士沙律 $118雖然呢個沙律價錢比主食高，但係好特別好值得試。小編好鍾意食feta cheese，同羅馬生菜簡直係絕配～ 沙律仲有炸蓮藕，賣相吸睛之外口感以更豐富。沙律仲有啲煙肉碎同埋麵包粒，令沙律嘅配搭更豐富。----------------------------松露油忌廉野菌汁貓耳朵意粉 $102松露味唔算突出但係可以帶出意粉嘅係香味。野菌醬濃稠、creamy得黎唔會太杰身。貓耳朵口感煙韌，非常掛汁。合桃碎夾埋野菌汁食都好夾～----------------------------70%比利時鮮奶朱古力 $46朱古力味道超濃郁，口感細滑，冬天飲一流🍫----------------------------Tiramisu 梳乎厘pancake $104甜品方面，呢度嘅

好一段時間無過嚟土瓜灣，感覺又有啲唔同，今晚同老婆嚟到土瓜灣「北帝街 」搵食，其實就喺提早食小弟餐生日飯，呢條可以講喺新興嘅食街，沿途好多有心嘅小店，最後揀咗近「宋皇臺」嘅「HeySoNuts」，主要風評不俗，有靚咖啡飲啱我，有梳乎厘班戟就啱佢。俗語話有麝自然香，有質素嘅餐廳自不然有客路，今晚嚟到確喺有幾多人，全場爆滿。一室長形，鋪位入到好深，裝修帶點工業風，配以昏暗而柔和燈光，確喺幾有氣氛；而近門口有啲吧枱位，可以睇到鋪外街景。此外，最特別，又吸晴喺餐枱面嘅花磚，好有啲葡國風嘅設計。而店員睇起嚟都好後生，好好招呼，又有禮貌。餐牌得好精美，黑底白字，加上啲食物相。咁作為咖啡店，咖啡梗喺主打啦，一起首就介紹飲品先，除多款意式咖啡之外，就仲有多款咖啡特飲、精品咖啡、熱果乾茶、手搖冰茶、果汁及其他飲品。 再加多一張額外飲品餐牌：啤酒、雞尾酒、餐酒。食物方面，類別就分為沙律、主菜、嘻蘇甩精選、湯品、意大利麵、意大利飯、漢堡……等等。配搭都幾新派、幾有創意，所以，都話依家唔好睇少啲咖啡店，供應嘅食物非常之多元化。 甜品款式亦好有驚喜，因為款式以咖啡店以言，的確真喺多，包括梳乎厘班戟、窩夫、法式千

之前去土瓜灣上堂，經過間文青cafe一直想去試，趁呢日同文青朋友慶祝生日，就帶佢嚟呢到試下！✨柚子咖啡梳打 $62朋友嘅柚子咖啡梳打，聽落配撘幾特別。朋友話有咖啡香味得嚟，又飲到柚子嘅香甜，味道好清新！✨70%比利時鮮奶朱古力 $45朱古力味香濃，甜度齊中，入口順滑🤤✨慢煮三文魚牛油果沙律 $119三文魚滑溜，鮮味，沙律菜新鮮爽脆，仲有青蘋果酸甜清新，牛油果醬香濃幼滑，好開胃！✨雙重芝士配自家製蕃茄汁扁意粉 $98蕃茄汁係自家製，唔係用茄膏，簡單一個意粉都充滿誠意！蕃茄汁香甜，配埋半熔芝士🤤食落唔漏，仲好惹味！意粉煮得啱啱好，煙韌彈牙！仲有啲香脆松子，增強口感。✨炸石班魚柳漢堡配薯條 $129賣相霸氣！石班魚柳超長，大大舊！炸得非常香脆，唔油膩，魚柳肉質結實又鮮味！麵包烘得外脆內軟，而且鬆化有彈性，配埋沙律醬，蕃茄同生菜絲，真係好正👍🏻✨自家製髒髒比利時朱古力醬日式梳乎厘鬆餅配焦糖香蕉 $98呢個梳乎厘絕對係必叫之選，為咗佢我會再返嚟！朱古力醬味道非常濃厚，唔會好甜，同時唔會蓋過梳乎厘濃濃嘅蛋香！口感滑溜，鬆軟而且水潤，真係啖啖滋味🥰留意到牆上呢張poster，12月5日前訂火雞有9折

住喺土瓜灣嘅我，以前都識個舊同事住土瓜灣，佢一早已經同我提過呢間西餐廳非常唔錯，但係我不嬲都唔太好西餐所以一直無去試，見就黎搬屋搬到咁遠所以今晚決定去試下😅好彩我哋七點已經去到因為好快已經full曬🙈由於太少食西餐既關係，完全無乜idea食咩好，店員可能見到我哋好似好苦惱就好窩心咁問我哋駛唔駛介紹下，同埋問我地有冇嘢唔食或者敏感， 其實男友唔食芝士，而我自己就對奶同芝士同忌廉呢類東西都會敏感肚痾🙈可能我情況比較嚴重😂 所以廚師就走咗出嚟親自同我哋傾下問我哋使唔使需要啲咩意見😂 廚師之後推介左個豬腩肉芥末子醬意粉俾我， 男友想食burger所以叫咗個手打西冷漢堡走芝士配薯條， 另外點著杯70%比利時鮮奶朱古力， 最後仲加咗個士多啤梨窩夫😂所有食物全部即叫即整保證新鮮熱辣👍個西冷漢堡嘅牛肉係廚師買返黎之後自己打， 好花心機同時間😱 不過真係好juicy，好厚身，同彈牙，勁正😋 個大蘑菇真係超巨型～蕃茄唔會太生，薯條熱辣辣唔會太油膩～個豬腩肉芥末籽醬意粉係轉咗新menu之後先有， 豬腩肉係用slow cook方法去煮，所以一啲都唔韌👍 意粉唔會好乾身，油份啱啱好， 呢個意粉帶有好輕微嘅辣味，

早幾個星期去過幸福嘅班戟，但人頭湧湧，一直心思思好想食差唔多類型嘅野，見網上都有人介紹過呢間嘅梳乎厘，造型幾特別，於是慕名而來。老實說在我而言都係長途跋涉，轉左幾次車先黎到外面落住微雨，又大風，急急腳坐低，被安排到近門口嘅長枱搭枱。餐廳裝潢偏工業風，開放式廚房，水泥色配木質家具。下午茶時間都幾好生意，唔多唔少會有點嘈吵。由於我為甜點而來，未有細緻留意餐牌，除左四款日式梳乎厘鬆餅，仲有窩夫、千層酥、奶凍、慕絲等，價錢中上，另收加一。揭過餐牌，原本打算點一客梳乎厘、窩夫及飲料，不料下單時方知道當日未有梳乎厘 (我應該一入門口就問清楚嘅…) 大感失望，想起身走人薑味麻糬窩夫 配紫薯、香草雪糕 $62/半份薑味窩夫幾特別咁，即管試下。除左紫薯蓉，可選栗子蓉及紅豆蓉，即點即製，需時等候。窩夫只有半份，定價頗高。賣相都幾得意，將窩夫打直放，中間一舊紫薯蓉，加上雲呢拿雪糕、焦糖漿及一件菓子。窩夫食落果然有明顯薑味，幾特別嘅；即製但入口唔脆，而且極乾，夾層嘅麻糬份量雖然都夠，根本乾啃…反而其他配角較正常，紫薯蓉好raw，味道濃郁，唔會太甜；雪糕軟滑，菓子裡面有片柚子，味道清新。70%比利時鮮奶朱古力