The Grill Room (The L. Square) (已搬遷) 新店位置

餐廳位於大廈五樓。電梯門一開，已是餐廳位置。午市套餐餐牌上每款主菜、頭盤、甜品和飲品均註明價格。顧客可按個人喜愛配搭，是個十分好的安排。 凱撒沙律：新鮮爽脆蔬菜，加上脆煙肉、芝士粉和麵包糠，口感清涼爽口。 蘑菇忌廉湯 ：湯的濃稠適中，濃郁綿滑的蘑菇忌廉湯帶有濃香的黑松露味道。 8安士肉眼扒配薯角蔬菜：下單時，店員會詢問客人牛扒所需的熟成度。 肉眼扒呈上後，我切開一看，正是我喜愛的五成熟，可見牛扒烹調得宜。放入口一嚐，帶來驚喜。除了吃到細嫩的牛扒質感，更嚐到炙烤的香味，真的令人回味。椰菜花以蒜頭炒得非常香口。整體是色香味全 高級和牛漢堡配沙律薯條： 和牛漢堡都可選擇熟成度 五成熟的和牛漢堡肉質細嫩濕潤、牛肉味濃。 加上新鮮的蕃茄、生菜、芝士和酸青瓜，口感豐富，啖啖滿足。粗身薯條表面脆口，內裡綿密。隨附的一小碗沙律菜配以微酸甜的黑醋，可清味蕾。 熱鮮奶咖啡(Latte)：一看便知是用心之作，奶香味足，潤滑順口。 熱意式泡沫咖啡（cappuccino）：奶泡更多，咖啡味道比鮮奶咖啡更重。 焦糖朱古力蛋糕：滑滑的朱古力蛋糕不覺甜膩，口感滑順。加上鬆脆的餅底，配搭濃郁抹醬，非常可口。免加一收費，

今日係放假拍拖日, 同男朋友一見到面就已經好肚餓, 所以即興走去据扒!! 見附近有The Grill Room, 即刻衝左上去, 好彩有位! 今日有lunch食, 幾好可以按自己需要加配餐湯/甜品/飲品, 自由配搭, 而且價錢都好合理 磨菇忌廉湯 $16湯底濃郁, 食得出有磨菇蓉, 超正! 仲跟左一片脆卜卜既麵包, 可以沾湯汁一齊食，更加好味雞肉雜菌汁扁意粉 $68意粉煮到軟硬適中，醬汁好creamy，配菜都好多下，好多菇同雞肉，略嫌雞肉有d鞋，呢碟上碟時熱辣辣，好新鮮8安士肉眼扒配薯角蔬菜 $108一上菜已經好吸引，個人好鍾意食到牛扒係煎到有坑紋，望見都覺得好食D! 肉眼扒唔算好厚，有炭燒味，肉質鮮嫩多汁，叫左5成熟，切開裡面係鮮嫩既粉紅色，火喉控制得剛好。而伴碟既配菜有椰菜花碎，同埋薯角，兩款都好好味～本身仲想叫埋甜品，但我哋兩個都食唔落喇 埋單時候先知原來免加一服務費, 物超所值！

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。The Grill Room 位於銅鑼灣L Square，銅鑼灣地鐵站出發不用五分鐘便到達，地點方便就腳。疫情關係，餐廳安排了酒精消毒液，而且入座前也要量體溫，令到客人食得安心。我們一行2人，叫了兩個Set Lunch一起分享。凱撒沙律(⭐⭐⭐⭐💢)新鮮爽脆的各式沙律菜配上煙肉碎，麵包糠和芝士，吃起來層次感豐富，味道清新，令人食慾大增。磨菇忌廉湯 (⭐⭐⭐⭐⭐)磨菇忌廉湯的松露味十分香濃，而且有粒粒的蘑菇。要值得一讚的是忌廉湯喝起來沒有很多忌廉，感覺比較健康。8安士肉眼扒配薯角蔬菜 (⭐⭐⭐⭐⭐)我們叫的是Medium的熟度。表面煎得剛剛熟，切開裏面還有點紅，有少少血水。味道方面，牛扒吃起來超軟嫩，油脂甘香自口中滲出，肉味十分香濃。相比起日本和牛，我更為喜歡這種美國出產的牛肉，吃起來更有嚼口，而且有牛味教人回味無窮 。葡式香辣雞配薯條沙律 (⭐⭐⭐⭐💢)焗香雞時間掌握得十分好，雞肉吃起來幼嫩多汁，輕輕的配上香草和海鹽調味已經十分足夠。春雞不是十分大隻，一個女生也能輕易Handle。伴碟

銅鑼灣The L Square有好多選擇，今次就揀左The Grill Room試下。餐廳嘅環境感覺好舒服，有高枱亦都有梳化位。12點上到去無乜人，但過左半個鐘到食飯時間就差不多滿座啦~我同朋友見Set Lunch好扺食，仲免加一，所以叫左一份雞一份牛～前菜，飲品同甜品都係另加，可以自由組合啱食嘅野。🥗巴馬火腿沙律：有2-3種沙律菜同火腿，加埋黑醋汁好開胃👍🏻🥩8安士肉眼扒配薯角蔬菜：五成熟嘅肉眼扒煎得啱啱好，肥瘦適中唔會韌，配菜係焗嘅翠玉瓜粒同煙肉為主，仲有大大舊薯角😋🍗葡式香辣雞配薯條沙律：上菜時見到係半隻燒春雞好驚喜🤩味道唔會好辣但好惹味，雞肉唔乾仲好juicy。初頭以為食唔哂，但最後食到停唔到口。粗薯條加左黑松露調味，就算唔落茄汁都好食🍟跟餐嘅沙律就同前菜一樣，只係無火腿。最後仲加左杯咖啡同甜品～即磨咖啡一上枱已經好香，味道好濃，飲品配左一粒咖啡糖同奶，值得一讚係牛奶係有打過嘅奶泡，唔係直接係雪櫃倒出黎🥰🥰跟餐嘅藍莓芝士蛋糕份量唔會太大份，食完主菜作結尾啱啱好！

好耐無据扒啦! 今日同同事黎開銅鑼灣，就book 咗The grill 試試佢~8安士肉眼扒配薯角蔬菜 📍$108絕對無將價就貨，咁嘅價錢食到咁靚嘅牛扒，抵呀! 肉質好淋好有肉汁，面層都燒得好靚，有哂格仔紋黑松露蘑菇意粉 📍$70好rich 嘅白汁，加埋好多好多嘅磨菇，令到意粉一啲都唔乾榛子奶昔 📍 $75係網上見到呢個奶昔，即刻吸引咗我過嚟。奶味好重，但又唔會好似平時個啲咁厚咁滯，不過榛子味可以再重啲Tiramisu 📍 $18忌廉好軟滑，咖啡味都好香濃，跟餐叫仲好抵喎

連續番左幾日工, 終於去到星期五啦! TGIF 🥳💃🏻🕺🏻 約左兩個同事一齊出去食lunch。我地原本想去The L. Square 食意大利菜, 點知lunch hour太多人, full house… 打算搭lift落番去地下既時候, 經過5樓時無意中發現左The Grill Room 原來就係呢度! 🤩 見仲有少少位置, 所以最後決定轉場黎呢度食。其實之前都有聽過朋友講話呢間餐廳既菜式好食, 但就無特登去搵過, 點知今日就俾我試到了!餐廳入面環境唔錯, 因為窗戶夠大, 所以有足夠的陽光🌞打入室內, 令餐廳好光猛開陽。我同同事坐左靠牆的高枱櫈, 雖然不如其他餐桌方便, 但張櫈幾舒服。另外廚房雖然係開放式, 但我地食完離開餐廳既時候又唔太覺得身上有陣油煙味, 所以廚房抽氣唔錯!Set Lunch Menu入面, 每一樣食物都有獨立的價錢, 其實咁樣都唔算係set, 似係a la carte… 不過呢度唔洗收加一服務費, 好似抵左, 哈哈! 我同其中一個同事叫左高級和牛漢堡配沙律薯條, 而另一個同事就叫左8安士肉眼扒配薯角蔬菜。前者份量太多, 我同同事都食唔哂。但相反後者份量偏少, 男

之前睇OPENRICE時見到呢間餐廳好似唔錯，咁啱今日同友人去左銅鑼灣行街，於是就上黎試下。一出LIFT口，已經直接係間餐廳，由於都係LUNCH繁忙時間，所以都幾FULL下好彩咁啱BAR枱仲有位淨，於是就安排坐左喺BAR枱佢LUNCH MENU比較簡單，有6個MAIN揀，然後甜品、前菜、甜品、飲品就可以因應個人需要而選擇加唔加配，比較靈活彈性最後落叫ORDER 2個SET LUNCH，分別為: 1) 8安士肉眼扒配薯角蔬菜($108)，雞肉沙律(因巴馬火腿沙律售罄所以改左)(+$16)，是日甜品(+$18)，凍檸檬茶(+$9)2) 高級和牛漢堡配沙律薯條($95)，莞茜薑甘筍忌廉湯(+$16)，是日甜品(+$18)，茶凍即磨咖啡CAPPUCCINO (+$18)另外LUNCH免加一收費莞茜薑甘筍忌廉湯，味道濃厚得黎亦夠香，有塊多士食下，夠脆雞肉沙律，佢雞肉唔算太多，但作為前菜都OK，D沙律菜食落新鮮高級和牛漢堡配沙律薯條一上菜可以見到佢D芝士都夠多，COVER晒個漢堡，而個漢堡扒我地叫左5成熟，切開黎睇都符合我地要求，另外佢個麵包有烘一烘個底，少少燒焦香，亦都睇得出廚師製作食物嘅細心成

想試The Grill Room好耐，同事話想鋸扒，一於上去試試Lunch。一出Lift就係餐廳，夠晒光猛，雖然係開放式廚房，但無乜油煙味。雖然叫做Set Lunch，但可以自由配搭，豐儉由人，仲免加一。落單時店員提醒餐牌中文有筆誤，沙律以英文為準。雞肉唔鞋，菜亦新鮮，鋸扒前醒醒神先！本身因為怕草腥而好少食甘筍，但見個湯有薑同忌廉，應該可以蓋過草腥，最後都叫黎試試，入口香甜順滑，果然無令我失望。肉眼五成熟，表面烤得好香，手起刀落，d肉汁標晒出黎，放入口肉味大爆發！之後再點埋個汁，好好味，店員話係肉汁加紅酒煮成。除左主角肉眼好食之外，配角亦都絕不馬虎，薯仔烤得好香，意大利黃瓜好爽脆。最後以Iced Latte作結，醒醒神，夠鐘返工！

出開銅鑼灣順便約朋友食lunch，朋友話帶我去食平靚正嘅牛扒！一出lift就係餐廳，環境輕鬆舒適。雖然係open kitchen，但抽風好好，一啲都唔會覺得大油煙。Set Lunch嘅主菜、沙律、湯、甜品同飲品都係分開計。可以自由配搭，彈性高，而且免收加一，值得一讚！芫茜薑甘筍忌廉湯 +$16忌廉湯質感幼滑，味道甜甜地，唔錯。雞肉沙律 +$16原本係巴馬火腿沙律，轉咗做雞肉沙律。沙律新鮮，咬落爽脆，雞肉都幾滑，加埋麻醬一齊食寧舍開胃。卡邦尼扁意粉 $68熱辣辣嘅意粉，一上枱就不停出煙，睇見都想食！意粉唔會好乾身，仲食到洋蔥嘅甜味，一啲都唔覺溜！8安士肉眼扒配薯角蔬菜 $108叫咗5成熟，面層見到有格紋，切開入面仲係粉紅色，真係做到5成熟！入口有少少焦香，肉質好腍，一啲都唔韌唔鞋口，而且仲好有肉汁！咖啡 +$18朋友叫咗咖啡，好香，而且啲奶仲整暖咗，好貼心！iced mocha with ice cream $48因為唔想飲咁凍，所以叫咗走冰，而餐廳都好好願意走冰。見到有個雪糕喺上面，好吸引呀！搞勻之後，暖暖地，有朱古力味亦有咖啡味，又唔會好甜，正！是日甜品 +$18時日甜品有tiram

今日難得約到老友出去食Lunch，佢就介紹了一間食過話好正既餐廳比我試下The Grill Room 位於銅鑼灣The L. Square五樓, 位置方便就腳一出𨋢就會見到餐廳的reception位，餐廳採用半開放式廚房, 但唔會感覺到太大油煙而店內環境別具情調，座位寬敞舒適，氣氛不俗The Grill Room 既 Set Lunch 係以主菜、沙律/湯、甜品及飲品分開計算的。可簡單地選擇自己合適的配搭，重點係...整個Set Lunch都作免收加一(又可以慳番小小)而餐廳都有些特色飲品可供選擇如: Latte, Cappuccino, Iced Mocha With Ice Cream....磨菇忌廉湯 ( Cream of Mushroom Soup) - Set +$16磨菇忌廉湯一來到已聞到香噴噴既味道，飲下去磨菇味濃郁，口感濃稠。凱撒沙律 (Caesar Salad) - Set +$16 沙律用上沙律菜配黑醋橄欖油，酸酸甜甜十分開胃，更把Parma Ham 放於頂，令口感更豐富8安士肉眼扒配薯角蔬菜 (8oz Rib Eye Steak) - $108下單叫了5成熟，細看

今日無帶飯，跟同事出黎食好嘢！成日經過L Sqaure都見到the grill room的招牌，今次終於可以黎試啦！呢楝樓有好多間餐廳都係一開lift門就見到哂裡面，無另外再間開，呢個餐廳都係咁，黎到已經見8成滿，waiter問我坐bar枱定高枱(全場有4張左右)，就我揀左後者。高枱都坐得舒服，我地坐近lift口位置，見到近窗位置就有SOFA位。餐廳裝修都有心意。現場都有背景音樂架，不過人聲太嘈唔會享受到囉拿拿聲叫野食，set lunch可以逐個course加，主菜黎講$65-$98算是抵食，就算加埋前菜甜品都唔算好貴！我同同事今日就揀左高級和牛漢堡配沙律薯條($92)，同埋8安士肉眼扒配薯角蔬菜($98)，另外餐湯(+$15)、沙律(+$15)，重有是日甜品($18)，呢度最大既優點就係免！加！一！沙律有2塊parma ham而份量相對「的骰」，味道一般！今日既湯轉左係南瓜湯，夠「傑」身，味道又好！仲有塊小多士配(雖然我嗰件有少少燶味但可以接受)！到主菜啦！和牛漢堡好厚呀！成個包厚到我唔能夠一啖咁咬落去，會跌哂D配料出黎，佢配以蕃茄、生菜、酸瓜，味道好配合！我揀七成熟既和牛，唔算老，

今日難得同同事出去食lunch，一早就book定位!1點去到都唔算好多人!一直以為呢間餐廳的lunch會唔平，點知價錢都算OK!兩個人點了兩個set lunch!+$15點了南瓜湯，湯附有一小塊多士，可以俾你點湯食!南瓜湯都算creamy，南瓜味都幾濃!茄蓉西班牙辣肉腸扁意粉($68)，蕃茄蓉既粒粒仲可以清晰地見到，蕃茄粒鮮甜。扁意粉彈牙，掛滿了醬汁，酸酸地幾開胃。辣肉腸切成條狀，方便同埋意粉一齊食。有少少辣，有少少好似食緊臘腸的感覺。8安士肉眼扒配薯角蔬菜($98)，塊牛扒比我想像中大塊!叫了5成熟，上碟沒有過熟，肉質鬆軟，牛肉味都幾濃，肉汁都幾多!薯角炸得剛剛好，唔會太硬或者太淋，鹽份適中。蔬菜冇諗過係用蒜蓉炒過係翠玉瓜，仲有D煙肉添，幾惹味!+$18點了是日甜品，有奶凍或者提拉米蘇揀，同事揀選了奶凍。奶凍係朱古力奶凍，上面還有薑餅人形狀的朱古力做裝飾!奶凍好滑，唔會好甜!+$9加了凍檸茶，糖水自己加的，所以唔怕會好甜。而且餐廳的飲管用了金屬飲管，非常環保!總括黎講，餐廳環境舒適，服務員有禮。食物質量幾好唔算好貴，比想像中大份!有機會要黎試下晚餐!

我去過尖沙咀分店和這銅鑼灣分店相比之下，銅鑼灣分店的食物及服務都好很多個蔬菜煮得很好吃，很有蒜蓉味的味道個侍應強烈建議我個肉眼扒不要咁熟於是我點了5成熟，很有牛味又易入口個蘑菇湯一般般，不是我飲過最好飲的個檸檬茶很好，糖水分開上，自己加配分量令飲品不會太甜，很欣賞個飲品都做得咁細心最後我想讚揚銅鑼灣分店的職員他們都很有活力，而且令人愉快例如他們都會很歡迎你來到，會提示客人小心離開的時候幫你㩒𨋢，說歡迎您下次再來咁既服務令我一定要再光顧該餐廳！

聽朋友講Gill Room🌿既評價不錯所以特登黎試佢既lunch set果然真係平靚正👍🏻👍🏻呢個係佢既lunch set menus我地total叫左3個Main 1️⃣高級和牛漢堡配沙律薯條🍔佢成個burger相比起burgeroom既burger細一半，不過對我黎講已經夠食💁🏻‍♀️漢堡好厚，好有分量加上成塊漢堡都有芝士味道好濃郁👍🏻不過漢堡啲肉唔夠實，切完後會有啲散Burger入面有蕃茄同生菜我覺得個包皮可以試下脆翻小小因為有啲冧🤔🤔佢既薯條🍟好大條同厚岩岩炸完好脆同熱非常好味不過本人覺得有啲鹹🤔2️⃣8安士肉眼扒配薯角蔬菜佢呢個肉眼扒好值得叫價錢我覺得非常合宜牛扒肉質好juicy 😋同煮得好冧完全冇過熟既感覺個黑淑汁好重黑淑味Side dishes既蔬菜好冧好入味仲有3舊大薯角🥔3️⃣葡式香辣雞配沙律薯條個人認為呢個香辣雞麻麻地入面既肉質唔夠嫩滑，好乾同埋冇辣味☹️不過個皮係整得好入味同焗得啲色澤好靚4️⃣凱撒沙律叫main menus +$15就可以加呢碟沙律佢一星期每一日都有唔同既special offer🎉大家可以跟住自己既喜好揀日子去食

呢座大廈好多餐廳，今次就同朋友揀左呢間Grill Room食lunch。一入到去已經有種好chill好relax既感覺。open kitchen散發著陣陣燒牛肉味道，我地都決定叫翻一份。肉眼扒要左5成熟，燒得剛剛好，充滿肉汁又唔會好多血水。而且塊扒無咩肥膏/筋位，啖啖肉，完全唔需要加汁都好夠味。而且呢個價錢食到8安士而且咁高質既牛排真係好抵食！另外朋友係蛋控，要左份黑松露炒蛋配煙三文魚。雖然價錢有少少貴，但蛋真係炒得好嫩滑。而且黑松露醬都好足料，夠哂味。配上兩塊脆多士同沙律菜，其實都好飽肚好滿足！愛蛋人士一定要試下！set lunch每份都包沙律/是日餐湯，我地每人要左一樣。沙律係簡單既羅馬生菜配上沙律醬。上面有d脆脆既煙肉粒同麵包，好開胃。而今日餐湯係南瓜湯，甜甜地，唔會太稠，上菜時待應仲會幫你即磨黑胡椒，非常貼心。女仔食飯點可以冇甜品，我地再加錢要左個朱古力蛋糕。好香濃朱古力味，蛋糕質地好軟滑。成餐每樣野都好高質，餐廳雖然唔太大但都坐得好舒服，又唔會太嘈吵，同朋友聚餐好選擇！