和牛蕃 (已結業)

呢個六月真係過得不容易，想令自己開心，食好嘢絕對係一個辦法！同事話公司附近有間新餐廳好似好勁，所以擇日來探個究竟，順便為自己打打氣！呢間餐廳原來三合一，叫自己做「五感六覺」，有獨立入口，單係條樓梯都已經睇到佢用心裝修，沿著呢d迷幻樓梯轉上去，reception 歡迎你，遇正今日落雨，佢仲立即幫你收起把濕傘，換條key比你，淨係呢個「代客泊遮」服務，我就feel到佢幾高級！經過另外2間食肆（一間清酒吧一間食和牛火鍋），轉兩下就黎到和牛蕃的地頭，沿路會見到幾個大雪櫃，裝着唔同部位嘅和牛，仲會見到師傅「表演」刀功！除了覺得地方都幾大之外，仲見佢有不少間房，活動式設計，min charge $5000（四人房）或$10000（八人房），後來發現最後仲有間超大房應該坐到16-20人。我們就坐「大廳」，睇下menu，最後大家都贊成食set,揀左個每位價值$798的Vanne dinner set B,應該有齊大家想試的東西！除左呢個Set B, 仲有一個Deluxe set ($998一個)、Set A($498一位)，亦都有lunch set ($188-258不等)呢！先黎個前菜,一上枱已經嘩

朋友知道我最鍾意日本料理而且係一個牛魔王，特意約我去呢一間和牛專門店試吓。原來呢間餐廳入面其實有三個餐廳，此餐廳入去會先經過廚房見到師傅點樣切緊啲和牛。中間餐枱放咗唔同嘅清酒同埋黑松露等。佢哋有三個晚市套餐，有$998、$798及$498，最安全都係中間落腳，選了$798套餐。前菜係脆炸墨魚 (水準中上)、北海道帶子伴鴨肝魚子醬脆餅（帶子碎上加上魚子醬突出佐帶子嘅鮮味，正!）、和牛啫喱配粟米燉蛋（原來蝸牛啫喱冇乜牛味，但加上燉蛋都係一個幾新鮮嘅配搭）番茄配黑椒醬油，開胃嘅沙律；A5和牛多士配蛋黃醬伴魚子醬，呢個多士可能係我食過最貴嘅多士之一，但配搭上有少少比蛋黃醬搶左和牛嘅牛味；和牛海膽壽司，入口即溶，齒頰留香。和牛牛尾湯，鮮甜酥嘅牛尾湯！之後會有侍應在面前燒4種食材，苜先係兩種牛脷，分別係鹽漬及醬油；鹽個隻牛脷同普通鹽燒牛脷分別不大，唔係好食得出和牛牛脷有咩特別；但醬油牛脷完全唔同，係一個完完全全和牛嘅感覺而真係一啲都唔似牛脷，在侍應解釋才知道原來牛脷嘅部位係唔同嘅，醬油牛脷嘅部份比較近喉嚨位置所以肉質上似牛肉多多過似牛脷，完全未食過咁正嘅牛脷！黑毛西冷及精選和牛；精選黃牛有水準，黑