Coffeeholic (已結業)

星期六放假總喜歡同朋友一齊搜尋咖啡店，今日嚟到上環嘅coffeeholic，門面小清新感覺，見到地方唔係咁大坐低左之後先發現原來仲有第二層。我點左個 all day breakfast 同一杯凍 latte，朋友點左一份意大利粉同牛肉，同埋一杯凍 mocha。首先上嘢飲嘅時候，咖啡拉花唔單止精美，從流線型嘅杯、仿木紋嘅杯墊同埋短身嘅飲筒，都足以令我地感受到呢間Cafe嘅細心。試埋個 all day breakfast，我非常之鍾意用墨魚汁染色嘅黑色麵包！配搭埋牛油果醬同溫泉蛋，口感一流。咖啡亦都好Rich，店員話俾我哋聽其實佢哋母公司係台灣咖啡店，使用嘅係南非嘅咖啡豆，鍾意飲咖啡嘅朋友一定要過嚟試吓！唔知道係咪因為係台灣公司嘅關係食物飲品服務全部都做得好足，令人滿意。朋友話佢所點嘅牛肉同埋意大利粉都好好味，我覺得一間咖啡店除咗咖啡做得好之餘，嘢食都做得好實在難得，真係好開心今日無意中發現左呢間咖啡店，令我之後放假多一個好去處。實在諗唔到呢度有邊方面係唔值滿分🙈

星期六 係極度需要慢活一下走到蘇杭街 為的就係呢間好有❤️嘅小店餐廳內嘅枱櫈 員工嘅圍裙 杯碟都印滿餐廳logo 一啲都唔馬虎店主完全將台灣嘅風味同人情味帶晒返黎經過店員推介 我地㨂左all day breakfast有別於一般餐廳嘅 茄汁豆 煙肉 腸仔餐廳換上溫泉蛋 黑松露薯仔沙律牛油果沙律 同埋 果仁沙律 非常清新薯仔沙律充滿濃濃嘅黑松露味 果仁沙律自己烘焙 非常香脆 沙律菜超新鮮黑炭麵包超好食 夠鬆軟 大愛配上充滿肉桂味嘅辣味牛奶咖啡點綴一下咖啡飲落帶有微微辣味 夠新鮮友人㨂左慢煮雞腿意粉 好有咬口好耐無食過咁有口感嘅意粉了👍🏼👍🏼👍🏼慢煮嘅雞腿肉質嫩滑 配上鮮茄汁 微酸醒胃友人㨂嘅海鹽焦糖latte 咸咸甜甜 好得意最後店員送上兩客brownie俾我地朱古力brownie 外面有朱古力粒增加口感 中間配埋香濃朱古力 好好食綠茶味是超濃的令到咖啡精嘅我忍唔住叫多杯lungo配下係expresso n americano 之間搵個中間點喜歡齋咖的人 總會愛上💕💕💕就這樣 慢活左兩三小時 好舒服啊