影片
更多
2022-10-12
2663 瀏覽
要講到Ritz Carlton嘅印象一定係佢嘅高空海景view！呢一間意大利菜就喺Ritz Carlton嘅102樓，同層仲有二星嘅天龍軒同一間caviar bar。裝修方面行貴氣路綫，高樓底加上落地大玻璃令環境更開揚。要想食環境的話，呢到必定唔會令你失望～ -餐廳有 4 courses $1688 p.p. 同 5 courses $2088 p.p. 嘅tasting menu，亦都可以選擇a la carte。我哋食唔到咁多就選擇要a la carte，喺店員推薦下點餐。之後好快就會有店員推住裝滿各種酒嘅餐車睇你有無需要，真係花多眼亂。不過喺飲水都要比錢嘅前提下，叫杯飲品好似又唔貴🤑-🎈Amuse Bouche有個小插曲就係我哋坐咗好耐都冇人拎menu比我哋，一問之下先知道原來餐廳係會先上Amuse Bouche 再同食客介紹menu。呢個位可以改善吓嘅就係會唔會先同食客講會有呢樣嘢，而唔係令我哋誤以為佢唔記得咗我哋會好啲？😹 -入返正題，前菜方面有兩款小撻、用匙羹裝住嘅蟹肉同Mousseline杯。免費嘅嘢特別好食😛👉Tarts 最impressed 嘅係個蕃茄撻，有少少似進階
要講到Ritz Carlton嘅印象一定係佢嘅高空海景view！呢一間意大利菜就喺Ritz Carlton嘅102樓，同層仲有二星嘅天龍軒同一間caviar bar。裝修方面行貴氣路綫，高樓底加上落地大玻璃令環境更開揚。要想食環境的話，呢到必定唔會令你失望～
-
餐廳有 4 courses $1688 p.p. 同 5 courses $2088 p.p. 嘅tasting menu，亦都可以選擇a la carte。我哋食唔到咁多就選擇要a la carte，喺店員推薦下點餐。之後好快就會有店員推住裝滿各種酒嘅餐車睇你有無需要，真係花多眼亂。不過喺飲水都要比錢嘅前提下，叫杯飲品好似又唔貴🤑
-
🎈Amuse Bouche
有個小插曲就係我哋坐咗好耐都冇人拎menu比我哋，一問之下先知道原來餐廳係會先上Amuse Bouche 再同食客介紹menu。呢個位可以改善吓嘅就係會唔會先同食客講會有呢樣嘢，而唔係令我哋誤以為佢唔記得咗我哋會好啲？😹
-
入返正題，前菜方面有兩款小撻、用匙羹裝住嘅蟹肉同Mousseline杯。免費嘅嘢特別好食😛
👉Tarts
最impressed 嘅係個蕃茄撻，有少少似進階版嘅pizza😹 蕃茄味好突出，好食～
👉Crab
蟹肉拌入青蘋果，成件事會fresh一點。蟹肉都好鮮味，一啖食落口好方便。
👉Mousseline
最面頭放咗魚子醬嘅關係，特別配備咗貝殼羹。奶泡底下仲有龍蝦，層次好豐富。
推薦指數: 7.5/10
-
🎈Bread
呢到嘅麵包係一大嚿嘅Sourdough，有麥香表面夠脆，不過有部分位置好似硬咗少少🤏 雖然麵包比較普通，但呢到係暫時我見過最多橄欖油選擇嘅餐廳！有4款由店員逐一介紹，睇返食客中意咩口味~
推薦指數: 7.5/10
-
🎈Appetiser - Veal Tenderloin Tartare 牛仔肉他他 ($468)
店員推薦下點的牛仔肉他他，有蕃茄，烏魚子同魚子醬作為配料。牛仔肉調味唔多，主要靠魚子醬增加一點鹹味。我自己就覺得調味比較普通，不過食材搭救。都好食不過就未到好impressed。
推薦指數: 7/10
-
🎈First Course - Sicilian "Busiate" 西西里扭紋粉 ($618)
見唔少評論都話紅蝦好食，加上店員推薦就試一試！紅蝦係我好中意嘅食材，至於扭紋粉其實我都係第一次食。意大利嘅主食都係偏硬少少，呢個扭紋粉都無例外。醬汁中嘅番茄味同蝦味都好突出，扭紋粉很好地掛汁，底下嘅兩隻紅蝦仲擺成心形🫶 呢個first course好滿意啊~
推薦指數: 8.5/10
-
🎈Main Course - Sirloin of Kiwami Wagyu Beef for 2 ($968)
呢到嘅Main Course都係二人份，如果想試多幾款就可能要叫tasting menu啦。但係呢個Main係比較失望嘅，因為中間有一條好粗嘅筋橫跨成件牛扒。佢味道係唔錯的，落咗好多香料同rosemary。但因為呢條筋，所以啲肉唔係好咬得開，實在無辦法享受成個過程。
店員知道咗之後都有同我哋解釋返可能因為呢個係Sirloin嘅位置，所以咁啱呢一塊有呢個問題。可能真係我哋唔好彩啦😮💨 店員都有提出換其他比我哋，不過食到呢到已經好飽所以就拒絕咗，最後就送咗個tiramisu比我哋。
推薦指數: 不作評論
-
🎈Cheese Platter ($120)
Cheese Platter
$120
32 瀏覽
0 讚好
0 留言
食完Main之後就有店員推咗放滿芝士嘅餐車過嚟，對芝士認識唔深嘅不妨叫店員推薦一下！相比起soft cheese，我自己就比較中意食hard cheese。試咗4款芝士，個人比較中意橙色個隻cheese😛 店員仲放咗幾款果醬、蜜糖、脆餅等比我哋配搭芝士，個蜜糖超好食！
推薦指數: 7.5/10
-
🎈Dessert - Saffron Tartlet ($198)
藏紅花甜品聽落已經覺得好特別，都係店員力推！我唔知藏紅花到底係咩味，不過就食到淡淡紅酒味同蘆薈味。幾特別，幾好食，但又唔算係我好中意嘅味道。
推薦指數: 7.5/10
-
🎈Dessert - Traditional Tiramisu ($188)
Tiramisu係傳統意大利甜品，旁邊配上咖啡沙冰。雖然係因為個main唔滿意而送嘅甜品，但相比Saffron Tartlet我更中意呢個tiramisu。味道唔太甜，中間蛋糕適當地有酒味。
推薦指數: 8/10
-
🎈Petit Four
最後係好飽嘅時候再上埋petit four，真係完全食唔落😹 有兩件小蛋糕，一粒玫瑰軟糖同一粒朱古力。普普通通，不過不失。
推薦指數: 7/10
-
🎀總括而言🎀
👉食物：個牛扒有點失望，紅蝦扭紋粉都唔錯
👉服務：知道個牛扒有問題都有及時做補救措施，呢個應對都收貨。另外我哋食到成枱麵包碎，佢有條野專用來掃走，好細心啊👍 知道係生日都有個生日小驚喜，另外要讚個姐姐好落力幫我哋影相！
👉環境：Ritz Carlton環境真係無得輸，坐窗口位可以睇到無敵大海景~
推薦指數: 7.5/10
-
🎀其他小資訊🎀
👉訂位：官網就可以book了，唔算難訂
👉泊車：Element可以泊車
👉信用卡優惠：中銀Private Card & 渣打優先私人理財客戶 - 指定套餐買一送一
張貼
