The Hwaduk (已結業)

男朋友好鐘意韓國食物，所以我地成日都會去唔同既韓國餐廳。呢一度係朋友介紹，話適會情侶黎，傾計又方便，氣氛都幾好！晚上八點零黎到，附近好多名店，樓下人流都唔係好多，幢大厦似商厦，唔講都唔知有唔少餐廳！順帶一提，部lift 係玻璃，上廿幾樓，睇到出面，有啲驚驚，哈哈。樓下入口場內燈光有少小暗，木枱木櫈，水bar 廚房右手邊有個焗pizza 既爐，好特別！飲品叫左peach squash ，好夠凍。好香桃味，有氣，唔係話太甜，好飲！有片檸檬同薄荷葉係面做裝飾。如果少啲冰會更好，因飲到後期，冰融左，杯野有啲淡。雜錦魚煱好大鍋下！有好多唔同既魚製品。湯好清甜，仲有洋葱、菜同青口。一路食，好有睇running man 時，佢地飲魚湯食魚餅既感覺！正！食食下發覺每舊魚製品都唔同味，好奇心下將剩低既夾出黎睇下，至少有六種味既魚片！魚片好爽口彈牙，唔會有好多粉既口感，每舊都唔同味。左下辣既，左上有粉絲同菜做餡，右邊係獅子狗，大魚片。。。等等！一次過可以滿足六個願望，鐘意食魚片既朋友一定好開心，哈哈。烤雞配年糕烤雞好嫩滑，成只雞係晒度！雞應該係先烤再撈醬（有少少少辣），所以雞外皮有啲脆。而年糕就應該係先炸

韓國美食似乎有股魔力，總係令人難以抗拒。前陣子先食完韓國炸雞，今晚又再決定光顧韓國餐廳，不過不過今次唔係炸雞，而係烤雞！餐廳環境寬敞，裝修簡潔得嚟帶時尚感。枱與枱之間都算闊落，又坐得舒服。店內設有意大利火山岩烤爐，非常特別。用呢種烤爐嘅好處就係不經油炸，但烤雞外皮卻可以做到香脆、肉質保持嫩滑嘅效果。除咗多款口味的烤雞、韓式鍋物外，仲有pizza提供。我哋揀咗BBQ味嘅烤雞。烤雞賣相十分吸引，份量係一整隻雞。烤雞表面沾滿BBQ醬，一口咬落去，外皮焦脆，薄薄嘅雞皮只係帶些少脂肪，唔會好油膩。而且肉質好嫩，BBQ味甜中帶辣，好入味！就算雞胸肉嘅部分，都唔算嚡口。貼心嘅係，餐具備有鉗同埋叉。用鉗輔助將肉撕開，好方便。另外，侍應亦送上一小碟酸甜蘿蔔小食，好開胃。我哋亦叫咗魚糕湯，份量同樣十分大，滿滿一整鍋不同款式嘅魚糕。呢兩款嘅魚片同魚捧size係特別大，侍應主動幫我哋剪開一片片，方便進食。湯底用咗白蘿蔔同埋蔬菜去熬，好鮮甜。魚糕方面，魚肉都算彈牙，不過食咗4、5款，除咗其中1款有餡之外，其他嘅味道同口感唔會有好大分別。小結：侍應服務好好，韓籍老闆娘雖然唔識廣東話，但會主動用英文同我哋傾吓計，好

韓國美食近年大行其道，當中「韓式炸雞配啤酒」更係好多人嘅摯愛。不過除咗炸雞之外，烤雞亦都開始備受追捧。用烤嘅方式取代傳統油炸，油膩感大減之餘，又相對無咁熱氣，令人有本錢食多幾件！The Hwaduk 喺韓國只係開咗三年，但已經有超過30間分店，實力絕對不容忽視。上年去韓國旅行時都有幫襯過，食完覺得唔錯，都有推介俾即將去韓國旅行嘅朋友，等佢哋都可以揾機會去試吓。當我知道餐廳喺香港開咗海外第一間分店時，當然要嚟支持吓。餐廳設計同韓國本店差唔多，裝潢簡約，環境寬敞，加上長播k pop，令你好似置身韓國本店咁。店內提供幾款烤雞嘅口味，我本身鍾意食辣，所以揀咗BBQ味。烤雞用上一只雞嘅分量，雞隻本身脂肪少，肉味濃，而且不經油炸，唔會一咬落去就成口油。BBQ汁甜中帶辣，十分惹味。另外，值得一讚嘅就係雞胸同埋雞髀肉都唔會嚡口，烤嘅時間掌握得幾好。餐枱上所擺嘅餐具並唔係一般嘅刀叉組合，反而係一個夾仔配叉嘅組合。我個人都幾鍾意用夾仔，因為比較靈活。食烤雞又點少得最佳拍檔 - 啤酒！有去過韓國嘅朋友相信或多或少都曾經幫襯過小攤檔所賣嘅魚糕湯。企喺街邊篤幾串，就好似我哋喺香港街邊篤串魚蛋一樣咁平常。當魚糕鍋