How To Live Well (荃灣廣場)

營業中

休息中

荃灣最近開左間新既日式西餐，今日放工去試下先💪裝修走日式簡約風， 好欣賞佢窗邊二人位置，景色不錯，兩個朋友坐低傾吓計，食吓嘢感覺幾好坐位坐得舒服 乾淨 ，絕對岩二人情侶 或35知己聚餐。今日兩個人點咗兩個主菜一個小食+2杯飲品全部都好驚喜兩人埋單5百幾蚊 屬於荃灣區中價路線。 佢除左野食好食。咖啡種類好多樣化 佢飲品到主菜小食都好有質素。本身想試埋甜品 因為佢個甜品menu 都好吸引。但今次實在太飽 留返下次再試👍

餐廳雖然冇K11咁闊落，但係環境佈置好類似，空間感足夠，下午有天然陽光，環境舒服。我哋今日去食午餐，叫咗兩杯嘢飲，三款食物。其實飲品價錢都偏高，但係亦都十分出色。Baby Cigar$78 特濃咖啡，牛奶，Tiramisu醬，點佢配的手指餅，好正，飲到底仲有咖啡啫喱，當佢係一個甜品都唔錯。叫咗個泰式pizza，配埋一個小青檸 食落少少酸酸辣辣幾開胃。雖然薄脆批，但size都幾大個，我哋當日只係食到一半😅仲有一個慢煮豬肉冇影相，慢煮其實都好穩陣，肉質好林，配埋少少玉桂蘋果，唔錯。仲有菠菜，不過我自己唔食菠菜，就唔評論。另外仲有個小食，醬油年糕，有少少甜，個人覺得年糕本身甜，配埋個甜醬油更加甜，幸好有少少紫菜係面，不過啲醬油又癡唔住。包住菜食會好好多，平衡番個甜味。總括嚟講，嘢食係性價比高。雖然嘢飲有啲貴，不過都值得試。

新餐廳開了，人比較多，可是位置挺空間感舒服的，裝修比較簡單，走日本風。Starter 選擇比較多，泡菜炸雞，黑松露茄子，炸蝦其實做法很簡單，這是日本系列的感覺啦！Pizza and pasta 也做得不錯，不過這個不算是很有驚喜的感覺.Main 的黑毛豬，就真的很好吃！當然，飲料就是今天的大主角，你懂的，signature drink打卡真的是冇得輸，Signature Drink 的product concept 做得很好，sunset, 看上去， 就真的像日落一樣，Baby Cigar,個名改得好！