一糖 (屏山)

營業中

休息中

今日去朋友係天水圍既家作客，食完晚飯之後朋友送我地去搭西鐵，行行下另一個朋友話想食甜品，住呢邊既朋友就帶我地去西鐵站附近既呢間甜品舖試下。呢間甜品舖比較特別既係佢真係一間獨立屋，真係朋友帶我地過去先識路。門面裝修都好日系。我地各自嗌咗一個甜品，咁熱既天氣梗係食冰喇，我就叫咗佢地「氷之系列」既「焦糖布甸牛奶冰」($65)，一嚟到已經覺得好日本風，而個布甸好結實，牛奶冰加埋啲脆米再加焦糖都好夾。另一個朋友就叫咗個「Bailey's心太軟」($58)，有揀一個雪榚，佢揀咗士多啤梨味，同埋仲有一啲雜果係上面，我都分咗一半嚟食，個心太軟幾有酒味但又唔會太重，夾埋朱古力味啱啱好。鍾意食榴槤既朋友就叫咗個「榴槤皇子」($60)，呢個朋友係第一次嚟，都話覺得正，話榴槤肉好多，啲椰香味配搭埋好特別，不過對於唔食榴槤既我始終都係唔敢食。

<一糖>是天水圍的隱世甜品店， 自成一角，牆身的大型塗鴉，充滿日式風情。餐廳主打紫薯甜品，紫薯控必然不能錯過。紫薯窩夫 $58窩夫表面灑上紫薯粉及糖霜，賣相紫醉金迷，我見傾心! 新鮮焗起的窩夫，入口香脆，雪糕口味有多款選擇，香甜的芒果與紫薯最合襯。在每格窩夫填滿紫薯蓉，口感黏糯、軟綿，再沾上芒果雪糕，更加蜜甜窩心! 伴碟還有脆薯片，薄脆吸引。棉花糖紫薯 $32棉花糖脹卜卜，除了表面的紫薯粉，墊底還有熱燙紫薯蓉，配料豐富。倒上朱古力醬，更加邪惡，拉起綿花糖，質地軟溶，配上紫薯蓉，味道濃甜，口感多層次。宇治抹茶奶 $32宇治抹茶奶有濃郁的抹茶香，甜而不澀，配上滑滑奶泡，口感滑溜、順喉。鮮雜果蛋撻配紅棗茶定食 $46定食是清新的配搭，芝士蛋撻酥皮香脆，一啖咬下去，芝士鬆化、流心，啖啖滋味! 吃過濃味芝士撻，可以吃鮮果解膩，再呷一口温熱的紅棗茶，寧神靜氣，感覺細膩。蒜香香辣雞翼尖 $20除了甜品，多款鹹點都十分美味。蒜香雞翼尖十分入味，雞肉軟嫰，入口即散，開頭微微泛辣，但愈吃愈麻辣、過癮! 魚蛋及燒賣浸泡在咖喱汁中，同樣惹味。原桶即撞香滑豆腐花(黃糖) $30豆腐花是名副其實的

飲食業選址方向都有少少改變，由以往旺區，可能考慮工廈，甚至係較偏僻嘅位置，靠嘅可能就係口啤，不過只要有水準，食客都唔介意花時間捐窿捐罅去食。位於屏山上璋圍嘅一糖最初開嘅時候真係好多人介紹同幫襯呢，雖然我地唔係區內人，但鐵路都係幾站之隔，所以都係想試之列。上次去屏山食肉餅係打算順便去埋，結果落狗屎我就急急腳離開，最終拖到而家終於食到了。媒體係又話隱世唔係又話隱世嘅文化下，睇個地址以為幾難搵，實際比想像中easy，頂多叫隱蔽啫。西鐵落車一出沿途都有店家嘅旗仔指示，露天停車場直入就係，遠處仲見到佢地招牌鯉魚壁畫，小平房設計，帶室內室外位置，市區真係冇乜可能搵到。店內裝潢簡約，大玻璃、敞門加上木枱木櫈，位置唔多但唔算逼狹，吸煙或者攜帶狗狗嘅客人可以坐室外，而且有埋車位，方便駕車人士。正值晚飯時間，客人唔多，食完甜品我都hea左一段時間先離開。餐牌選擇豐富，最吸引我嘅當然係紫薯系列，另有梳乎厘、果撻、心太軟、窩夫、芭菲、奶凍、奶昔、中式糖水等，定價合理。芒果小丸子 $32講到芒果同小丸子，腦海不期然就聯想到許留山，但佢嗰種死甜我個人係受唔住，好在呢碗冇呢個問題。芒果份量適中，小丸子係彩色，賣相唔

上星期跟幾個朋友仔去咗行屯門行菠蘿山，行完當然去食嘢啦，但今次係甜品醫肚，友人帶路去了此店認識這店是因爲門口外牆嘅一條魚的畫加上日文字很有風格，所以嚟到這裡記得影相打卡呃like一人點了一款甜品大家一齊食<紫薯糖水> $28熱食的紫薯糖水 紫薯係用沖繩當地最著名的直送到港，味道更濃郁及香甜，再加入少少薑汁已經好好味<黑芝麻心太軟> $58心太軟焗得外層夠哂香脆，當切開時入面嘅黑芝麻醬就湧哂出嚟，非常流心芝麻味道濃厚，旁邊仲會有一球可自選的雪糕，會跟埋新鮮雜果添<Bailey's心太軟> $58呢款算係最近新推出，心太軟上面會有一層用Bailey's甜酒打成的忌廉，仲會有朱古力拉花係面心太軟一樣焗得外面脆身，入面濃濃朱古力醬都夠哂流心，這款也可跟上一球自選雪糕配埋新鮮雜果整體都幾抵食，而且店外面環境好空曠可以選擇在出面食，感覺好寫意