影片
更多
2017-06-29
818 瀏覽
飲食業選址方向都有少少改變，由以往旺區，可能考慮工廈，甚至係較偏僻嘅位置，靠嘅可能就係口啤，不過只要有水準，食客都唔介意花時間捐窿捐罅去食。位於屏山上璋圍嘅一糖最初開嘅時候真係好多人介紹同幫襯呢，雖然我地唔係區內人，但鐵路都係幾站之隔，所以都係想試之列。上次去屏山食肉餅係打算順便去埋，結果落狗屎我就急急腳離開，最終拖到而家終於食到了。媒體係又話隱世唔係又話隱世嘅文化下，睇個地址以為幾難搵，實際比想像中easy，頂多叫隱蔽啫。西鐵落車一出沿途都有店家嘅旗仔指示，露天停車場直入就係，遠處仲見到佢地招牌鯉魚壁畫，小平房設計，帶室內室外位置，市區真係冇乜可能搵到。店內裝潢簡約，大玻璃、敞門加上木枱木櫈，位置唔多但唔算逼狹，吸煙或者攜帶狗狗嘅客人可以坐室外，而且有埋車位，方便駕車人士。正值晚飯時間，客人唔多，食完甜品我都hea左一段時間先離開。餐牌選擇豐富，最吸引我嘅當然係紫薯系列，另有梳乎厘、果撻、心太軟、窩夫、芭菲、奶凍、奶昔、中式糖水等，定價合理。芒果小丸子 $32講到芒果同小丸子，腦海不期然就聯想到許留山，但佢嗰種死甜我個人係受唔住，好在呢碗冇呢個問題。芒果份量適中，小丸子係彩色，賣相唔
位於屏山上璋圍嘅一糖最初開嘅時候真係好多人介紹同幫襯呢，雖然我地唔係區內人，但鐵路都係幾站之隔，所以都係想試之列。上次去屏山食肉餅係打算順便去埋，結果落狗屎我就急急腳離開，最終拖到而家終於食到了。媒體係又話隱世唔係又話隱世嘅文化下，睇個地址以為幾難搵，實際比想像中easy，頂多叫隱蔽啫。西鐵落車一出沿途都有店家嘅旗仔指示，露天停車場直入就係，遠處仲見到佢地招牌鯉魚壁畫，小平房設計，帶室內室外位置，市區真係冇乜可能搵到。
店內裝潢簡約，大玻璃、敞門加上木枱木櫈，位置唔多但唔算逼狹，吸煙或者攜帶狗狗嘅客人可以坐室外，而且有埋車位，方便駕車人士。
正值晚飯時間，客人唔多，食完甜品我都hea左一段時間先離開。
餐牌選擇豐富，最吸引我嘅當然係紫薯系列，另有梳乎厘、果撻、心太軟、窩夫、芭菲、奶凍、奶昔、中式糖水等，定價合理。
芒果小丸子 $32
講到芒果同小丸子，腦海不期然就聯想到許留山，但佢嗰種死甜我個人係受唔住，好在呢碗冇呢個問題。
芒果份量適中，小丸子係彩色，賣相唔錯。鮮芒果榨成嘅芒果汁稠身，食落清甜，芒果味道唔算好濃郁，果肉厚身有果汁，食落冇渣。
底下有大量珍珠大小嘅西米，腍身但有咬口；小丸子都係糯米粉味，食落唔會實的的，整體合格啦。
芒果小丸子
$32
16 瀏覽
0 讚好
0 留言
芒果小丸子
$32
10 瀏覽
0 讚好
0 留言
紫薯窩夫 配曲奇雪糕 $58
紫薯系列標明沖繩直送，供應糖水、窩夫、棉花糖、梳乎厘。
店員話本身係配紫薯糯米糍，但因為賣哂，所以我只能夠選雪糕，雪糕共6款口味，包括：薄荷朱古力、芒果、綠茶、曲奇、士多啤梨及朱古力。
窩夫即叫即做，擺盤精美，一共4件，旁邊唧有紫薯蓉、紫薯片，比起圖片多一點糖霜，所以實物靚啲 (隔離枱啱啱坐低嘅客人都咁講，哈哈)。
紫薯窩夫 配曲奇雪糕
$58
7 瀏覽
0 讚好
0 留言
紫薯窩夫 配曲奇雪糕
$58
9 瀏覽
0 讚好
0 留言
窩夫並唔係烘到硬脆嗰種，只有邊位微脆，裡面係軟軟地，比較驚喜係原來有少量紫薯蓉夾層，所以食落啖啖都有紫薯香，冇齋食窩夫咁dry。
紫薯味道天然唔假，甜度較低，唔會好膩。反而紫薯片做得較甜，配合一齊食剛好。
曲奇雪糕係普通貨色，冇乜特別。事後睇番先見到原來抹茶味窩夫係有麻糬餡，有機會再黎會試呢款。
Bailey's心太軟 配士多啤梨雪糕 $58
心太軟有5款味道，綠茶、朱古力、黑芝麻、榴槤、Bailey's。唔係好多地方有呢種味道，所以揀左呢款，配有雜果、雪糕。
表面焗至脆身，但切開有少少失望，流心度有點弱，酒味都爭少少，酒心要再重手啲，因為見其他人點榴槤、綠茶等都好流心。
旁邊嘅雜果大方，芒果、奇異果、士多啤梨、火龍果、哈蜜瓜。
Bailey's心太軟 配士多啤梨雪糕
$58
15 瀏覽
0 讚好
0 留言
Bailey's心太軟
26 瀏覽
0 讚好
0 留言
見好多唔好嘅評語都係來自最初開業時，今日一試，相信質素已經穩定落黎。
餐牌：
張貼
