Eat With Me (已搬遷) 新店位置

‪‎旺角‬經常有新的創意雞蛋仔店開業🎉這次跟朋友點了"Banana with me"($48)，第一次吃香蕉‬雞蛋仔‬，配焦糖香蕉、‎Dreyers‬‎朱古力‬‎雪糕‬、鮮‎忌廉‬、比利時朱古力醬。雞蛋仔較腍身，帶微微蛋香，最特別是咬下去有少許香蕉蓉，不過味道不突出。其他味道都頗創新！鹹的有咖喱味配雞扒、粟米味配肉醬,甜的則有芒果、花生醬等等，還有雞蛋仔配芝士火鍋及忌亷濃湯等新奇配搭。

同朋友行完街，經過Eat With Me，記得好似有特別版既雞蛋仔，反正行到攰，於是就入去食下。小店入面地方好細，無坐位，只有企位，企位最多應該可以8個人同時進食。一睇Menu, Eat with me除左甜食，原來仲有鹹食！例如咖哩味雞蛋仔同熱狗雞蛋仔，好似幾特別，不過今次食左甜味先。Banana with me ($48) 有切粒香蕉、dreyer's icecream、fresh whipped cream、同埋比利士朱古力醬。雞蛋仔已經好貼心地切好一粒粒👍👍，進食起黎相當方便。不過可惜我覺得雞蛋仔蛋味唔夠香，粉味就重咗啲，始終雞蛋仔係主角，就算多左d配料，都唔可以忽視雞蛋仔本身個味道。香蕉配朱古力🍌🍫呢個組合其實係無得輸，如果香蕉係焦糖香蕉一定更加好食！雪糕🍦係用dreyer's， 味道無需要多講。整體黎講係可以一試，但未必會再食。 

想試好耐，今次揀左banana with me~整體覺得個雞蛋仔同食開嗰d唔同，比較甜同實心，再配埋雪糕呀香蕉呀朱古力醬，個人覺得太甜，而味道無咩特別，無驚喜，可能肉醬味會得意d最搞笑係，份雞蛋仔出爐之後，店員要拿入後面加工砌返隻香蕉船出來，但佢拿左入去又拿返其中幾粒雞蛋仔行返出來遞比我，話可以趁啱啱整好仲脆試下先，話一陣加左雪糕嗰d會給淋，呢個溫馨提示覺得好貼心，原本係值得一讚，但係點知一咬落⋯⋯⋯⋯其實根本已經淋左，講真如果佢無拿過來，我都唔知佢一開始已經係淋啦⋯唔知係咪我嗰份咁啱唔脆⋯但係因為佢話脆，點知食落其實係淋，反而令人覺得失望，我覺得佢咁做係多此一舉（除非佢好有信心一定係脆）另外值得一提既係，佢既衛生可以改善，因為我睇住佢整，全程無論雞蛋仔出爐、拿入去加工、拿幾粒出來比我試，每次掂親份雞蛋仔都係徒手掂！間鋪係靚既，又唔係街邊檔，就算你話洗哂手消毒，我都唔sure你有無摸到其他野，感覺都係覺得好污糟，其實點解唔帶手套或者用夾呢？呢個價錢唔算抵食，對面媽咪雞蛋仔十幾蚊已經買到雞蛋仔，不過下次都可以試下其他口味睇下會唔會好d, 同埋真係唔好真接用手啦⋯