The Musicbox Grill House & Bar

營業中

休息中

朋友仔有好介紹，銅鑼灣樓上特色餐廳， 考完試就嚟relax 吓先。餐廳環境坐得好舒服， 配合播放節奏強勁嘅音樂， 心情特別輕鬆 ～音響設備也是專業級， 旁邊仲有一套 music mixer, 原來某些日子還有DJ 駐場大顯身手～🤩🤩新英倫周打蜆湯 有別於一般忌廉周打蜆湯， 味道比較清新，加入了蘿蔔還有粒粒馬鈴薯， 重點有兩隻蜆， 肉質鮮甜竟然仲有海水鹹味～ 蒜蓉包外脆內軟， 絕對是即叫即做的水準香炸秋葵配特色他他醬 $68非常特別， 熱辣辣炸起， 炸漿薄身好脆口 ，秋葵仲保持獨有黏性！👍 偏辣嘅他他醬好醒胃， 也平衡一吓油炸嘅秋葵。Fruity Bloosom味道清新，有啲似 fruit punch， 果味天然唔會太甜。Blueberry Fizz氣泡好滑， 有種日頭飲氣泡酒嘅感覺～ 藍莓味也是很天然唔會好酸, 好有feel的一般杯 mocktail黑松露蘑菇意大利雲吞 $138醬汁夾雜住忌廉， 黑松露蓉，蘑菇， 十分香濃幼滑， 把意大利雲吞重重包圍， 絕對味覺滿足！特別喜歡用上大size 嘅意大利雲吞， 雲吞皮煙煙韌韌， 餡料滿滿的，芝士味也夠香濃！燒烤醬豬肋骨（半份）$238真是嚇

每逢星期五不少人都喜歡放工後到酒吧消遣，坊間不少酒吧餐廳都一式一樣，但這間卻別樹一幟以音樂作為主題，間中更會有DJ到場表演；食物選擇比一般酒吧餐廳更多元化，由湯及前菜以至是薄餅、意大利粉、牛扒等包羅萬有，價格與一般扒房或西餐廳相若，整體而言水準稱心如意。我們每一各點了一客龍蝦湯 ($98)，真材實料加入龍蝦肉，每一口均充滿龍蝦鮮味但略嫌鹹度稍高。卡真辣蝦 ($168) 以卡真牛油炒製，香料從外殼徹徹底底地滲透蝦肉，微辣惹味而肉質爽彈，所配的蒜蓉包亦香脆可口，牛油味濃。每款意大利粉都可改配扁意粉或長通粉，鵝肝松露意大利粉 ($188) 面層加上一小片香煎鵝肝增添油香，松露忌廉汁與雜菌相輔相成突顯醇厚菇菌香氣。十安士燒美國頂級肉眼牛扒 ($398) 配以烤薯粒、大啡菇及自家製多蜜醬，點了五成熟燒得恰到好處，油脂豐腴但同時牛肉肉味亦相當濃郁，油香與肉香並駕齊驅；底層的烤薯粒亦驚喜地外脆內軟，粉糯惹味。另外分別點了Blueberry Fizz ($68) 及Fruity Blossom ($68) 兩杯無酒精特飲，呈漸變色賣相夢幻，前者香甜清爽而後者則與雜果賓治如出一轍。

老友話想食澳洲菜，黎左一間型格嘅餐廳酒吧，氣氛唔錯咁。我地叫左忌廉周打蜆湯，好smooth嘅cream soup口感，大大隻鮮味嘅蜆，美味濃郁。仲有Buffalo Wings好多醬汁，非常惹味，伴以籮蔔西芹同酸忌廉醬中和滯膩。我鍾意食嘅ribs焗到好淋，易切易咬肉質又幾嫩，加埋燒烤汁可以話係呢度招牌菜之一。半份份量都唔少，伴有沙律同炸洋蔥圈，洋蔥圈磅香口新鮮！喺香港要食好味嘅Fish & Chips都幾難，今日就夠運！呢個炸魚非常香脆，裡面魚肉熟度剛好，唔乾，脆漿亦夠鬆夠薄，正！至於薯條都係無得輸。呢度嘅Mocktail 樣靚又好飲，大大杯Honey Lemonade, Blueberry Fizz，酸酸甜甜有汽嘅飲品，岩哂今晚嘅菜色！

公眾假期前夕，就約了朋友去最近新開張的餐廳試試，介紹說有現場ＤＪ在打碟的音樂餐廳！我們去到的時候，剛好是老闆在玩音樂，現場氣氛不錯！而且還有八折優惠，真的很不錯！新英倫周打蜆湯（６８元）這個湯是加了很多薯仔下去一起煮的，喝起來非常幼滑，而且還特別加了一點完整的薯仔去增加口感。還有加了很多蜆下去，所以也有海鮮的鮮甜味，每碗都有２個大大個的蜆！喝起來真的很不錯！這個還配有蒜蓉包，烤得十分香脆，蒜蓉又非常濃，好吃！凱撒沙律（８８元）沙律很大的一盤，面上撒了大量芝士，還有炸煙肉和麵包干，拌以沙律醬，吃起來既清新，又濃香！炸煙肉和麵包干為沙律增加了不少香味和口感，芝士的香味也很足！草飼澳洲肉眼牛扒（１２安士）（２４８元）草飼一直給人的感覺都是肉質比較硬，沒什麼油脂，但這裡的吃起來完全不同！這次叫了五成熟的，吃起來非常柔軟，肉汁非常多，雖然牛味比較少，但吃起來味道真的不錯，現上的醬汁也不錯！拌碟還有烤蘑茹，小蕃茄和薯仔，烤蘑茹吃起來非常多汁，小蕃茄酸酸甜甜，薯仔焦香軟糯！滋味烤辣雞（半隻）（１２８元）這烤雞的味道很特別，辣辣的，不是常見的味道，我猜可能是南美風格吧！這烤雞是選用了春雞的，就算烤完以