Espresso Alchemy

營業中

休息中

位於Mira底層，咖啡岀名，環境舒服休閑，好啱坐低飲杯咖啡。🔅泡沫咖啡 Cappuccino $43 (L)(Alchemy blend: chocolaty, sweet, heavy body)未能飲得咁細膩，不過都飲得岀咖啡味香濃，帶甜度，酸苦都唔明顯，飲完咖啡味道仍然留係口中👍 不過拉花就稍遜，唔太啱打卡😆

放假出尖沙咀行街前，食返個靚早餐。呢間餐廳係美麗華b1層食完岩岩好可以行上去行街早餐時間係9點至11點半估唔到朝早呢度係咁寧靜咁舒服餐廳個設計，空間感十足！餐廳位置比較隱蔽，所以即使坐出邊 都覺得好有私隱。入到去選擇好食物先比錢，再坐低食。可能因為今日平日，所以Walkin都有比較多位置。食物十分高質素Alchemy 精選全日早餐：食all day breakfast就係貪乜都有😆全部野食都好好味，特別係牛油果醬多士，牛油果味好濃之餘入面重撈咗啲蕃茄碎，酸酸地好開胃👍🏻檸檬汁烤雞煙肉芝士意大利三文治三文治送到上黎係熱辣辣，包皮烤脆脆地，而且烤雞煙肉同芝士嘅份量一啲都唔少，每一啖都食到所有餡料Cappuccino 咖啡香味十足，all day breakfast 必配。而我最中意就係Earl Grey Chocolate ，伯爵茶同朱古力嘅味道配合得啱啱好。個人本身就好喜歡伯爵茶，同朱古力配合後，又唔會太甜。既香伯爵茶 味，又有朱古力味，好好飲呀！而且兩杯熱飲 既拉花都拉得好靚，最岩打卡最後仲可以加甜品布朗尼配雪糕😍 食完一個豐富早餐真係啱啱好，美麗華啲舖頭又開始開門，可以去行街😚

星期日的下午時間，人流都唔算多，可以任揀位坐，枱之間距離都夠，可以坐室內或店外商場位置。我發現餐牌上所有名都好長，其實個名寫哂裡面有啲乜。幾欣賞呢到的奶啡可以揀豆，呢杯Cappuccino揀左SOE，唔會苦，幾balanced。*火雞胸芝士意大利三文治配黑加侖子果醬*至於食物方面，我點的panini份量有啲細，而且冇任何配菜伴碟，所以真係想填飽肚，叫其他種類會好啲。黑加侖子醬只有薄薄一層，我只靠顏色得知佢的存在，味道方面對份三文治影響不大，芝士同雞胸就一定夾架啦，整體正常發揮，有少少鹹鹹甜甜的味道。

咖啡店位於美麗華商場半開放空間中，可以打造出咁截然不同的舒適空間都真唔簡單!Cafe 外圍用左乾花圍住，加上室內採用黃光設計，感覺好溫暖~入面亦有一面裝飾牆，如果想打卡可以坐係個邊，影相效果不錯~今日試左期間限定既京都主題-抹茶系列生酮宇治抹茶忌廉卷 HK$58 5/5分 非常好食忌廉卷口感鬆軟，Cream都好幼滑!而且抹茶味好濃郁，帶輕微苦澀~就岩哂你唔鐘意食太甜既我Matcha Latte HK$ 464/5分 抹茶味濃，鮮奶味亦都好香濃，配合埋抹茶忌廉卷係Perfect Match!泡沫咖啡 HK$443.5/5口感細膩順滑，咖啡味幾香，但咖啡豆口味偏酸，有點飲唔慣~咖啡白朱古力西多士 HK $525/5分多士烘到好香脆，夾住咖啡同朱古力醬~咬落脆卜卜~再點埋碟邊既藍果jam酸酸甜甜，更加好食!

加入咖啡元素嘅雞burger幾特別🍔 燒烤醬夠濃得黎帶啲咖啡嘅香味☕️ 值得推介嘅係青草醬通粉，creamy嘅醬汁好吸引，加上雞扒份量好多唔會吝嗇，超級滿足😋 飲品同甜品都唔錯🌸 環境分店內同店外，都幾岩情侶同朋友食嘢傾計，行開尖沙咀會再嚟💕#雞柳漢堡配自家製咖啡燒烤醬 $108#香蒜青醬雞扒長通粉 $123#IcedMintChocolate $45 #Cappuccino $45#Tiramisu $49