Project B (已結業)

因為要返工，只好放工在附近食好嘢。每次經過，都想試吓，但係得一個人，食唔到好多嘢。所以特登叫埋小朋友出來，放工一齊試試。首先，叫咗呢度特有嘅tea set，價錢可接受，又有鵝肝😍，就好想試吓。鵝肝配扁咗嘅酥皮餅，10分鬆脆。每一口都有一層層的感覺，加埋一點點黑色嘅珍珠醋，立刻將鮮味提升，值得一試。中層有忌廉泡芙、macaron同brownie，滿意，不要用酒店的要求，但可口🙂。底層熱食熱呼呼的，炸物也脆口，蝦口感彈牙，炸芝也讓人滿意。牛肉漢堡像是推介的，一般中上的水平，麵包熱呼呼的，薯條好味，先醃後炸。意大利粉就比較失色，因為意大利粉沒有先炒，直接將茄汁淋濕上面，不過有水牛芝士，不妨一試。職員服務良好，地方也坐得舒服，有足夠空間感。

早幾日終於抽時間去試吓呢間新餐廳。呢次試咗lunch，但臨走之前見到tea set個menu都有啲心動想試吓。待應哥哥收走個湯時，發現我哋無飲曬，查詢原因。我地話呢個粟米湯太水，點知哥哥話係南瓜湯。哈哈，咁你哋要再俾100%心機攪掂個湯。後面有前菜蜜糖煙鴨胸沙律，甜甜地，好醒胃。主菜都唔差架，只係西冷牛扒有啲硬（都係供應商事），份量都好大碟。跟餐仲有飲品。可免費配Cappuccino。一個set lunch都係$70-$90左右，視乎你揀乜嘢食，已經有前菜、主菜、飲品，仲無加一服務費（唔知係咪開業優惠，定午市不加一）。附近小店，呢個價錢只係叫到一個小食。除咗個湯一定要改善之外，由於餐廳前方有草叢，可能係咁，係呢個天氣下，有好多蚊之飛下飛下，呢個都係要處理嘅問題。服務態度好好，不停問下客人要改善嘅地方。隔離枱單點食pizza，好似好好味咁，下次要嚟試吓。