影片
更多
2018-03-19
177 瀏覽
一個好喜歡食嘅朋友生日，左揾右揾，終於比我揾到呢間，去嘅原因係比佢嘅Signature 7 Course吸引，$888就有魚子、黑松露，陳醋同藏紅花，响其他地方，呢個價錢唔會食到呢間餐廳地方不大，大約有5 Set 可以坐個人嘅枱，仲有兩Set好古雅嘅真皮梳化，好適合同朋友來傾吓計，食吓嘢餐廳 LOGO寫著1938，咁即係有80年？一問之吓，原本餐廳嘅老闆係一名澳籍的意大利人，佢嘅家族响1938年已經開始做食材生意，香港同澳門好多五星級酒店都係揾佢拎貨，而佢哋賣嘅魚子、黑松露，陳醋同藏紅花就比較出色，正因為咁，所以餐廳內有一個大櫃，將部份食材Display 晒出來，有興趣嘅朋友仲可以買番屋企品嚐今晚就叫咗個Signature 7 Course，仲要同朋友選擇唔同嘅菜式，SHARE食，咁就可以食多啲款Amuse Bouche一共三件細細件又精緻嘅食物放咗响一個好似木嘅盛器上面，一片已經烘得好脆嘅麵片上係羅馬尼亞菇，仲有鵝肝Mousse配上塔斯曼尼亞Summer Berries Jam，個鵝肝係自家制，不是罐頭，兩種食材加埋唔覺膩，第三件係蟹肉TART，上面嗰兩粒珠分別係黑醋同白醋滴落鈣化水
呢間餐廳地方不大，大約有5 Set 可以坐個人嘅枱，仲有兩Set好古雅嘅真皮梳化，好適合同朋友來傾吓計，食吓嘢
餐廳 LOGO寫著1938，咁即係有80年？一問之吓，原本餐廳嘅老闆係一名澳籍的意大利人，佢嘅家族响1938年已經開始做食材生意，香港同澳門好多五星級酒店都係揾佢拎貨，而佢哋賣嘅魚子、黑松露，陳醋同藏紅花就比較出色，正因為咁，所以餐廳內有一個大櫃，將部份食材Display 晒出來，有興趣嘅朋友仲可以買番屋企品嚐
今晚就叫咗個Signature 7 Course，仲要同朋友選擇唔同嘅菜式，SHARE食，咁就可以食多啲款
Amuse Bouche一共三件細細件又精緻嘅食物放咗响一個好似木嘅盛器上面，一片已經烘得好脆嘅麵片上係羅馬尼亞菇，仲有鵝肝Mousse配上塔斯曼尼亞Summer Berries Jam，個鵝肝係自家制，不是罐頭，兩種食材加埋唔覺膩，第三件係蟹肉TART，上面嗰兩粒珠分別係黑醋同白醋滴落鈣化水而成，好似食緊分子料理咁，第一道菜已經好有驚喜
Amuse Bouche
9 瀏覽
0 讚好
0 留言
第二道係魚子醬，用番魚子醬嘅罐盛上碟，魚子醬佔咗半罐，另外一半見到嘅係Lobster Jelly，上面一點點白嘅係Cauliflower Puree，每點仲加咗一少片食肉花瓣，賣相好吸引，旁邊有一條用鱘龍魚骨造成嘅匙，因為只有鱘龍魚嘅魚子先可以叫做魚子，用番鱘龍魚骨匙食就天衣無縫，不過大家要留意，記得唔好用金屬匙食，咁會令魚子醬氧化變酸，破壞原味，至於個魚子醬，係來自伊朗，飽滿圓潤，不太咸，魚味重，龍蝦啫喱龍蝦味濃，估唔到係咁夾
Caviar
10 瀏覽
0 讚好
0 留言
Caviar
6 瀏覽
0 讚好
0 留言
好多時食鵝肝都係配蘋果或多士，今次係配奇異果同山楂醬，旁邊仲有Hazelnut同25年陳醋，鵝肝入口即溶，無臊味，配上醋，沒有油膩感覺
Foie Gras
11 瀏覽
0 讚好
0 留言
三文魚比平時食嘅煙三文魚厚，口感好結實，個味都好特別，酸酸哋，一問之下，原來係自己煙嘅，仲配咗白麵豉醬同檸檬汁，好特別，咁清新，可以清清個口腔，為下一道菜作準備
Cured Salmon
6 瀏覽
0 讚好
0 留言
兩大隻北海道帶子，煎至金黃色，入面就剛剛熟，仲見到一絲絲嘅肉，上面配上魚子醬，鮮得來仲有些鹹香，配上意大利椰菜花，周邊嘅泡泡係煙肉泡泡，再加上好脆嘅煙肉片，增加口感
Seared Hokkaido Scallop Caviar
17 瀏覽
0 讚好
0 留言
Seared Hokkaido Scallop Caviar
13 瀏覽
0 讚好
0 留言
兩隻大蝦，用番紅花醃過，經理介紹時話呢款係一款Creamy 嘅蝦，但係我就覺得好爽口，又鮮甜，個番紅花啫喱都好特別，係暖嘅，配上白陳醋，好醒胃。
講開番紅花，佢係番紅花是世界上最昂貴的香料，被稱為「紅色黃金」或「秋天的黃金」，要170,000朵番紅花才能收集到一公斤的番紅花，仲必須在日出前以人工完成採摘以避免花朵枯萎而失去採收價值，採收後必須在乾燥脫水後才能分級出售，响現代醫學上，有抑癌、抗、調節等性質，同時間佢又有有通經、促進收縮的作用，所以孕婦不宜使用
Saffron Tiger Prawn
14 瀏覽
0 讚好
0 留言
松露這種食材擁有獨特的味道和氣味，喜好因人而異，今晚就有兩款松露美食可以品嚐，兩道菜都用上鹿兒島蛋，仲保證有8g松露，仲會即時在客人面前削成薄片，削完係全隻碟都佈滿松露
松露
3 瀏覽
0 讚好
0 留言
松露
5 瀏覽
0 讚好
0 留言
温泉蛋、雜菇配上松露，菇同松露一向好夾，加咗温泉蛋令鮮味更特出，仲好滑
Onsen Egg with Seasonal Fresh Truffles
10 瀏覽
0 讚好
0 留言
Tagliolini、温泉蛋同松露配上Butter Emulsion，好滑又好香牛滑味，咁多仲PASTA中，經理話最夾松露就係tagliolini，都係一條條好似意大粉咁，不過就幼好多，可能因為咁，所以無條tagliolini都吸咗好多汁，特別美味
Tagliolini with Seasonal Fresh Truffles
7 瀏覽
0 讚好
0 留言
食個好食，仲可以買返屋企煮
Roasted Pork Belly來自加拿大嘅Pork Belly，仲有少少脆煙肉，完全不覺肥膩，入口即化，肉質鬆化，個皮仲好脆，全不是你想像中的邪惡，旁邊嘅椰菜係經過自家煙過，味道好特別，仲好鮮甜
Roasted Pork Belly
7 瀏覽
0 讚好
0 留言
Slow Cooked 牛腹肌，好滑又有肉味，Baby Carrot 鮮甜，個薯茸仲加咗黑松露，好野味
USDA Prima Flank Steak
6 瀏覽
0 讚好
0 留言
USDA Prima Flank Steak
8 瀏覽
0 讚好
0 留言
其實已經好飽，不過點都食埋個甜品，係我最愛嘅Brownie，平時食嘅係全件都係朱古力，呢個就加咗些banana mousse，都好夾，仲有陣陣朱古力香，再點一點旁邊嘅朱古力醬，味道更突出
Peanut Butter Chocolate Brownie
6 瀏覽
0 讚好
0 留言
張貼
