SHAKE SHACK (太古廣場)

營業中

休息中

今日經過金鐘突然之間好想食漢堡包，於是就嚟咗Shake Shack。人手櫃檯同枱頭自助機都揀唔到set，但喺佢嘅下單網頁就會搵set。今次叫咗Smoke Shack 嘅set ，配咗份芝士薯條，香港限定嘅Mango Bubble，同有杯雪糕緊。其中一個欣賞佢嘅地方就係佢有濕紙巾派，淨係呢張紙巾都可以值返$1蚊。怕佢溶，一嚟就緊係食雪糕先。雲呢拿味，質感唔錯，跟set 買先有得平架。SmokeShack, 為免太飽叫咗單層算，個包唔算細，煙肉相當脆口，包入面塊牛扒煎至皮脆，牛味濃郁。芝士薯條芝士濃厚，食完有啲飽飽滯滯。不可不試嘅係呢個香港先有嘅Mango Bubble, 香甜芒果味，但兩啖就飲晒。

呢個係7月頭食㗎喇，近日都疫情緊張，整咗草稿都掉低咗，又無出街食，所以遺忘左😛呢一餐都係因為要覆診先出街食⋯⋯陪女友覆完診，都兩點幾三點了，想搵個下午茶食吓，就諗到呢間，開咗咁耐都無試過。入到去左揀右揀，都係揀個最普通嘅芝士漢堡，再加個芝士薯條。因為知要返屋企食早晚飯，所以都唔敢叫咁多，兩樣野 share 就夠了😁買完野食，搵位坐，都幾好，幾舒服，我哋仲坐咗卡位添，跟住等拎。 等無耐就有了😁😁睇吓！個薯條超吸引🤤 個漢堡望落就無咩特別⋯⋯🧐 嘩！正呀😋😋 有時真係食左先知，我倆都覺得好好味，好香，又好有肉汁味👍🏼👍🏼 至於薯條，當然好味啦，仲要加埋芝士，佢個芝士都好香好好味 😋😋

呢間美式漢堡品牌係香港已經開業左一段時間，係金鐘同中環都有一間分店。由於我好怕排長龍同人逼，決定係熱潮過哂先黎食。平日晚上八點，餐廳入面唔算好多人，大約七、八成滿。男朋友同我每人點左個 Shack Burger。有 d 漢堡包係有分 single 同 double，single 係普通漢堡包，得一塊肉。而 double 就 "加大" 版漢堡包，有兩塊肉。個包唔算好大個，直徑同老麥嗰 d 包差唔多，但係內涵就高質好多。生菜同番茄顏色好靚，食得出係新鮮蔬菜。芝士係溶左落塊肉度，唔似得快餐店咁可以成片拎起。肉有濃郁嘅肉味，味道同口感比廉價雪藏肉好好多。而塊包嘅裡面係用牛油稍為煎過，令成個 burger 感覺更加香口。男朋友怕食唔飽，叫左個 Hot Dog。無論賣相同味道都只係 IKEA 小食店嘅水準，呢個價錢黎講非常唔抵食。我地點左一杯 Chocolate Cookies'n Cream Shake 一齊飲。 好香奶味，口感一流。我地兩個人飲一杯都飲到飽飽地，杯 shake 應該幾肥仔，減肥嘅女仕可能要忍下口。最後仲有個芝士薯條，味道不過不失。最後我地得出一個結論：呢間餐廳果然冇改錯名，最好

又一間過江龍，今次係來自new york 嘅人氣burger 店 Shake Shack，第一間喺IFC 開，跟住就黎咗PP，據聞一開張個個LUNCH 都逼爆晒，所以都係避下風頭先。先講裝修，成間店都係走modern簡約風，全部用晒木枱，枱上面仲刻有Shake Shack嘅burger 圖案，就喺呢啲細節睇到佢哋嘅心思。舖裡面設有一個醬汁櫃，俾顧客自己去拎想要嘅醬汁，要咩有咩，都幾方便。Shake Shack 最出名嘅係佢採用無添加激素同埋抗生素嘅牛肉同雞肉，再加埋佢哋特別烹調嘅醬汁，令到佢嘅漢堡包攞晒獎 呢度嘅burger 主打牛肉同雞肉，咁梗係要一次過試晒兩款肉，所以就叫咗 ShackBurger 同埋Chick'n Shack。先講個ShackBurger，其實即係cheeseburger，牛肉黎講都叫做有牛味，但係就唔算太JUICY，份量亦都比較細，女仔食就岩岩好，但係男人就可能唔夠。相對起牛肉，雞肉burger就無乜選擇，只係得一款Chick' n Shack；雞肉用咗雞胸，雖然係啖啖肉，但係就偏「鞋」。薯條同漢堡當然係要一齊食先夠爽，所以一定要配埋 cheese fries

連續兩天把新興的漢堡店吃一遍 - Shake Shack 和 Five GuysShake Shack 開的新分店﹐可以把 IFC 的人流分流一下不過在金鐘排隊仍要等個20分鐘再有位 和朋友點了兩個漢堡 (Shack Burger 和 Double Shack Burger) 和一份 Cheese Fries上餐速度比Five Guys 來的慢餐盤是鋁制的﹐給人一種專業感覺本以為選了最便宜 $50的 Shake Burger ﹐應該不會特別好吃後來發現這漢堡比我想像驚艷得多漢堡扒很香牛肉味﹐而且很Juicy  芝士看起來不多﹐但味道非常突出！一吃便愛上了　(芝士控)  蕃茄和生菜都很新鮮﹐令漢堡口感昇華所有材料都很多汁﹐但不至於太濕應該口感﹐很難忘的味道而且﹐麵包的後面是沒有完全切斷的！！食客吃的時間不用擔心把餡料倒到紙袋中不會吃得狼狽﹐也能夠完完全全把漢堡的配料吃光吃到最後一口時﹐在看到這個邊位開始被擠出來的肉汁和蔬菜汁浸到軟化 (我吃得較慢)證明切的時侯是計算過﹐也盡量把材料保持在中間實在不得不讚Cheese Fries $36 在太古廣場地段並不算貴份量不多但質素很高跟Fve G

日前去到舊公司附近上堂，上完堂後發現原來Shake Shack既PP分店已經開左~~~為食既我當然第一時間試食一番~~店鋪位於AMC Cinema隔離，地方相當易搵~~營業初期，人流較多，餐廳係排隊買餐既隊伍兩旁放置餐牌~~~有助分散門口既食客~~點餐過程同一般快餐店無異，都係付款後到櫃檯另一邊取餐~~~店内座位算多同都算闊落，但開業初期座位多食客仲多~~等左約20分鐘，終於可以去餐~~~Cheese Fries $36 - 薯條夠脆但較爲普通，成盒薯條其實重點係個cheese度，薯條沾上熱溶溶而濃味既芝士醬頓時變得十分惹味~~但最好兩個人share~~一個人食既話最後會有d膩~~~Shroom Burger $66 - 素食者既選擇~~裏面係經油炸既芝士流心大啡菇包~~一咬開除左有爆醬既效果外，再咬入少少既芝士亦可以做到拉絲既效果~~大啡菇加上有足夠既蔬菜番茄，中和左油炸個種油膩感~~~唯一美中不足係兩塊麵包本身較爲普通~~Chocolate Shake $44 - 奶昔夠滑，味道唔會過甜，但值唔值尼個價就見仁見智~~~ 埋單$144蚊~~~屬正常大型商場食肆價格，食物有一定水準，可