MG Cafe

營業中

休息中

呢一間環境舒適闊落，餐牌仲有好多特色嘢揀。$98 Slow Cook Chicken Sandwich** Croissant原本係三文治，但係可以選擇牛角包。配料超豐富，有蕃茄，青瓜，牛油果，沙律菜，慢煮雞胸肉。呢個價錢其實真係唔貴，因為雞胸肉好嫩滑，而且成個賣相都好靚，牛角包外邊脆卜卜，千島醬汁有好好食。$188 Mushroom Salted Egg Yolk Pizza鹹蛋黃pizza你又食過未？鹹蛋黃配芝士，真係好正，好邪惡。底層仲有蕃茄醬，焗到脆卜卜，忍唔住食晒。$62 Chocolate Banana Snow朋友好鍾意呢一杯蕉嘅朱古力，上層有棉花糖，香蕉配上焦糖喺面，底層嘅朱古力同奶泡好分明，最底下仲有香蕉醬，成杯都勁蕉呀😳。$48 RoseLatte呢度嘅咖啡都好出色，另外再加玫瑰糖漿，冬天飲，成個人暖笠笠，又好香玫瑰味。見到晚市仲有套餐，都好吸引，下次再嚟。

觀塘海濱靚靚打卡餐廳，行觀塘海濱發現左呢間餐廳，環境新正亮麗，幫襯既客人為數不少，我地俾佢環境吸引左就入去至於食物方面，我揀左Breakfast Fantasy里面有腸仔，沙津，煙肉，黑松露炒蛋，大啡菇，烤菠蘿，車厘茄，豬肉片及烤麵包等等我覺得吾錯呀，好好食，沙律醬汁都好味，肉類又易入口甜品叫左Chocolate muffin，出爐熱辣辣香噴噴，濃香朱古力味，中間有流心好甜，甜到入心，係好好食果種甜另外飲品叫左兩杯，分別係Chocolate Banana Snow,粒粒香蕉係里面好甜，面上既香蕉片串串配上蕉糖好甜，朱古力十分香濃，愛朱古力人士必點，仲有粒粒棉花糖，口感更好更香濃推薦！另外一杯係Banana Almond Mocha,好香甜呀，面上有杏仁片，朱古力及香蕉味道突出，好飲除左環境，食物都吾差呀，而且仲可以打卡影相，店裡環境好適合影相打卡，復古風格亦係吾少人喜歡既，店員服務又有禮貌，讚

行完觀塘海濱，見到呢間cafe裝修華麗雅致、空間感十足，充滿古典英倫風，餐牌亦提供唔少brunch options😍週末想慢活下，一於入去慢慢嘆～🍴Breakfast Fantasy ($138)一上枱就心心眼😍係超級色彩繽紛嘅ADB！❤️💛💚💙💜見到呢個靚靚擺盤已經流哂口水，有🍳黑松露炒滑蛋、🥑入口好滑嘅牛油果、爆芝士汁嘅法蘭克福腸、🥓煙肉、Parma ham、🍅車厘茄，份量非常豐富🥗沙律菜食得出好新鮮，配埋芒果汁dressing同紅石榴籽，食落好清新開胃🍍最特別係有唔常於ADB見到嘅烤菠蘿，香甜juicy，令成個配搭倍感清新😆🍳Egg Benedict ($118)兩隻水波蛋配上荷蘭醬一切開流心效果做得好好👍🏻 配埋兩件薄脆但唔太硬嘅多士一齊食好滿足🥰一樣都有好多淋上芒果汁嘅新鮮沙律菜、紅石榴籽、Parma ham仲有蘆筍🥰🍫Chocolate Banana Snow ($62)呢杯飲品都好靚，杯身會做到幾層顏色嘅layer，好特別😍杯面擺咗一串焦糖香蕉，咬落甜甜地又脆口幾好味😋攪勻表面嘅白色奶泡、可可粉同綿花糖，飲落其實係香蕉朱古力🍌味道唔太甜，飲到底仲有香蕉溶幾驚喜👍🏻🤤☕Ice

呢間見被網上推介為溫書cafe💛 但研究過後覺得溫書就未必適合啦😂 來過後就發現絕對係適合打卡嘅cafe😍一睇門面就係古典英倫風cafe😍 除左坐近玻璃係有透到自然光之外 店內燈光偏暗少少 咁有氣氛咁靚嘅cafe 溫書就唔太適合啦😛約左朋友來打卡食生日飯😆 叫左個teriyaki beef on pita bread ($138) 同egg benedict ($118) 飲品特別少少就叫MG signature 分別係chocolate banana snow ($58) 同amber latte ($58)食物方面 個牛肉餅食落係有驚喜😋 就係pita bread 入面袋有滿滿嘅餡料😳 個牛係有用醬汁煮嘅日式肥牛🤤 煮到好淋嘅紅椒同青椒 仲有爽脆洋蔥圈 成件事好好食😀 伴碟配菜除左沙律菜就仲有薯片😂 感覺係超市買某牌子嘅薯片現成擺落去 有點有趣🤥 朋友個egg benedict 睇落都唔錯😙 個蛋流心做得好好😍飲品方面 兩杯都係MG signature 都幾特別😆 chocolate banana snow 就係令人驚喜嘅香蕉朱古力😳 表面睇個層應該係白色泡泡上面有可可粉同幾粒棉花

復古、精緻既裝潢成了MG Cafe最大賣點！環境舒適，設計有心思。加上臨近聖誕，門面及店內都做了不少裝飾，好有節日氣氛！加少少幻想力，都有幾分相似係歐洲既咖啡小店~每次去Cafe睇餐牌都會睇到花多眼亂，因為太多選擇。醒目既做法一定係上網睇下有咩熱門推介！＊－。－。－。－。－。－。－。－。－。－＊🔸 Basque Burnt Cheesecake $58凍櫃入面既蛋糕選擇唔多，只有2款。其中一款係紅極一時既巴斯克焦香芝士蛋糕。賣相未必好吸引，外層焦香微微帶黑，蛋糕口感扎實一點，未夠濕潤綿密。隨碟附上一球Movenpick雲呢拿雪糕及焦糖脆脆。蛋糕 + 雪糕 + 脆脆一齊入口，味道好食。🔸 Chocolate Banana Snow $58打卡之選！以新鮮香蕉打爛為蓉作底，加入朱古力作中層，以奶泡作上層。奶泡上放滿左棉花糖，仲有炙燒過既焦糖香蕉。半融化既狀態令到飲品更吸引！🔸 Green Tea Latte $42刻意挑選一隻藍綠色既咖啡杯去襯飲品！好靚！淺綠色既Latte加上拉花，好有心思。 抹茶味夠香濃，第一啖入口微微帶苦澀味。第二啖開始覺得抹茶、奶、糖味道恰到好處。沉底味道較濃。＊－