影片
更多
2020-07-02
2373 瀏覽
雖然離屋企唔遠，但好少會行到嚟呢個位置，最多都只係去到買Pizza。我印象咗「Blossom」嘅舊舖係銀咖哩😂，呢日知道佢變咗打卡咖啡店都係因為某個餐飲優惠App做推廣呢。估唔到星期日有咁多人幫襯咖啡店，絕對稱唔上隱世啊😎，好彩我哋去到嗰陣有張二人枱啫。其實餐廳唔算太細，都有幾多座位下，不過有少許逼，還可接受。門口位置嘅座位比較光猛，而且頗有格調，適合打卡。相中嘅女仔就係好例子，影咗半個鐘都有...📸，哈哈。明嘅，相機食先嘛！小店嘅定位係咖啡店，賣嘅食物以輕食類為主，另外仲有唔少甜品選擇！價錢一般啦，鹹食相對貴，一碟意粉平均索價$100；而甜品就相宜啲，$3x-$4x一個，用App買仲有8折優惠😊。其實一心諗住嚟食甜品嘅，但晏起身又未食午餐，所以就嗌咗一碟意粉Share食。我要咗Crab Meat Pasta($108)加配Smoked Salmon(+$15)，意粉比想像中大碟，起碼食得飽🙈，而且係熱辣辣送上。味道都OK，餸料本身有🍄蘑菇、蟹籽同🦀蟹肉，但後者比較碎同埋少，好彩加咗煙三文魚，否則會好寡。Pasta採用扁意粉，但個人唔太喜歡而已，唔關好唔好食事。食完正餐就到期待已久嘅甜
雖然離屋企唔遠，但好少會行到嚟呢個位置，最多都只係去到買Pizza。我印象咗「Blossom」嘅舊舖係銀咖哩😂，呢日知道佢變咗打卡咖啡店都係因為某個餐飲優惠App做推廣呢。
估唔到星期日有咁多人幫襯咖啡店，絕對稱唔上隱世啊😎，好彩我哋去到嗰陣有張二人枱啫。其實餐廳唔算太細，都有幾多座位下，不過有少許逼，還可接受。
門口位置嘅座位比較光猛，而且頗有格調，適合打卡。相中嘅女仔就係好例子，影咗半個鐘都有...📸，哈哈。明嘅，相機食先嘛！
小店嘅定位係咖啡店，賣嘅食物以輕食類為主，另外仲有唔少甜品選擇！價錢一般啦，鹹食相對貴，一碟意粉平均索價$100；而甜品就相宜啲，$3x-$4x一個，用App買仲有8折優惠😊。
Crab Meat Pasta
$108
15 瀏覽
0 讚好
0 留言
Crab Meat Pasta
$108
18 瀏覽
0 讚好
0 留言
食完正餐就到期待已久嘅甜品😋，男店員(定店主)幾細心，落單時有主動問我哋洗咪後上。由於太為食嘅關係，又未試過佢嘅出品，再加上有折扣優惠，我哋一次過試晒三款佢哋自家製嘅甜品🍨。諗起都覺得狂野啊！
Homemade Tiramisu
$48
4 瀏覽
1 讚好
0 留言
Homemade Tiramisu
$48
5 瀏覽
0 讚好
0 留言
Homemade Banana Cake
$38
7 瀏覽
0 讚好
0 留言
Homemade Banana Cake
$38
8 瀏覽
0 讚好
0 留言
Homemade Basque Burnt Cheesecake
$48
4 瀏覽
0 讚好
0 留言
Homemade Basque Burnt Cheesecake
$48
12 瀏覽
0 讚好
0 留言
食物以外，我想講多少少對咖啡店嘅感受。其實真正嘅店主定店員服務幾好，睇得出佢哋用心經營，會問下客人對食物嘅感覺，又幾好禮貌。可惜小店唔大，呢日吧枱位置坐住嘅都係店主嘅朋友(有3-4位, 又稱偽店員)，某程度上導致一般客人唔知邊度係收銀處(佢哋隔離)，因為又無清晰指示，有啲尷尬😥。
再者，偽店員會幫手傳菜，但只係個別人士態度比較親和吧，都唔記得佢哋有無帶口罩...。唔知點解，我個人感覺唔太舒服，有啲反感。不如偽店員們集中精神消遣吧，粗重功夫交返畀專業嘅店員。另外，令人無言嘅位係一位好Nice嘅偽店員問番我轉頭個優惠App係邊個同點用，唔通真正識用嘅店員都無幾多個😅？
總括嚟講，我認為小店各方面都好似爭少少咁，唔係話差，但又同好好有啲距離...，唔識講。我自己短期內就未必會再到訪，不過我又覺得如果未試過、想嚟打吓卡，都可以一戰嘅，甜品性價比都算高嘛👍。如果小店有機會睇到我個食評，希望唔好介意，現時係唔錯，但係可以做得更好💪。
張貼
