Eat With Me (已搬遷) 新店位置

星期日下午，特登出旺角就係試呢間特式雞蛋仔店。我本身非常好咸點，所以就叫左個doggy (雞蛋仔熱狗）， 連埋杯好立克沙冰，盛惠100大洋（有點貴喔😒）。去到時店內只有兩個人食緊野，基本上我以為唔駛點等就有得食，點知點完餐都等左25分鐘先整好。（真心覺得呢間鋪多人既話唔知要等到何年何月先有得食) 。老實就個doggy 味道只是一般，係個醬汁加返少少分。應該都無下次了。

平時好少行入呢條街 今次係專登去試下呢間雞蛋仔入到去牆上有店鋪名Eat with me既粉筆字 位置唔大 企位大約7 8個到 坐位就冇啦叫咗今期出既doggy 德國腸+生菜+芝士醬+雞蛋仔 由於即叫即做 都畀d時間等  終於到啦 賣相好靚 相機食先啦 芝士醬好多 預夠粒粒雞蛋仔都有醬可以點到 食時好香濃芝士味 不過食到中間d雞蛋仔完全淋哂 冇咗香脆既感覺 整體呢講 doggy係好味 d味都幾夾 仲好飽 大部人都係叫配雪糕 下次再去試其他味

現在這年代,賣相滿足到相機你便是成功的一步,其次當然係味道當天經過廣華街,便給雞蛋仔做主題嘅小店吸引呢間小店非常有創意及非常用心出品,我隨意點選了兩款MRS－$88 先到嘅係MRS.其實係好立克沙冰。賣相非常精緻可愛,用最簡單嘅材料唔會有錯(綿花糖,朱古力條,Macaron),沙冰總算打得均勻但可惜好立克味道好淡。畢竟係一杯$88嘅飲品,相對比較失望。Doggy－$68 我好喜歡呢款熱狗雞蛋仔－滿滿嘅芝士醬,肉碎,生菜同埋德國腸.雞蛋仔係帶有蒜味,又做到外脆內軟,每一口都點上邪惡嘅芝士醬,味道又香又濃,真係停唔到口! 呢份Doggy可＋$32有一杯特飲。叫左杯阿華田奶昔, 存在問題都跟MRS一樣,比較淡其實單飲一杯奶類飲品都經易好飽肚,如會食特式雞蛋仔的話建議大家選擇其他飲品

熱狗雞蛋仔Doggy($68)，熱狗呢排識左好多朋友，今次仲識埋香港特色小食雞蛋仔，可能你會諗雞蛋仔既甜同熱狗既鹹點會夾，咁奇怪。但其實呢件雞蛋仔係鹹食黎，係蒜蓉雞蛋仔，底雞蛋仔隔離有幾粒雞蛋仔可以食左先然後再點芝士醬食，雞蛋仔食落去蒜蓉味好香，配埋本身既蛋漿都唔會覺得怪，點埋芝士醬更加正。之後就可以食件熱狗雞蛋仔配埋德國熱狗肉腸、自家製肉碎、生菜同正到爆既芝士醬，蒜蓉既味好配所有材料，食多幾啖完全抗拒唔到咁繼續食（係個食相就有d。。。），估唔到雞蛋仔都可以做到主食！COCO($48)，食完鹹食點少得甜品！呢個係原味雞蛋仔做底，蛋味好香濃而且有微溫面既Cream好滑仲有朱古力醬，先食Cream已經覺得好正，入面仲要係曲奇雪糕，經典曲奇點食都好味，上面有個手袋樣既糖霜曲奇，呢個就真係外觀用，但女人見到就心心眼，食落係偏甜既。但呢個甜品可以一路行一路食，方便又好味！想食Light D都可以就咁嗌雞蛋仔，原味$15，仲有香蕉、花生醬、咖啡、芝麻雞蛋仔$20，無試到但好似幾吸引！窮遊指數：7/10好味指數：8.5/10