ZAKS (已結業)

好多人都認為愉景灣通常都係一對情侣慶祝紀念日先會黎食飯既地方，但係我地今次一行8日，全部都未試過特登入黎飯既朋友，為的是希望同朋友慶祝生日，可以每次都一大班人，去一些大家都未去過既地方品嚐一下各地美食.....揾好野食，梗係上openrice架啦，比揾到呢間好多人都讚，咪去試下囉，早在一個月前已經訂左位，但係當時天氣仲涼，所以就訂左室外，貪佢可以睇煙花，但係到出發前早兩日，發覺夏天已經到啦，諗住改番去室內，先發現原來佢地二樓都可以望到煙花，但係可惜已經full晒！準時7點去到門口，因為係世界杯期間，好多住係愉景灣既外國人，都會出黎一齊睇波，所以好熱鬧，不過我地去到發覺，就算坐地下既室內，都係無乜冷氣，因為佢既設計算係open！可能愉景灣都自係一個多外國人住既地方，呢間餐廳，比我印象就係，看似識講中文既華藉人仕，原來剩係識講英文，看似只懂英文既外國人，原來識講中文架喎！由於有個唔識中文既華藉人仕，係我地隔離等我地叫野食，而我地之前又無做功課，用英文問佢有咩好介紹，佢竟然話"no".....我地唯有自己再睇下啦，睇左好多menu，最後叫左下面幾個餸！1. ZAKS Nochos ($90

見到愉景灣個「秋日浪漫」宣傳咁勁，所以決定同蕃茄蛋入去睇睇加食嘢。一早已經預訂咗Zaks，同埋要求要睇到煙花嘅枱。去到時，都頗多人。我哋被安排坐喺室外，由於天氣唔係太熱，所以幾舒服。我哋叫咗：- Zaks Nachos with Chilli Beef - Fettucini Carbonara 飲品方面，我哋就叫咗：- Cappuccino - Ginger Ale - Orange Squash (後加) 兩杯飲品先上，據蕃茄蛋講，杯Cappuccino唔係太甜(曾經懷疑過係佢哋唔記得落糖)，好彩蕃茄蛋平時飲開齋啡，所以絕對啱晒佢口味。而我杯Ginger Ale，根本好難唔好飲。兩款Main Course好快送到嚟，見到啲portion真係大得好緊要，連我同蕃茄蛋兩個唔係細食嘅人都有少少壓力。為咗唔想啲Fettucini凍咗之後會變到一嚿嚿，所以我哋先食Fettucini。出面好少見到有Fettucini配Carbonara嘅組合，但係食落一啲都唔錯。首先個蛋汁好香先，Creamy得嚟又唔會太稠，煙肉碎亦唔會過少，所以覺得好好味。同埋成碟Fettucini都整得好均勻，唔會有啲麪條

六個人走左入去愉景灣，見 ZAKS 可以睇到廸士尼煙花，咁就試下啦﹗叫左幾樣野，覺得佢偏向濃味 zaks nachos: 粟米片夠多，但醬料一般，覺得佢唔夠酸唔夠惹味，同埋側邊的烘燶了。如果再加多少少肉醬會更好。 Salt & Pepper Calamari: 魷魚蘇香脆可口，同埋炸得唔油膩。魷魚彈牙，點醬食唔錯。如果用黎伴酒，應該會幾好的﹗ Fettucini Carbonara: 好多 cheese 好 creamy，可以話係太 creamy ，同埋佢落左好多煙肉碎，但食落去真係太鹹。意粉都夠彈牙 ~ 可能係偏向鬼佬口味，但對小妹來說真係太濃。 pizza 9 House Special: pizza 批底厚簿適中，但個批底好硬，切開時有困難。而個 pizza 肉較多，同埋有層好厚好厚既 cheese。如果鍾意食芝士既，應該會好滿足。 Asian Beef Taco: 呢個真係，建議各位唔好叫。首先，佢個餅皮被染成深紅色，食得多人造色素對身體冇益。而佢個餡真係好鹹好鹹，佢應該想學中國人咁用豉油煮，但整到不倫不類，只係得個鹹同埋辣字。而佢既牛肉又好鞋，好難咀嚼。食完個個係咁飲水。