Oldish (已結業)

周日到上環逛逛 選了這間在小斜坡的古色CAFE內裡的位置不算大但座位與座位之間尚算鬆動最喜歡的是它整體的氣氛店內的裝潢、擺設及音樂都帶有一種英式的復古情調Egg Benedict with smoked salmon  and avocado $128我點了這份煙三文魚牛油果班尼迪蛋只看賣相已經覺得非常吸引當切開班尼迪蛋時半熟的蛋漿加上酸酸甜甜的荷蘭汁隨之被麵包吸收 麵包充滿著濃郁蛋蛋香煙三文魚和牛油果的配合令整體的肥膩感下降一個人吃完整份恢不覺得膩Four Cheese Wagyu Beef Burger $158友人點了四重芝士和牛漢堡它的賣相好像飛碟 真的很可愛和牛漢堡帶著濃郁和牛香吃的時候還會有點肉汁流出四重芝士脆片味道咸咸的軟熟的麵包帶有香濃牛油這樣的層次真令人極度滿足!反而咖啡的味道沒有預期般好不過為了它美味的食物我應該還會忍不住再來!

一入到Oldish 就好似時光倒流數十載 散發住陣陣英倫50's嘅味道唔好講咁多住 姐行到上黎腳都斷 我需要好好補充下體力😋-Caesar Salad with Parma Ham ($128)菜嘅份量幾多 可以中和到Parma Ham 嘅咸 所以食落好和諧 唔會偏咸-Four Cheese Wagyu Beef Burger ($178)大大片芝士脆片 再加埋熱溶芝士 一次過食哂4隻cheese(Jack Cheese, Orange Cheddar, Swiss Cheese and Crispy Parmesan Cracker) 就咁睇 你可能會覺得好濟 但因為有菜同蕃茄中和下 所以非常好食❤呢個burger 絕對係可以滿足哂芝士迷嘅願望👅-Salt & Pepper Chicken Wing ($78)就咁睇個名 你可能覺得喺普通野 但我想講食落一啲都唔普通 我會將佢改名為避風塘雞翼 因為個炸蒜真喺好有大牌檔風味 非常出色👍🏼-Thai Tung Yum Cream Sauce with Shrimp and Spaghetti ($168)一食落好重椰奶香味 之後冬陰公味慢

經常出沒中上環既我一早已經有聽過呢間餐廳，上次收工約左同事食飯，終於都可以去試試！餐廳位置離上環地鐵站都要行一段路，到左夜晚格外寧靜，配合埋入面別有心思既復古英倫風裝潢同擺設，坐係入面就好似去左舊時既英國咁。Nachos topped with melted Jack Cheese, Salsa Sauce & Sour Cream $88Nachos本身就咁已經係一款香脆可口既零食，加埋咸香既半溶芝士就更加滋味。蕃茄莎莎醬同酸忌廉酸酸地夠醒胃，中和返Nachos同芝士既濃味，不過注意一定要襯熱食，否則Nachos變到淋哂味道就會差非常多。另外呢款前菜Size都幾大，我完全無諗過佢既份量會咁多，搞到我同朋友兩個人好努力先K.O到一半！Sliced Chicken Spaghetti in Laksa Sauce $148呢到既意粉款式有兩三款都有D 似Fusion菜咁用左帶有東南亞風味既醬汁。就好似我叫既呢款叻沙汁意粉，醬汁混合左棷奶既香甜同香料既辛辣，濃郁既叻沙味道令意粉食落非常之惹味！汁既份量亦都控制得岩岩好，可以令每條麵條都充份掛汁但又唔會有多出黎。而且意粉彈牙得黎唔會太過硬身，

同家人一行四人開飯，選左近期人氣頗為旺盛既Oldish。位處上環東街，一開Google Map都有D驚，好似好遠，我地九龍人一去港島區，登時成為路盲，大家要開住Google先搵到，位置唔算太方便！一入舖已經好有Olidish Feel……..木枱、木椅、古舊燈飾、器具、裝飾陳列，全部都好一致，而木枱同木椅又有幾款，唔同款式得黎又唔會唔夾，店主非常懷舊又有心思，可能位置唔算方便，客人唔算太多，都少少驚中伏！餐牌選擇唔多，但係樣樣都想試，研究完一輪之後，點左﹕Nachos:足料的話，本身都唔會太難食，好穩陣。佢呢度用左好多Cheese、Sour Cream同Salsa，而且Salsa做得幾出色，好有墨西哥Feel，少少辣，好開胃，又有厚厚既Sour Cream 中和一下D熱氣同辣，三兩下已經比我地清左！Sliced Chicken Spaghetti in Laksa Sauce:好特別既一個組合，叻沙食得多，用黎煮意粉真係第一次，又試下！唔好以為佢係湯上，原來係用個叻沙汁做底，仲係勁濃郁既叻沙，好香好正，就係辣左少少，唔食得太多，但係佢個香濃既叻沙味，係比出面既叻沙更叻沙，叻沙迷必食。而

老實講，我係為左呢個burger而黎，行到身水身汗仆上黎食。聽過好多、好多人讚佢呢個burger，自問中環好多間都唔係話極度迷戀，與其比果個價錢我不如平小小食seafood stand過下癮。先講薯條，我鐘意既粗薯黎。影相之前已經比我同fd偷食左各一條，新鮮熱辣辣既薯條永遠都係最吸引。只有略有薯味再加小小鹽調味就已經足夠。呢個burger吸引之處有兩度：第一脆身烘過，最緊要係有香濃牛油味，完全係至愛既模式。再講塊扒，煎完之後接近Medium，重點係有肉汁，同埋肉味，食Burger若果乾爭爭的話，必定負評。Chedder cheese，Provolone同埋Swiss Cheese分別放左係塊扒上下，重點當然係Parmasan脆片啦。整成網狀既Crispy cheese，好有新意，亦都因為parmesan同埋provolone既質感令到成個包既口感豐富左。至於蕃茄同生菜就唔太著墨講，蕃茄juicy 生菜依然食到略略脆身，足夠了，反正清新下每啖burger既味蕾。到甜品Tiramisu，我第一次睇呢張相，完全扭曲左我對Tiramisu既概念：乜原來可以飲架！？倒落去既咖啡，我唔知係幾多sh

位於上環山上的Oldish，店內外都充滿復古的氛圍，外頭的紅磚牆和長椅更有吸引人駐足停留的魔力。雖然店面是vintage 風格，餐點卻是敢於創新！膽粗粗點了冬蔭公大蝦意粉，成了全晚最好吃的餐點充滿泰式香料的醬汁重椰香味很creamy而且掛湯能力強配料有蘑菇和蝦，菇菌吸收了醬汁很惹味，蝦很大隻和新鮮個人認為可以再辣一點，相信會更有泰國風味朋友點的是四重芝士牛肉漢堡，顏值很高的漢堡一上桌就可以看見澎拜的芝士，記得要趁熱消滅～芝士變冷會影響口感漢堡包是用提子包增加了漢堡的甜味和口感牛肉很結實有肉汁而且富牛味配上粗身薯條和黑醋沙律，大滿足小食想點雞翼，有辣有唔辣，任君選擇既然有冬蔭公就再點一個辣的～雞翼超大件多肉但有少少淋，醬汁很惹味但個人認為有些油。最後當然要點個甜品結尾～冬甩型的Tiramisu浸泡在香濃的咖啡中，冰的蛋糕與熱的咖啡產生了很好的化學作用冰火二重天，咬一口蛋糕再呷一口咖啡，完美。

以前出開去中上環一帶，唔知點解兜兜轉轉都會經過哩間餐廳，餐廳起喺條斜路旁邊，外面仲泊住架古董車仔，而且成間餐廳既外貌都好西方化，每次經過都好想入去試！今次終於約埋朋友一齊去試勁開心！一入到店入面，偏橙黃色既燈光、加上餐廳既佈置擺設就令人有好warm既感覺。平日夜晚七點鐘黎到，店入面坐滿一半人，冇坐滿仲好，人少d又安靜d，咁先配合番餐廳既環境嘛。老闆先黎介紹我地飲Karma既野飲，分別有cola，ginger同lemonade，因為哩三支飲品都係fair trade，姐係唔會壓低第三世界國家種植同生產原材料工人既工錢，令佢地可以得到公平既對待，所以我真係好buy哩個concept! 相對富裕既大家都記得要支持一下喇。😃All Good Gingerella... 聽到有薑既成份我自己都驚左一驚，個心淨係諗到個辣字，但原來係我意想不到既味道！薑味係飲得出有三、四成，而且一d辣味都冇！反而係帶fruity既味，真係要試過先明我講咩😂😂不過飲到一半唔知係咪攤暖左，愈飲愈甜…All Good Lemmy Lemonade... 朋友叫既，味道正正常常同平時既冇乜大分別，比gingerella甜，