Bos Vinci Restaurant & Bar (已結業)

去旺角食飯最方便梗係去良心店集中地廣華街，人龍台灣菜行前啲開左間以星爺為主題嘅西餐，一入去就見到凌凌漆燈牌，仲有句”You are very romantic”，明嘅就明。店內燈光較昏暗，幾適合飲返杯，見menu有杯叫“攞你命3000”，好好奇係咩黎，可惜第二日要返工就作罷，見隔離枱飲到情緒高漲，氣氛唔錯。(w/ 10% service charge)🍽西班牙燒乳豬  Cochinillo ($308)呢個係餐廳嘅招牌菜，當然要試吓啦。豬件嘅外皮焗到脆卜卜，切開時有肉汁流出，肉質軟腍，配薯蓉同酸椰菜啱晒。🍽香草醬什菜大啡菇炒扁意粉 Portobello Mushroom Linguine with Pesto ($138)乳豬啖啖肉，所以另一個主菜就叫左素意粉，上枱時已聞到好香pesto味，大啡菇厚身唔乾，什菜有茄子、西蘭花、蕃茄乾等，如果無咁油就更好。☕️Passion Fruit Soda/ Grapefruit Soda ($58/each)唔飲酒嘅可以揀mojito等mocktail，我地叫左兩杯清新消暑嘅水果梳打，西柚嗰款酸酸甜甜，熱情果嗰款甜度就高啲。餐牌：

🌖蟹膏芝士焗意大利飯 $168對於一個可以唔撈飯🍚，自己食曬一罐韓國蟹醬罐頭嘅我黎講，蟹膏味唔重，但好在都有好香嘅海鮮味，一d都唔腥～～～意大利飯唔係傳統果種咁硬咁生，但粒粒分明有𡁻頭，蟹膏同芝士🧀以外仲有菇菌類同一絲絲蟹肉。睇個名以為會好漏，但事實係對兩個人黎講毫無難道，正常食量嘅應該都唔會太full😆。📢呢道菜係即叫即焗，等候時間會較長，記得食住其他野黎等😉。🌖西班牙燒乳豬（1/4隻） $298乳豬外層烤得香脆，食中豬脾位，啖啖肉得黎仲有滿滿嘅骨膠原😍😍，配上酸椰菜就更加丁點油膩感都無👍🏻。你以為得三件豬唔夠飽？其實底層仲有蔬菜🥬同薯蓉🥔，薯蓉顏色好黃，令人一度懷疑會唔會係番薯蓉/南果蓉🤔，一問之下原來係黃薑薯蓉😯。🌗Grapefruit Soda/ Passion Fruit Soda $58@另外仲叫左兩杯飲品，漸變色拎黎影下相📸都唔錯😁，應下景嘅話應該叫返杯dry martini 🍸😎。餐廳正中間有句”You are very romantic”，又有聞西推介，仲未知有咩特別？ 話埋你知”My name is 凌凌漆”，咁你應該知個電影主題就係星爺嘅國產零零柒啦掛~我唔係星爺

剛剛開業一個月，現在仲試業中，見到網上好評如潮，又來試吓火腿蟹肉蘆筍卷($138)Parma ham包幼蘆筍，上面加蟹肉&芝士，整體感覺幾rich，送酒一流烤香草保雲酥紐西蘭小羊扒($268)高度推介！五成熟，羊扒厚身好𣺉，有少少羊臊味，真係好正！本身好鍾意食羊，亦都好鍾意羊臊味 ，而呢個程度嘅臊味又唔會超級強烈，大部份人都會接受，羊扒上面仲有脆脆麵包糠，增加口感，老闆話唔好用刀叉食，要用手食，會更惹味，加埋gravy，感覺好幸福👍🏻👍🏻👍🏻👍🏻👍🏻👍🏻Bos Vinci 蘋果酥皮卷 ($78)蘋果酥皮卷有好多蘋果，好香cinnamon，低糖，要先食蘋果酥皮卷，再食旁邊Chocolate Mousse Cake ，因為Chocolate Mousse Cake比較甜，Mousse cake香滑，而且餅底脆脆、配搭好唔錯Grapefruit Soda ($58)低糖，賣相好吸引食完已經諗緊，下次要試咩😹😹