平昌

營業中

休息中

今日去旺角兆萬中心13樓食韓式燒肉放題🤰🏻我地揀左最實惠既- 大君御膳$228一位 任食兩小時🫶🏻雖然係最平既餐，但野食種類都算幾多，有五十幾款唔同種類既食物選擇，海鮮、豬牛雞，蔬菜、湯飯類 每樣都有幾款！仲有配埋前菜 ～韓式泡菜、芽菜 無限添加另外韓式飲品、啤酒雪條 任飲任食 （韓國燒酒都有，呢個就要加錢）我就試左二十幾款野食，本身個人比較鍾意食牛肉 感覺 *LA牛扒同*牛肋肉骨 最好食既！好重嘅牛肉味，同埋啲肉都比較嫩口 👍🏻👍🏻正！追加咗兩次 。豬五花腩，脂肪分佈均勻，配上生菜、泡菜及韓式辣醬食，更加別具風味！上菜速度都好有效率 ，叫完之後就即刻上全檯都係食物 😋另外一個好好食嘅 就係*燒洋蔥🧅 洋蔥係燒既時候吸左啲牛肉汁，咬落之後又香又爽！而且健康👍🏻 推介！另外有五六款韓式雪條🍭 任食，好正 🍓士多啤梨味最好食 😋每款我都試咗食左5條雪條😂全程都係食嘢 食到飽😆 店內職員都好勤力服務好好，我地用餐時兩小時入面店員幫我地換左幾次燒烤爐板，值得一讚！我眼見飯點時，店入面都坐滿哂好多人食！食物新鮮，餐廳座位都坐得舒服 牆壁有畫 裝修都好靚！好適合一班人聚餐👍🏻平昌-（旺角）📍旺角西

好似都冇食韓燒，留意到旺角有間價錢幾抵食，就去試下。我哋係平日夜晚去食，揀咗「世子」套餐，每人就$198加一。雖然係平日，我地8點到都已經坐滿左，要等位。好似正常韓餐咁，佢都有送前菜、生菜同爐邊蛋，可以無限添👌🏻泡菜比我想像中好食，比較新鮮juicy。加咗啲泡菜落蛋到，食落去幾正😂飲品可以任飲，有韓式汽水、烏龍茶等。肉類我哋每樣都有叫幾件，豬、牛、雞、海鮮當中，我哋覺得牛肉相對來講比較高質，燒完多啲肉汁同比較juicy。不過記得唔好燒太熟，一開始我哋燒得太耐好硬成嚿橡筋咁🤦🏻‍♀️🥩牛肉就推介LA牛排同牛舌，但牛舌真係燒兩下就好拎上嚟，如果唔係硬過橡筋😂🐓雞肉都不錯，燒完幾鮮嫩👍🏻🐖豬肉同🦐海鮮就一般，期待嘅五花腩燒完都係比較硬身，叫薄切五花腩片會好少少🤏比較驚喜嘅係呢間有熱食都可以任叫，平時出邊叫都要$70-90，呢到可以食到好多款💕我就叫左大醬湯。總括嚟講呢間都幾抵食，多選擇，對得住呢個價錢。平時出去食韓燒散叫兩個人都要$500-$700，呢間都算係平食之選👍🏻

好耐冇食韓烤， 趁吓熱鬧book 定去旺角《平昌》 經濟又地道嘅韓式燒烤。坐咗半個鐘七點左右已經全場滿座， 人氣鼎盛！年青人佔大多數， 想必是復課前出嚟慶祝～被安排靠入面間出嘅房间，冷氣好似強勁一些～大部分店員都係韓國 oppa 來～ 同時keep住播放韓國pop music, 氣氛一流。［大君御膳］ 這個級別已經能夠滿足我哋想吃的熱食和肉類。由於我哋唔係食肉獸， 試咗比較多唔同嘅料理。朋友飲咗兩碗《牛肉海帶湯》😃自己則 K. O 了一小鍋 《辣豆腐海鮮湯》， 熱辣辣味道濃郁夠地道， 份量唔好太多啱啱好。《水冷麵》 味道唔錯， 清新帶點酸， 酸蘿蔔好爽脆！ 唯獨是唔夠凍，有些冰塊更加perfect！ 而且份量非常大， 冷麵仲痴埋一團。《 石鍋拌飯》 個鍋好細，份量啱啱好，熱辣辣醬汁和蔬菜，雞蛋撈勻， 味道不遜於正宗韓式料理單點的拌飯。《 炸蝦條》 炸漿實在太厚， 裏面嘅蝦其實係鮮甜唔會好乾。基本嘅泡菜和生菜， 泡菜味道較酸。肉類方面， 首選幾款必點既美味款式。LA牛排, 已調味， 夠腍又夠肉味! 厚切五花腩，肥瘦相間的腩肉燒過之後，入口甘香咬落脆口， 唔乾，配韓式辣醬再用上生菜再包着吃