平昌

營業中

休息中

同朋友兩人試左星期一的平日lunch，$158 加一一個人，價錢嚟講係幾抵 基本韓式食物都有提供，有提供飲料任飲。但如果韓燒嚟講，個半鐘係有啲趕。訂左座個場大把位，一開始安排座位嗰陣時都唔肯安排大少少嘅枱，最後我地堅持先比我地坐3人枱。燒完唔夠時間食，阿姐店員係唔會比你食埋先。就算岩岩上咗嘅湯、同fill左既蛋一啖都無食過飲過，阿姐店員寧願當住你面，倒左佢嘥嘢食咁折墮，都唔會想俾你試俾你食，只因為你已經過咗幾分鐘都未離座。當時成個場其實淨返得兩枱客，冇其他客人等，而我哋都唔係夠鐘都繼續燒，只係想食埋燒咗嘅嘢。但兩個店員都會輪住催你走，起你面前清野倒野。本身都有諗過性價比高會再嚟，但店員嘅服務真係不予苟同，唔會想再黎如果只係想簡單搵個地方同朋友輕鬆地食下野傾下計燒下韓燒，依度絕對唔會係一個好選擇收錢就個半鐘前識收，但一夠鐘就即刻趕人走。真係好客之道

兆萬真係一個特別多放題嘅地方，今次就嚟到平昌呢間韓式燒肉放題，吸引之處係套餐選擇好多，食物選擇亦都係一樣，無論係冷盤、小食、主食、肉類、海鮮有好多選擇✨世子御膳海鮮同埋肉類嘅選擇都非常多，特別適合食肉獸🤩特別之處係佢同平時嘅韓式放題有啲唔同，除咗高級嘅肉之外亦都包括咗醬油蝦醬油蟹等韓式嘅選項，絕對滿足到唔同人嘅喜好冷盤選擇都好多，首先會送上餐枱、芽菜、泡菜等，泡菜唔算好辣，味道方面偏酸，幾開胃！大部份嘅肉類都係先經過調味，個人覺得牛肉選擇好多，豬頸肉好出色！另外雞髀肉都唔錯揀呢個套餐最大嘅原因都係醬油蟹同埋醬油蝦，食落比想像中有鮮味，醃製得非常入味，配埋紫菜飯實在係一流！最有驚喜嘅係佢個帶子非常大粒，飽滿鮮甜另外國王禦膳做緊七折優惠，旺角分店限定

這家韓式燒肉飯自助放題店充滿了韓式風情。坐凳是一個個紅色的桶，下面可以放自己的隨身物品。每個燒烤爐上面都有一個煙囪可以吸收煙氣，好貼心！爐周圍一圈放了爐邊蛋，倒了雞蛋液進去，在燒烤的過程中，蛋羹也做好了，而且不管這個爐邊蛋燒了多久，都保持得很鮮嫩美味！我們選擇了世子御膳放題，各式各樣的美食令人垂涎欲滴。這裡有豬、牛、雞肉類，海鮮類，主食，小吃和飲品雪糕等，每個人都能找到心儀的美味。這裡的肉都很新鮮，紋理很漂亮，油脂分佈均勻，放在烤爐上烤一下散發著誘人的香氣。就飄出山外。這裡還有很多經過精心調味，口感豐盈的肉類: 調味烤牛肉，辣汁肥牛片，照燒肥牛片，調味豬梅頭片，味道濃郁，令人回味無窮！海鮮類有油蛤，半殼扇貝，虎蝦和生蠔等，超愛吃蝴蝶蝦伴他他醬，蝦肉彈牙，搭配香辣的他他醬，讓味蕾大開！就連醬油蝦和醬油蟹也是任吃，醬油的鹹香與蝦肉的鮮甜交織，令人難以抗拒！如果不想動手的話，還可以吃現成煮好的食物: 吉列炸蝦，海鮮蔥餅，調味鰻魚鮮美醬汁入味，脆炸一口芝士裡面是滿滿的芝士。主食有辛辣麵，冷麵和米飯等等，雪糕飲品隨便吃！這些美味的選擇，無論是肉類還是海鮮，都能讓人享受一場舌尖上的盛宴！

唔覺唔覺已經食咗呢間燒肉放題店好多年位置在超方便的旺角兆萬，約食飯都好方餐廳由韓國人經營、就連環境都同韓國好似用QR code落單比較方便唔少飲品都係韓國牌子，就連蒸餾水都係lotte選了「世子御膳」set.b如果中等價錢，又可以食到120分鐘性價比都唔錯選這個餐因為有T骨牛排、西冷、香草五花肉「醬油蟹」「醬油蝦」、烤鰻魚、帶子、海鮮都有！-我都食咗唔少醬油蟹, 回本之作！每份肉都點咗少少！試一試，水準不錯👍牛舌好食呀，肉質睇相就知好加熱好快 出菜都好快一邊食爐邊蛋、一邊吃燒肉肉的類型好多，慢慢食仲有海鮮帶子、半殼蠔、魷魚特別推薦帶子，因為好快熟，點少少醬汁都唔錯一來到太餓 先點一些熟食韓式炒粉絲、泡菜豬肉湯、辣豆腐海鮮湯、石鍋牛肉飯好有韓式風味！食物類型好豐富，真係食得好滿足

我地入座時間係18:29，張單亦寫120分鐘食用時間，但我地食唔夠90分鐘，20:00都未到，就已經開始俾人吹我地要埋單+走，啲侍應不斷話老細話我地張枱夠鐘走，吹左我地起碼3次。但係明明last order係20:00，交枱時間係20:29，個app顯示都係未夠鐘😤 本身諗住開開心心同朋友慶祝生日🎂點知最後蛋糕🎂都無得切，掃哂大家嘅興😤如果大家諗住食燒肉有120分鐘俾你燒，你地就錯了！如若大家唔信，可以親身去試吓，我哋就唔會再食呢間了！

今日我同朋友去咗旺角一間樓上韓國烤肉店！今晚假期前嘅一日，餐廳裡面好多客人，好熱鬧，氣氛非常好！我哋一坐低，服務員就已經幫我哋開爐，仲放咗一碟泡菜、芽菜、生菜同爐邊蛋，感覺好有韓國風味。之後，我哋就用QR code下單，點咗好多嘢。上餐時間好快，完全唔使等，真係好方便！牛肉方面選擇非常多，可以選擇原塊西冷、肉眼、嫩牛肉、牛肋條，任君選擇。我哋每款牛肉都有叫，大部份肉質滑嫩，燒好之後，搭配少量醬油，味道真係無得輸！特別係牛肋條，肉質非常多汁，食落去口感一流。除此之外，海鮮方面嘅選擇更加多，鰻魚、魷魚、帶子、扇貝都有，真係超好味。我哋叫咗虎蝦同扇貝，虎蝦肉質彈牙，燒出嚟香氣四溢，扇貝就更加鮮甜。我哋仲叫咗紫菜飯！紫菜飯送飯一流，特別配鰻魚，變鰻魚飯！而北寄貝沙律就係另一個驚喜，北寄貝新鮮，搭配啲生菜柚子醬，味道清爽，食落去完全唔會膩。飲品方面，佢哋提供汽水、啤酒同雪條任食任飲，真係非常抵！我哋叫咗啤酒，配埋燒肉，真係好麥爽，最後食埋雪條，甜甜嘅滋味為今次嘅食物增添咗一份清涼！

今天黃昏，我和朋友在旺角，光顧了一間名叫平昌Pyeong Chang的韓式燒烤店，期待著美味的晚餐。一進門，店內的裝潢簡約而富有韓式風情，營造出輕鬆的用餐氛圍。我們坐下後，迅速選擇了多款食材，迫不及待地點了任食套餐，包括粟米、帶子、蝦、牛肉、豬肉、肉腸等……服務員熱情地將新鮮的食材送上桌，每樣都散發著誘人的香氣。燒烤開始時，我們將食材一一放在炭火上，滋滋作響的聲音讓人食指大動。尤其是牛肉，烤至五分熟時，外焦內嫩，搭配特製醬油，味道鮮美無比。帶子和蝦在炭火的烘烤下，鮮甜的味道愈發濃郁，讓我們忍不住一口接一口。用餐的過程中，我們邊烤邊聊天，分享生活的點滴，笑聲不斷。這頓韓式燒烤不僅滿足了我們的味蕾，也增進了彼此的友誼。結束時，我們都意猶未盡，約定下次再來享受這美味的韓式燒烤。

好耐之前聽過平昌，不過等到而家先嚟食！佢有三個set嘅，我哋就揀咗中間嗰個set B世子set一嚟到店員已經勁快手幫我哋倒咗啲蛋落側邊，同埋前菜都即刻上！然後我哋就自己scan QR code落單就可以啦！叫咗好多唔同部位嘅豬肉同埋牛肉，我最欣賞嘅就係佢哋嘅五花腩，佢哋嘅五花腩有分厚切同埋薄切厚切嗰隻真係好正！燒到兩面脆脆地，入口肥瘦均勻，加埋啲菜同埋泡菜食簡直就係一流因為厚切呢隻係冇調味嘅，所以我個人比較鍾意加泡菜食，呢度嘅泡菜好好食，夠味得犂又唔會太辣除咗肉類之外，呢個套餐仲包咗海鮮，啲蠔同帶子睇落都唔錯！所以我哋就叫咗一round啲蠔上嚟嘅時候連埋檸檬，差啲以為佢係生蠔，好在問一問店員🤣另外佢仲有熟食，呢個係牛骨湯個牛骨湯好好飲，完全唔係嗰啲味精湯，飲完冇覺得口渴！入邊仲有三舊牛仔骨嘢飲同埋甜品就係自助嘅，出邊有幾個雪櫃可以俾我哋自己攞韓燒配啤酒簡直就係一流，套餐入面包埋啤酒，如果想要燒酒就要加錢

今日同朋友去旺角食燒肉，好耐冇食過韓燒，就揀咗呢間韓國嘅燒烤平昌佢入面有幾個套餐，我哋就揀咗世子套餐，佢有啲牛、豬、海鮮、有啲熟食任食，都幾多唔同嘅選擇我哋叫咗豬腩肉、牛肋骨、牛西蘭冷、燒雞腎、燒雞軟骨、牛骨湯、炸忌廉薯餅，其實仲叫咗好多唔同嘅嘢食。特別一讚炸忌廉薯餅、雞軟骨、雞腎、帶子，都非常出色好味員工上菜非常之快，而且收食淨嘅碗碟都好快，令到我哋有好多時間再去叫嘢食。另外飲品同埋雪條都係任拎😊喺旺角仲任飲任食，性價比係非常之高推薦

今次嚟到旺角兆萬中心其中一間韓燒任食放題餐廳，餐廳主打韓國風味設計燒烤爐坐墊都非常有韓國風味，包括圓形嘅餐桌枱圓形鐵筒凳。一個小提議，如果大家有帶袋或者背囊可以放喺凳入邊有一個儲物位置💓今次我哋食咗一個大君放題餐，食物都非常豐富，各式各樣嘅牛仔骨，牛扒，牛肉，牛舌，肥牛。豬肉五花腩，豬肉片，雞翼，海鮮類包括有扇貝，虎蝦，鰻魚。鰻魚係熟食，另外配菜有生菜，芽菜，泡菜😀食物質素亦都非常有水準上菜速度亦很快服務亦都很好，而且食完韓燒都冇乜油煙味。另外佢仲有大醬湯，我自己非常喜歡。幸好我哋預早咗入座，所以環境比較舒適如果你想約同事或者朋友食任食韓燒嘅話記得早啲去，因為越夜越多人。😙另外見到佢嘅細緻餐，可以任食醬油蟹，如果鍾意食醬油蟹嘅人可以試吓😀

當坐低不久 ，店員就會即刻奉上配菜、調味料、蛋漿，效率非常高。韓燒放題好少有醬油蝦、醬油蟹，雖然唔算好大隻，但有得食到已經好滿足，醬油味濃郁而且已經完全滲入肉質。蝴蝶蝦伴他他醬、半殼扇貝、雞軟骨串、雞腎串，蝴蝶蝦已經日開邊，燒起上黎容易d睇到熟未，肉質彈牙，扇貝大隻厚肉，最重要係處理得好乾淨，無沙和已去除內臟，雞軟骨和雞腎同樣爽口有咬口。西班牙捲狀豬腹肉，台灣胡椒香腸，照燒肥牛片，照燒薄切五花腩片，捲狀豬腹肉肉質結實，用生菜包住一齊食一流，肥牛片醬汁入味，而且切成薄片一燒即熟。牛舌，豬頸肉，護心肉，辣味豬五花腩，牛舌有少少厚度，食落更有咬口，護心肉內質軟腍有肉汁。辣拌冷麵，食完太多肉類，口腔少不免都有d油膩感，熟食相對冇咁油膩，而且冷麵有助令食慾更加開胃。醬油鵪鶉蛋，鵪鶉蛋滑溜而且醃得入味。炸忌廉蟹肉薯餅，內裏軟綿綿，外層酥脆香口，好味，但容易飽肚。

平昌📍旺角西洋菜南街1N號兆萬中心13樓今日咁岩係旺角放工同慶祝朋友生日🎂朋友又好中意食韓燒喎，一上openrice search就見到平昌，所以就決定帶朋友去食啦🥰餐廳位於兆萬中心，好易搵👍餐廳好有韓國Style😆令人置身於韓國一樣🤣Menu分別有3個Set，「SET A大君御膳」、「SET B世子御膳」同「SET C國王御膳」，對比下最後決定食SET B世子御膳，餐廳係用Qr code自行落單，有多款韓式料理、肉類🐖🐂🐓、海鮮🐟、蔬菜🥬等等可以選擇，飲品就可以自己出去雪櫃度拎🧃🥤係等肉類熟嘅時候我地太餓啦，所以叫左唔同嘅熟食返黎食，例如炒年糕、海鮮餅、醬油鵪鶉蛋、醬油豬軟骨，份量少少地可以同朋友share又唔會好快飽，肉類方面，我地十分推薦西班牙捲狀豬腹肉、香草五花肉，充滿油脂又好好食，海鮮方面十分推薦鰻魚、帶子同半殼石蠔，好新鮮又大大隻😝😝，最後想食個甜品，出到雪櫃竟然見到乳酪同韓版朱古力批🤣🤣🤣，朱古力批雪凍左原來幾好食喎🥰下次希望可以再同多d朋友一齊黎平昌食韓燒😍

今日成家人去食生日飯慶祝本身都食得好好地，原本90分鐘放題佢60幾分鐘就突然間整張單嚟話埋單，然後單埋咗想加嘢食，佢就即刻話埋咗單冇得加，但係之前完全冇同我哋講話截單 阿姐仲要黑晒面咁樣態度勁差好似我哋全部人爭佢錢咁樣 仲要同其他同事講話唔需要理我哋繼續做嘢 完全冇尊重過人感受 如果大家唔信嘅話即管可以去試吓我好相信大家會深深感受到 好好地諗住慶祝生日俾佢搞到全部人咩mood都冇晒 本身啲嘢食都爭少少都算，不過連工作人員都咁差呢間嘢真係唔需要再諗

好耐無食韓燒啦！每次見到都心郁郁，一於食返餐勁嘅！講緊嘅係喺兆萬中心嘅平昌，主打任食韓燒放題，咁就唔使就住就住啦。當日book左夜晚七點幾，一上到去已經好有氣氛，裝修風格似足韓國當地燒肉店，店員應該都係oppa黎，而且座無虛席，好熱鬧！我地揀左最平嘅大君御膳套餐，基本上已經包括左唔同野食，牛排、五花腩、甚至有回本位海鮮，仲有唔同料理、飲品甜品等等。一坐低職員已經好快送上兩碟泡菜同涼拌芽菜，天氣咁熱，食返兩啖真係透心涼。點少得仲有韓燒獨有嘅爐邊烤蛋。我地用QR code落單後，大約三十秒，燒肉材料就送到枱面啦，好有效率！而且份量唔會太多，放題當然要少食多款先係王道。平昌嘅烤爐火力好夠，而且唔容易黐底，牛排、牛肉、五花腩等等好快已經煮熟可以開餐啦！除咗燒肉醬汁外，餐廳仲提供左生菜比客人包住燒肉食，咁就唔會食兩舊就食膩啦。值得推介嘅係LA牛排-骨肉相連，口感軟稔，肉汁豐富；調味烤牛肉-啖啖肉，燒肉汁調味，配搭生菜包一流；雞翼-調味適中，大大隻，燒熟需時；半殼扇貝-有驚喜，高於放題質素；虎蝦-大隻新鮮，燒熟非常香，而且肉質彈牙。料理方面有醬油鵪鶉蛋、辣海鮮豆腐湯、肥牛大醬湯、辛辣麵等等。由於燒

今日去咗旺角兆萬中心13樓嘅平昌食韓式燒肉放題，揀咗最抵食嘅大君御膳，$228一位任食兩小時！呢款係最平嘅餐，但食物種類都有五十幾款，任君選擇，海鮮、豬牛雞、蔬菜、湯飯樣樣齊！仲有前菜 - 韓式泡菜、芽菜無限添加，真係抵食到爆！飲品方面，多款韓式飲品、啤酒、雪條任飲任食，而韓國燒酒就要加錢。我揀左十幾款食物，個人最鍾意食牛肉，牛扒同牛肋肉骨真心好味，牛味濃郁肉質嫩滑，正到爆！仲再追加咗一次！豬五花腩脂肪分布均勻，配上生菜、泡菜及韓式辣醬食，風味更佳！上菜速度好快，叫完就即刻上，全枱都係食物，真係食到停唔到口！另外，燒洋蔥好好食，吸咗牛肉汁，香口爽脆，又健康，推介！仲有五六款韓式雪條任食，士多啤梨味最好食！每款都試咗，食咗五條雪條😂全程都食到飽，店內職員比較忙碌，但都不忘幫我地換烤板，值得一讚！飯點時店內坐滿人，食物種類多，餐廳裝修靚，座位舒服，好適合一班人聚餐！**平昌 - (旺角)**📍旺角西洋菜街1號兆萬中心13樓