Everglow Coffee

營業中

休息中

有次去上水搵朋友玩，有間我bookmark咗好耐嘅工業水泥風小店café原來就係附近，由於店舖座位唔多，好彩當日我係一個人去，好快就有位啦~黑芝麻醬整嘅sourdough上面有少少油光，應該係黑芝麻油嚟，令個包外脆內軟，有別於一般食到嘅sourdough咁硬梆梆😋隔離他他有青瓜絲、牛油果蓉，好fresh，蟹肉份量勁多，配埋黑松露醬，層次非常豐富。好耐都冇飲過咁高質嘅啡啦❗️好濃郁，入口順滑，而奶味又唔會蓋過咗咖啡嘅味道，飲落會有少少回甘，偏fruity，拉花亦都好細緻~😍臨走前意猶未盡咁，買咗件巴斯克蛋糕走，當日只有原味同開心果味揀，最後揀咗開心果。賣相好靚，中間係流心架‼️😍上層仲要再多一層開心果醬同少量碎碎，雙重滋味🤤整體食落cream cheese味較重，帶少少開心果味😋

內內外外都係紅磚裝修，有種00年代英倫風嘅感覺。座位只有十個左右，假日朝早已經有唔少鄰里街坊去食，價錢相宜，嘢食咖啡都相當高質，下次想再去食蛋糕。*Egg benedict $68竹炭黑芝麻酸種麵包係IG shop mousa.inspiration嘅出品，外脆內軟，帶濃濃嘅麥香。兩片煙肉煎到脆脆，放上兩隻水波蛋，蛋黃完美流心。淋上荷蘭醬，帶微微牛油香，意外地唔油膩喎。因為淋咗點蜜糖，有時會有啲甜味，味道上幾有趣喎。Latte $40奶泡細膩，唔容易消泡，比較細杯，咖啡味較重。

上水都可以算係美食沙漠，食肆唔係無，但係美食就無乜鋪頭外牆裝修成磚屋，外觀喺上水黎講都算係有啲特色。見佢外型幾特別，就比佢吸引左去試下裡面地方唔大，我諗坐滿最多都係得12人beef & cheese～酸種包煙煙韌韌牛肉調味唔錯，但牛肉就無乜牛味同埋韌左啲，但整體都唔差avo & crab tartare ～牛油果蟹肉他他酸種包轉原味bagel～bagel夠煙韌個人認為轉唔轉bagel都無所謂，因為bagel 同酸種包都好好食可以慳返10蚊😆牛油果蟹肉他他走清新路線，有啲似日式青瓜沙律🥗味道無beef & cheese咁濃味，食完牛肉之後再食呢個，可能牛肉嗰款濃味好多，第一啖覺得味道無咁出但食食下就會覺得呢個好fresh，都唔錯雖則我都幾鍾意食日式青瓜沙律，呢個配搭都好清新，但都係芝士牛肉味道吸引啲latte（上）flat white（下）咖啡口味好個人，有人喜nutty, 有人喜fruity個人口味偏好nutty, 而fruity係完全唔識欣賞，所以都唔評價個咖啡好唔好飲呢度咖啡帶酸，唔啱我口味，如果鍾意nutty嘅朋友仔都未必啱。earl grey roll cake～有伯爵茶嘅芬芳

相約朋友去上水郊外影相，拍攝前先醫肚是常識吧！上網搜尋到呢間小店超多正評梗係去會一會啦🤩 Cafe門外一大幅紅磚牆有點英倫工業風，小店座位不多，大約可容納八個客人，感覺靈靜舒適，兩位老闆兼店員非常好客服務一流，絕對適合遠離繁囂好好享受早午餐的地方。✧All Day Breakfast $118 （足料之選）超大碟賣相幾震撼，材料豐富交足貨，值得一讚個大啡菇好香同兩塊酸種麵包非常出色✧牛油果蟹肉他他配酸種麵包 $78（必食推介）牛油果蓉配上一梳梳蟹肉絲，加上青瓜絲口感清爽，配上少許沙律醬和黑松露醬，非常開胃醒神。值得一讚酸種麵包用牛油煎得邊脆內煙韌非常好口感👍🏾最正+$10 就可以追加煙肉😋✧Purple Latte $45碟豆花薰衣草味，味道正常唔會太假，打卡影相絕對搶眼✧Latte $40一個字👍🏾好飲順滑有口感

一直好想光顧，無奈每次都好多人排隊今天早起路過適逢有位，二話不說衝入去店面雖小，勝在乾淨利落，坐得都舒服留意到好多客人都會同老細店員吹一輪水，或者最少互相問侯一下（善意果種），今時今日竟然仲有呢種街坊街里咖啡店嘅感覺，實在難得All Day Breakfast： 都係果幾款料，煙三文魚攤開嚟都有幾片，特別喜歡件多士，厚身有質感，咬落煙韌有種自家手制面包感覺（可能真係自制都唔定）Cappuccino : 奶泡厚厚一層，啡味濃郁，嗒吓嗒吓刺激味蕾之餘都令人幾醒神，正，攪到飲完之後要追啡飲Latte：最怕果D落超多奶蓋過晒咖啡味嘅沖調，呢杯Latte完全冇呢個問題，保留到香濃咖啡味之餘，仲有少少苦澀同酸酸哋嘅餘韻，一個字，掂老實講個人雖然鍾意飲咖啡，可惜唔識分辨咩為之靚咖啡，一向只靠條脷做判斷，按個人喜好呢間算區內最好飲幾間之一，值得推介

經朋友介紹下，知道上水開左新咖啡店今日放假就叫朋友帶我去試下門面都幾靚，不過得12個位，所以見好多人買外賣午餐時間去到都要等一陣先有位入到去，靚靚店員就安排入坐，因未有吧枱位，就坐左4人枱，啲4人枱有啲細張朋友叫左all day breakfast, 我叫左egg benedict,再叫左杯ice mocha同埋latte佢哋既咖啡帶微酸，都幾啱我all day breakfast 有大啡菇，咬落好多汁，有驚喜個豬肉腸都好好食，，而egg benedict兩隻蛋既生熟程度控制得啱好，碟上有少許蜜糖提味，都幾有新鮮感麵包係餐廳唔會普遍用既酸種麵包，咬落煙韌有口感，唔錯唔錯之後見到吧枱有位，就問店員可唔可以轉位成功換位後，就叫左個cheese cake，加多杯purple latte個cheese cake又幾好食，中間有流心，又唔太甜。purple latte有淡淡既薰衣草同蝶豆花花香，加上燕麥奶，同個蛋糕又幾襯。。整體上都好好，只係繁忙既時候出餐有啲慢不過期待繼續進步