影片
更多
2021-03-01
782 瀏覽
今次黎食一間美國過江龍嘅快餐店餐廳，全球有超過1500間分店，香港灣仔係全亞洲第一間分店，係2018年11月19號開張，呢家喺香港已經有五間分店。呢間傳統美式快餐店，主打漢堡包、薯條同奶昔，另外仲有熱狗同三文治，全部都係冇套餐要散嗌，漢堡賣點人手製作、從不冷藏急凍，香港價錢同美國英國差唔多，冇話黎到香港貴咗好多。-🍔 Little bacon cheeseburger 💰75（👅: 8/10）呢度嘅漢堡包最大特色就係配料同醬汁都可以自由配搭，而且價錢免費，總共15種配料同醬汁全部要晒都係同一個價錢，如果有選擇困難症可以揀all the way，咁就有最基本嗰八種，餐廳會配個佢哋覺得最好嘅配搭。落order時店員都清一色會比紙袋你，唔會問你喺度食定聽take away。我叫咗一個細啲嘅有煙肉嘅cheese Burger，因為又要食薯條同飲奶昔所以就叫細啲，不過細同大個分別就係單雙層，要唔要多一塊漢堡扒。麵包算正常，唔係最差嘅空氣包，但又未到好食，好食嘅麵包應該係會有烘少少，食落應該係有啲脆，呢個唔係。醬汁嘅份量就正常，唔會話過多令到個包太濕，個人唔鍾意個包好濕，食落完全腍晒。蔬菜食落好新
今次黎食一間美國過江龍嘅快餐店餐廳，全球有超過1500間分店，香港灣仔係全亞洲第一間分店，係2018年11月19號開張，呢家喺香港已經有五間分店。
呢間傳統美式快餐店，主打漢堡包、薯條同奶昔，另外仲有熱狗同三文治，全部都係冇套餐要散嗌，漢堡賣點人手製作、從不冷藏急凍，香港價錢同美國英國差唔多，冇話黎到香港貴咗好多。
-
🍔 Little bacon cheeseburger 💰75（👅: 8/10）
Little bacon cheeseburger
$75
82 瀏覽
2 讚好
0 留言
呢度嘅漢堡包最大特色就係配料同醬汁都可以自由配搭，而且價錢免費，總共15種配料同醬汁全部要晒都係同一個價錢，如果有選擇困難症可以揀all the way，咁就有最基本嗰八種，餐廳會配個佢哋覺得最好嘅配搭。
落order時店員都清一色會比紙袋你，唔會問你喺度食定聽take away。
我叫咗一個細啲嘅有煙肉嘅cheese Burger，因為又要食薯條同飲奶昔所以就叫細啲，不過細同大個分別就係單雙層，要唔要多一塊漢堡扒。
麵包算正常，唔係最差嘅空氣包，但又未到好食，好食嘅麵包應該係會有烘少少，食落應該係有啲脆，呢個唔係。
醬汁嘅份量就正常，唔會話過多令到個包太濕，個人唔鍾意個包好濕，食落完全腍晒。蔬菜食落好新鮮同爽脆，可以食得出依個漢堡係即叫即整，連鎖店最大忌就係預先整好，蔬菜會比漢堡塊肉嘅熱力整到熟之後出水。漢堡塊肉睇到好厚好大塊，食落重肉味好juicy，裏面塊煙肉都好脆，不過芝士嘅味道就淡啲，整體來講算above average，喺香港用$75食到呢個漢堡包算係咁，因為有好多漢堡包都係價錢好進取，但唔好食或者對唔上個價錢。
-
🍟 Little Fries💰40（👅: 9/10）
Little Fries
$40
120 瀏覽
2 讚好
0 留言
薯條有三個大細，我叫咗小，但份量一啲都唔小，會見到店員明明已經裝滿左薯條係個杯度，都會加多幾下落個袋度。味道有兩個選擇，原味同辣味，第一次食所以揀咗原味。
佢哋啲薯條標榜係用花生油即叫即炸，同埋會話比你知呢批薯仔嘅產地，大皮薯條全部都用新鮮薯仔做，唔係用薯蓉倒模出嚟。
薯條食落係外脆內軟，仲有超級香既薯仔味，雖然份量好多但真係一條接一條，喺香港來講都算係最好食嘅薯條之一。
-
🥤 Milkshake Peanut Butter/Strawberry💰55（👅: 9.5/10）
Milkshake
$55
41 瀏覽
1 讚好
0 留言
奶昔可以揀加唔加淡忌廉。同漢堡一樣，都係有多款配料免費加配，好似朱古力、鹽味焦糖、Oreo曲奇塊等，可以mix多款，較為特別係花生醬同煙肉。
今次叫左一杯花生醬無淡忌廉同一杯士多啤梨有淡忌廉。
奶昔口感幼滑好順口，甜度適中，非常creamy飲落好飽滿，花生醬口味非常特別，會滿口花生醬味道，味道有驚喜，係FIVE GUYS既signature，不過飲得多就會係咁諗呢杯野好邪惡。同埋如果叫哂包、薯條同Milkshake其實份量好多好飽，因為奶昔都唔細杯，建議可以同人share。
-
🌟總括嚟講漢堡發揮正常，香港當然有漢堡好食過佢，但可能價錢要貴小小，但薯條就真係好食，要好食過佢唔易，而milkshake就更加出色，尤其係花生醬味。
Milkshake
$55
105 瀏覽
1 讚好
0 留言
係灣仔分店有樣特別嘢就係花生任食，方便排隊或者等緊嗰時食住花生等。花生仲要大大粒好香花生味，不過味道偏鹹，算係好食嘅花生。
-
👅味道: 9/10
🍴環境: 7.5/10
💰消費: $170 (服務費: NA)
張貼
