The Point - Pizza & Pasta (將軍澳中心) (已結業)

是日OT日，又係得我自己一個人食晚飯我覺得人生除左工作之外，都應該要好好善待自己，今晚小妹就想据扒，嘆紅酒，慰勞下自己~是日就去左將軍澳中心食晚飯，本人真係好鐘意將軍澳中心The Point既木條外牆設計，再加埋d燈光效果，好靚呀~佢地主色為綠，白，啡天花都係用木整既，一格格正方形，又幾特別wor~ 餐廳內已有聖誕佈置，望到都覺得開心，這裏環境都算大，燈光偏黃黃地，非常柔和~就是喜歡這種感覺，靜靜地好relax對自己好d之食好d今晚小妹就order了龍蝦湯， M5和牛西冷牛扒加一杯紅酒龍蝦湯望落去賣上都冇咩特別，好正常既一碗湯~但味道卻。。。不錯wor飲到好香龍蝦味，喊喊地仲有2粒龍蝦肉紅酒小妹點左來自意大利既Danzante Merlot，因為鐘意佢單寧含量比較低，果味香濃，口感都柔順易飲~同埋重點係。。得呢隻House Red Wine🤣，不過本人又真係鐘意飲Merlot既Perfect Match牛扒(紅肉)加紅酒M5和牛西冷扒，小妹就揀左7成熟，因為小妹食唔到太生~個賣相好吸引，未食都已經聞到牛扒香煮得剛好，冇血水，牛肉肉質比較嫩同鬆化，好juice淋埋燒汁食，無得彈~真係一分

將軍澳人山人海，要在週末找餐廳並不是一件易事！我們今天訂了六點入座，幸好沒有太多人這餐廳佔地廣闊，是比較新穎的裝修而且環境及座位也非常舒適餐牌上有各式各樣的小食、沙律、主菜、意粉pizza及甜品等，選擇困難症的我又出現了！香蒜辣椒白酒煮大蜆上菜時，白酒味香味撲鼻，再加上這是真的「大」蜆，非常有肉地！每一隻蜆也帶有白酒的微香，辣椒及香蒜味適中，再配上這淡淡鮮味的肉蜆，令人吃不停口！十分推介！甜蕃薯條配香辣沙律醬上菜時被它的份量嚇呆了！沒想到是這麼的多！兩個女子又怎能吃完喜歡這個甜蕃薯的口感，被炸得外脆內軟，而且帶有淡淡的甜番薯味，比普通的薯條更多層次。沾上這個微辣的沙律醬，更能得出甜番薯的味道，就算不沾醬吃也十分不錯！M5和牛西冷牛扒重頭戲來了！這個份量也是頗多的！我們點了五成熟，並沒有花假，生熟度正好是五成！被煎過的西冷牛扒十分香口，牛扒的軟硬度適中，有口感之餘不會韌。再配上這個特製的醬汁，將西冷扒味道昇華。值得一提的是，它的配菜也有被悉心烤焗過，平時我不會吃配菜的，但這個我也吃了幾口龍蝦芝士通粉這是另一個我十分期待的菜式！喜歡吃芝士的我一定會點Mac & Cheese。這碟淨是賣相已

農曆七月十四日，鬼門關大開的日子，我就同一班嘩鬼朋友去了將軍澳中心的鬼佬餐廳食西餐。餐廳在商場內比較開揚，主要以薄餅及意粉為主，還有多款小吃等，價錢不貴，多以百多元起。經典肉醬芝士釀茄子茄子表面舖滿了肉醬及芝士，茄子焗得夠腍，而且肉醬豐富又不會過稀及過酸。挪威煙三文魚煙三文魚有六片，有淡淡的煙薰及咸香味，加上酸豆咸酸味，更能帶出鮮味。Carnivore 有辣肉腸、意大利辣腸、火腿、墨西哥辣椒配燒烤醬，薄餅餅底既薄且脆，感覺似餅乾底，餡料帶點辣味，十分惹味，適中喜啖啖肉的朋友。M5和牛西冷牛扒牛扒比我手掌還要大塊，表面有些網燒痕跡，燒至表面有焦香，因為點了七成熟，切開裏面還帶點粉色，有濃郁的牛肉味，而且肉汁豐富，肥膏不多，啖啖肉且夠嫩腍，旁邊還配上些燒過的瓜菜。HK Beer Sevens Stout 麥味比較重而且有點似黑啤，比較苦。

今晚和家人在家附近吃晚飯，The Point裝潢簡潔大方。燈光微暗，空間夠大，有露天和室內用餐場地， 環境舒適。翻開餐牌，選擇多元化，除了餐湯、沙律、前菜，還有義大利麵、披薩、小食、甜品等。⭐️香濃野菌湯$58入口香滑順滑，野菌味很突出。⭐️海鮮意大利脆米湯飯$218湯飯上面撒了脆米，有大蝦、魷魚、蜆、三文魚和青口等海鮮。嚐一口，湯頭有清甜的鮮味，米飯軟硬適中，很合我口味，不過如果脆米能夠烘得酥脆一些，口感更佳。⭐️M5和牛西冷牛扒$318澳洲和牛的級別很廣，由M1至M9，甚至M12也有，所以M5和牛只屬於普通的牛肉，不過家人執意要點，我也沒有說明。這個價錢吃到這麼大塊的和牛，實在有點受寵若驚。底面微微一煎，裡面肉依然呈粉嫩色，入口口感有嚼感，是肉質不夠嫩的關係。⭐️烤香蕉、棉花糖、杏仁片、朱古力醬、雲呢拿雪糕$72餅底烤得香脆，上面鋪了棉花糖、杏仁片、朱古力和雪糕，入口既有餅底的香脆，又有朱古力和棉花糖的軟甜，香蕉和杏仁片增加了口感，整體香甜可口。

今日入左將軍澳，做完野肚餓就搵左間餐廳今飯，時間尚早冇乜人，餐廳環境唔錯，都好多張枱。餐廳主要供應pizza&pasta,當然亦有肉食主菜啦。前菜叫左個軟殻蟹沙律，新鮮軟殻蟹即叫即炸，上碟熱辣辣，冷熱交替口感好特別好正👍🏻溫泉蛋再有d 熟左嘅黃蕉紅蕉，又林又多汁，都幾好食。之就就到肉丸，見佢係人氣菜式所以試下，又幾好味。蕃茄肉醬有少少辣味，配埋麵包點黎食，好開胃，肉丸水準唔錯，份量亦唔少，都幾抵食。Pasta叫左個truffle carbonara,我至愛，做得夠creamy,truffle 味香濃，加左好多新鮮蘑菇，又有味道又有口感，不錯不錯👍🏻最後點少得肉呀，當要叫個m5和牛西冷牛啦。份量超級大份，牛扒亦都好厚好juicy.一開始我地叫左medium rare,但出到黎發覺好似真係rare左少少，個staff見我地hesitat左陣，主動問我地洗唔洗要熟少少，可幫我地整番熟少少，咁我地話要medium,真係好nice,加熱之後牛扒生熟岩岩好，又林又香又多汁，要多謝個staff咁細心同主動👍🏻整體呢間西餐都幾高質，價錢合理份量亦都大份，見到好多一家大細，幾個family番gather

寫食評記錄和分享，已經成為自己生活的習慣，亦非常喜歡Openrice 這平台，無論為自己留下生活日誌或分享用餐體驗，這個平台確實非常方便今次呢個用餐體驗係將軍澳的「The Point」，記得自己之前去過尖沙咀的分店，當時已經特別喜歡他們與別不同的Pizza🍕和意粉🍝，所以今天家姐相約我在將軍奧中心見面時就決定要試下呢間分店門面裝修好有特式，特別是在Corner 位類似書櫃的設計，細看之下原來是一系列的調味品或酒類，非常型格細節位特別多，甚具意大利風情，座位設計給予客人自由的感覺，有戶內，半開放與商場相連的座位，悠閑寫意未正式講食物之前，首先要讚下佢地嘅服務人員，因為眼見成晚座無虛席，每位員工都很用心招呼所有客人，換碟、加水⋯⋯（我們又溫水又凍水）等等，特別是我們Order時，女店長詳細地向我們介紹及建議菜式，感覺很親切，食物未到已經留有一個很好的印象首先試的Cross over Pizza 🍕～「軟殼蟹🦀Pizza」，除了軟殼蟹之外，還有烤肉、烤甜椒、菠蘿🍍莎莎，材料豐富食Pizza🍕當然要趁熱食，烤甜椒除左令賣相更加吸引之外，甜甜的又帶點Juice嘅口感，感覺好清新，再加上芝士的香味

今晚覓食之旅來到將軍澳。The Point裝潢新穎，餐廳為半開放式，環境舒適，職員態度友善。菜式種類多，今次被《潮食和洋滋味》系列吸引住。 柚子味噌、烤南瓜、茄子、藜麥、羽衣甘藍沙律 $88烤南瓜甜甜地，仲有紫色和黃色的茄子。羽衣甘藍十分爽脆，藜麥和杏仁片增加沙律的口感，美味又健康。 明太子香煎帶子扁意粉 $158帶子外層煎得十分香口，明太子、櫻花蝦、木魚片包著每條扁意粉，香氣十足。明太子為整個意粉帶來海鮮咸香味。 Crossover Pizza- Lobster (原隻龍蝦、茴香頭、車厘茄、水牛芝士、海鮮汁) $298 因為原隻龍蝦殼與Pizza一齊焗，所以一上枱已經聞到好香的龍蝦味。龍蝦肉切粒鋪在披薩面，配料十足，味道豐富。餅底柔軟，餅邊香脆。千萬不要漏咗龍蝦頭和龍蝦殼，因為入面有驚喜，裡面是釀滿吸收龍蝦精華的菇和蝦肉。 M5和牛西冷牛扒$318牛扒不遜於披薩和意粉。五成熟啱啱好，肉味濃郁，擺盤十分吸引。可惜今次塊牛扒筋位較多。 Brownie in a pan $68Brownie外層香脆，濃濃的朱古力味，除咗配雲呢拿雪糕，仲可以伴焦糖香蕉都好好味。 Tiramis

好少過黎將軍澳，耐冇黎發覺可以同朋友/情侶過黎行下街，都有好幾個商場，又唔嘈，而且都幾多餐廳，最後比呢間吸引左，再上網睇下有咩推介，最最最吸引我既一定係原隻龍蝦PIZZA！所以就入去！餐廳分左2邊餐牌黑松露芝士蛋黃醬薯條     $74用鐵板裝住，不過唔係SIZZLING咁上。有少少失望，因為唔係熱上，似係預先整好咁，芝士已經凝固左，唔係好拉到絲，薯條偏咸，帶少許黑松露味，但會愈食愈想食原隻龍蝦、茴香頭、車厘茄、水牛芝士、海鮮汁披薩     $298成隻龍蝦放係PIZZA上面！係薄底，龍蝦都有少少醃過，彈牙，同PIZZA幾夾，唔會覺得乾，如果海鮮汁再多啲就更完美！M5和牛西冷牛扒     $318好耐冇食過牛扒，期待！揀左5成熟，上枱見到塊扒好厚身而且都大塊，帶少許筋，肥膏唔多，但唔會只得瘦肉，口感都算JUICY，煎得唔乾，肉質嫰滑冇渣好滿足！同朋友兩個捧住肚走，當然食西餐價錢就比較貴少少，但做野咁辛苦，有時要對自己好啲既！

呢間餐廳門外有三張檯...屬於商場位置....所以可帶狗狗🤗🍴辣茄醬火雞肉丸...微辣味道剛剛好🍴棒棒雞翼配蜜糖燒烤醬...🍴凱薩沙律配意大利風乾火腿🍴挪威煙三文魚🍴M5和牛西冷牛扒...🍴煙三文魚pizza.....pizza用香草忌廉芝士醬...鋪上煙三文魚&三文魚子...再加上一隻溫泉蛋...蛋汁流上pizza上好好味🤤🤤🍴露筍野菌黑松露carbonara 意粉.....truffle cream 味道濃郁🤤🍴原隻龍蝦扁意粉...龍蝦拆肉配上車厘茄&伏特加忌廉汁....🍴香蕉雪糕pizza...