影片
更多
2017-04-20
1142 瀏覽
我由中學時代食到而家投身社會，每次帶朋友黎完，佢地都會話真係好食，會再回顧。雖然只係位於政府街市上一個不太顯眼，沒有特別裝潢的舖位，但食物質素令好多人都識。今次係朋友提議想食印度咖哩作為佢生日飯。我地兩個人食兩點左右嘅午餐（已冇lunch set）,叫左春卷，芝士naan,牛吞咖哩，一杯mango lassi同lame soda，隨餐附送pepper薄餐兩塊。春卷，俾朋友讚到不絕。😂原因係炸得剛好，咬落咔嚓一聲，好脆，而且唔油！最怕就係食到成手成口油，但呢個絕對唔會。醬料係普通甜酸醬，好夾好味。牛舌咖哩，大大舊牛舌，入味，咖哩我選擇小辣，所以食落口依然食得出咖哩香味，入面啲香料。我對咖哩好執著，個人喜愛印度呢種多過日本甜咖哩。另外要提提嘅係，咖哩可以選擇幾辣，根據你自己口味，雖然餐牌有中文，方便叫餐 ，但若然有其他要求，都最好講幾隻英文字，員工都只懂印度話同英文。🤔咖哩份量都唔算細，睇落以為少，但食埋naan就會好飽肚。建議第一次食少量試下。咖哩除左牛，仲有雞，魚，羊，所以就算有啲唔食嘅食物，都總有一樣啱你。Cheese naan,好食到暈😋😋我冇誇張，芝士份量多到芝心批咁，拉開仲會連
今次係朋友提議想食印度咖哩作為佢生日飯。我地兩個人食兩點左右嘅午餐（已冇lunch set）,叫左春卷，芝士naan,牛吞咖哩，一杯mango lassi同lame soda，隨餐附送pepper薄餐兩塊。
春卷，俾朋友讚到不絕。😂原因係炸得剛好，咬落咔嚓一聲，好脆，而且唔油！最怕就係食到成手成口油，但呢個絕對唔會。醬料係普通甜酸醬，好夾好味。
牛舌咖哩，大大舊牛舌，入味，咖哩我選擇小辣，所以食落口依然食得出咖哩香味，入面啲香料。我對咖哩好執著，個人喜愛印度呢種多過日本甜咖哩。另外要提提嘅係，咖哩可以選擇幾辣，根據你自己口味，雖然餐牌有中文，方便叫餐 ，但若然有其他要求，都最好講幾隻英文字，員工都只懂印度話同英文。🤔
咖哩份量都唔算細，睇落以為少，但食埋naan就會好飽肚。建議第一次食少量試下。咖哩除左牛，仲有雞，魚，羊，所以就算有啲唔食嘅食物，都總有一樣啱你。
Cheese naan,好食到暈😋😋我冇誇張，芝士份量多到芝心批咁，拉開仲會連住絲（我冇影相），一定要推薦大家去試下呢個。我唔肯定其他印度菜舖頭有冇呢樣，但呢間值得試，唔會失望。
pepper味薄餐，佢好脆好香胡椒味，可惜醬汁我唔太慣個種鹹辣味，青色嘅醬，但唔似青咖哩。整體唔錯
飲品就調得剛好，唔會太甜，lime soda比出面重梳打味，mango lassi比外面其他舖淡。飲完食完都唔會好膩。
服務質素唔算差，員工好有禮貌招呼你，走個陣亦會講再見。
環境由於係政府街市上面，唔可以話好乾淨，但唔係對正洗手間位，大致上還可接受。
有樣可以提下未試過嘅朋友仔，佢lunch出左lunch set,依稀記得四十幾蚊至五十幾蚊，咖哩包埋一碟普通naan,好抵食。如果怕未必適合自己口味，可以平平地試下先。
位置唔難搵，我記得係跑台山地鐵一出，行5至10分鐘就到。雖然位於電氣道街市，但跑台山出最近。有個可以搭去圖書館或熟食市lift,好方便。
想食有保証食物，不妨試下呢間。鍾意食咖哩嘅一定一試難忘。公眾假期冇另外收費，人唔算多，但12點左右就會好多人食。
是次消費共222蚊，中價唔算平。
牛舌咖哩與Cheese naan
29 瀏覽
0 讚好
0 留言
spring roll春卷
35 瀏覽
0 讚好
0 留言
lime soda
19 瀏覽
0 讚好
0 留言
mango lassi
35 瀏覽
0 讚好
0 留言
送嘅pepper 薄餐
32 瀏覽
0 讚好
0 留言
張貼
