ROYAL INN

營業中

休息中

餐廳：Royal INN地點：尖沙咀The ONE菜式：法國菜餐牌：Express午市餐牌有5款主菜揀，價錢由$98至$118不等，另加一。加$18就包田園沙律或者是日餐湯2選1同$28或以下飲品，可加錢叫甜品。田園沙律 田園沙律大大碗，係沙律雜菜底，加上青瓜片同少少車厘茄，簡單加上橄欖油調味，已經好夠味。香煎慢煮雞胸香草醬手工扁意粉 $108 另加一香煎慢煮雞胸香草醬手工扁意粉賣相不俗，扁意粉滿是綠色香草醬汁，面頭係四片有烤印雞胸，加上芝士粉，意粉撈有多色車厘茄。雞胸食落帶微微烤燶味，好香，而肉質好嫩又啖啖肉，加埋熱熔芝士好邪惡。意粉味道都唔錯。燒美國豬肉眼扒 $118 另加一燒美國豬肉眼扒好大塊，面頭有明顯烤印，食落多汁啖啖肉，淋上燒汁已經好夠味。下底有烤番茄兩件、鬼佬西蘭花兩大條同烤薯仔，蔬菜新鮮夠味。餐飲包$28或以下飲品，可半價升級餐飲。兩杯smoothie都大大杯。Avocado Smoothie 加$29 另加一Avocado Smoothie好滑，飲到牛油果肉，面頭係大量忌廉，加有開心果碎同薄荷葉，味道唔會太甜。Mixedberry Smoothie 加$29 另加一M

鬧市中法式料理餐廳，餐廳以法式花店佈置，配上凱旋門及古典水晶燈，襯托出濃厚法式氣氛🇫🇷蟹肉忌廉汁扁意粉 🦀🍝 $168蟹肉配上新鮮蘆筍，搭配意大利芝士之王帕馬森芝士，風味濃厚，忌廉汁濃稠度適中 , 擺盤精美，令人食指大動😋😋回味無窮。Mixedberry smoothie $52一向喜歡莓類飲品，飲品一上台，忍唔住嘩一聲😜少女心爆發。粉紅色，配上白雪雪的cream，手機食先🤭好飲，打卡一絶😋😋鬧市中寧靜一角，不錯，值得一試。

餐廳：Royal INN地點：尖沙咀The ONE菜式：法國菜餐牌：午市餐牌有7款主菜揀，價錢由$128至$228不等，另加一。包前菜4選1同$28或以下飲品，可加錢叫甜品。泰式牛肉沙律 跟餐泰式牛肉沙律都幾大碗，係沙律雜菜底，加洋蔥絲，青瓜條同少少三色車厘茄，加上大量花生米，同芫荽，伴有檸檬一件。面頭三片嫩牛肉，口感味道都唔錯。個汁酸酸辣辣，好有泰式風味。法式龍蝦濃湯 跟餐加$38 另加一法式龍蝦濃湯色水呈橙色，面頭加上少少忌廉同蔥花，味道帶濃濃龍蝦味，夠熱。跟一片脆口多士，冇特別搽野，可以點湯食。脆炸荷蘭薄片牛仔柳配薯條沙律 $168 另加一呢份主菜超大份。脆炸荷蘭薄片牛仔柳兩大片，炸得皮脆肉嫩，絕對係吉列牛嘅口感，面頭灑上香草，伴有蛋黃醬令口感更滑溜。配烤檸檬半個。仲有冇加醬汁嘅雜菜沙律配車厘茄。粗身薯條超多，炸得香脆，叫左走鹽都做到。食完超級飽肚！燒安格斯西冷扒8安士 $208 另加一燒安格斯西冷扒已經切開左7大件，方便食用。我叫左8成熟，中間係粉嫩，得少少血水，我覺得稍稍比預期生左啲，切開一細口都好易咬開。一邊連筋位，咬落都好有嚼勁。牛味唔錯，味道貼近原味，點少少燒汁就夠哂味

有排都無得去歐洲旅行，今日午餐就黎左Royal INN頂頂癮先。Royal INN裝修非常之有法國特色，有一道大大巴黎凱旋門，而且仲放滿鮮花。裝修一流，環境氣氛唔錯。餐牌當然係法國菜式，午市餐牌有3道菜同4道菜選擇，分別係一道前菜定兩道前菜，價錢係$138同$158，另加一，都好抵食。包前菜，主菜同飲品或者是日甜品。呢度都有酒飲。前菜6選1，當中有3道要加錢。炭燒八爪魚路易斯沙律 跟餐加$28 另加一炭燒八爪魚真係炭燒，係脆皮架，一共有3件一口size，口感出色！伴有沙律雜菜，鮮牛油果，紅同橙車厘茄，洋蔥片同烚雞蛋兩片，沙律醬夠味，成個沙律味道清新之餘都好味。法式龍蝦濃湯 跟餐加$28 另加一法式龍蝦濃湯色水呈橙色，面頭加上少少忌廉同蔥花，味道帶淡淡龍蝦味。跟一片脆口多士，冇特別搽野，可以點湯食。主菜7選1，當中有4道要加錢。炭燒野雞仔 跟餐加$48 另加一炭燒野雞仔賣相好靚，半隻炭燒野雞放喺新薯6件，車厘茄連枝4粒，同蘆荀4條上面，外圍加有青色同啡色醬汁。雞皮少少脆，面頭個汁係甜甜哋，肉質都唔錯，連鷄胸都唔會太韌，感覺健康。蘆荀超嫩。車厘茄都好甜。新薯外脆內軟。燒安格斯西冷扒 跟餐加