La Serre

營業中

休息中

週末嚟咗觀塘海濱公園行吓 見到呢間落地大玻璃嘅餐廳 就想坐低休息吓😎 嘆返杯咖啡 過一個輕鬆嘅週末招牌早餐呢個all day breakfast有大啡菇 煙肉 香腸 金門火腿 炒蛋 豬柳漢堡 薯餅同沙律菜🥗 見到隻碟咁豐富真係好開心 特別鍾意佢嘅金門火腿非常厚 仲要口感唔會好硬 味道唔會太鹹 非常滿足🥓 金門火腿 芝士丹麥多士配煎蛋丹麥多士好鬆脆 味道甜甜地 配埋上面嘅金門火腿 芝士同少少流心嘅太陽蛋 真係好夾呀🥪 我諗淨係個芝士同流心蛋已經同個多士已經會好正 加埋上面有提及嘅金門火腿就更加吸引🐷 食埋旁邊嘅沙律真係好飽肚摩卡咖啡咖啡面有拉花幾有心思 不過朱古力味重 所以味道偏甜左少少☕️泡沫咖啡好香濃嘅咖啡味 面頭有朱古力粉 所以既有咖啡嘅苦 又有少少甜平衡返😗喺呢度食個brunch都真係幾chill 見到有其他人帶埋寵物嚟食 都一樣好relax呀😉

週六相約好友過來嘆下，餐廳位於海濱長廊旁，設有戶外座位。天氣涼時，嗅嗅海吹風，對住個海，食個早餐，想起都覺得正。在場也見不少食客帶埋愛犬坐戶外，一起共渡假日時光。見當日仲有折扣優惠。而室內位置有冷氣聽住音樂望住海，都可以享受優閒半日。 La Serre Breakfast招牌早餐 $148All day breakfast 超豐富，充滿幸福感，有大啡茹、煙肉、香腸、金門火腿、炒蛋、沙律菜、蔬菜薯餅、豬柳、大蕃茄，份量多到可以慢慢嘆足3小時，不少食客都點呢款，難怪是招牌早餐。Gammon Ham & Cheese Pan-Cake w/Fried Egg金門火腿芝士班戟配煎蛋 $108班戟同芝士夾住厚厚的金門火腿，面層再加隻太陽蛋，未食都已夠睇頭，有不少沙律菜伴碟，可一解火腿咸味及油膩感。 水果茶（凍） $42清涼凍飲，甜度適中，熱情果味道。Mocha（凍）$48味道香濃又不會過於咖啡苦澀味。

位於觀塘海濱長廊中間位置嘅一間餐廳，假期前夕嚟到，都幾爆場，算係近住海邊，happy hour就最啱！晚餐有三個courses，沙律或湯丶海鮮飯或牛扒丶是日甜品，仲有咖啡或茶$388煙三文魚牛油果沙律開胃前菜西班牙海鮮飯（西班牙紅蝦，蜆丶八爪魚丶魚）海鮮飯上鋪滿海鮮，除咗Menu上面所講嗰三款之外，另外仲有青口同埋帆立貝，望落去都好豐富；其中西班牙紅蝦特別鮮味，啲飯調味好好，軟硬度適中。焗紅綢魚柳配香茅椰子汁 $188紅綢魚柳質感比較厚實，配有香茅椰子汁，同埋薯蓉Cappuccino Mousse Cake (跟餐）眼見有4層元素，鬆嘅脆朱古力餅底丶濃滑朱古力慕絲丶軟滑芝士慕絲丶提升朱古力味嘅可可粉，估唔到幾好味！Iced Mocha $48咖啡底本身好味，朱古力漿份量啱啱好，唔會過多或過甜凍水果茶 $42

今日去左海濱公園影家庭照 之後近近地搵間餐廳食下 我地4大2細 第一次試呢間餐廳 Order左迷你素漢堡、雞扒、卡邦尼意粉&all day breakfast 仲有杯mocha迷你素漢堡 估唔到又幾好味喎！細細個 好岩我小朋友食 個素漢堡 食唔出係素 而且真係做得幾好炸雞扒 好香口 外脆內軟 少少辣辣地 好好味！卡邦尼意粉 & all day breakfast 不過不失！Mocha我個人覺得麻麻地🤭個味同平時飲開既mocha好唔同。。