Igloo Dessert Bar (已結業)

點了一個unicorn 味的mochi snowball，unicorn 即是士多啤梨加雲呢拿gelato，再混雜了一些chocolate sprinkles。店員接到order立即把雪糕包入mochi，所以mochi 皮是接近室溫的，雪糕就如其他食評所講不夠凍，雖然不會吃得牙齒酸軟又頭痛😂，但是低層近紙兜的雪糕已開始溶化(可能因為手掌的溫度）。如果沒有紙兜，相信會食得有點狼狽。不過整個mochi的size 都比我預期的大，mochi皮幾煙韌，上層未溶的雪糕甜道適中，unicorn味好吃，fancy的顏色打卡應該不錯。雪糕下面的一塊oreo，假如淋少少，會跟整個mochi snowball 的口感較配合。

掙扎了很久，到底去碼頭吃糯米糍，還是去辻利朝聖。最後腦海中的白雪雪，軟綿綿的幻想戰勝，腳步朝著碼頭方向走去。除了常見的杯和筒，Igloo有糯米糍和曲奇碗。選好雪糕後，看著店員即叫即包糯米糍。一塊皮，一大球雪糕，還有一塊oreo。很薄的皮超軟熟，同時煙韌。碰到唇邊和咬下去，口感叫人心動。可惜，選錯了雪糕。完全沒有好立克味，所謂的麥提莎也只是雪糕裡的一點點朱古力碎。這個皮實在不得不讚，或者可以試試其他味。

呢間雪糕店喺中環碼頭，前排睇雜誌介紹，影到鬼火咁靚咁吸引，所以去左試試。佢地嘅雪糕分gelato同soft serve兩種，味道選擇唔算話超多，不過會有啲限定口味。而且除左一般嘅杯裝、窩夫甜筒裝🍦仲有曲奇杯 杯子蛋糕裝🍪自由選擇。Mochi Snowball（雲呢拿）$38比較特別嘅係可以先揀左雪糕嘅口味，再由店員即叫即做。雪米糍底部會放一塊oreo，再加上雪糕，最後用糯米皮包好。味道方面我揀左藍色雲呢拿，適合相機食先嘅顏色。店員話係用天然色素，食落會稍甜，因為手工雪糕一般冇乜添加劑，所以一眨眼就開始溶！而且：糯米皮本身比較薄，雪糕溶到又濕又腍，不消幾秒，塊皮已經穿左，成件事係好狼狽！最後就雪糕還雪糕食，oreo又還oreo食，最後淨番塊皮…我嘗試放入口咬左一下，口感好核突，所以吐左另外仲點左兩球雪糕：橙味 X 好立克 $44單以雪糕而言，係幾好味幾香滑。好立克味唔會好甜，淡淡奶香；橙味都不錯吃Mochi唔算中伏嘅，因為唔難食，不過寧願食普通雪糕襯下甜筒裝或者曲奇杯裝會食得開心啲。同埋一提，店員服務好好，好詳細介紹！