雪月花 (裝修中)

呢間餐廳個名好靚好有詩情畫意嘅感覺， 而入到店內，有如置身於日本京都一樣，近住門口擺放咗一啲日式打扮嘅貓貓擺設，場內亦設有榻榻米地台同風窗櫺，充滿日式情調。聽講AK同佢哥哥一齊開呢間餐廳，不過吸引到我嚟嘅反而係佢非常可愛嘅甜品賣相，叫完之後完全唔捨得食呀！ꉂꉂ(ˊᗜˋ*)ʬʬ✎ 抹茶貓貓卷蛋 比起其他cafe，佢嘅卷蛋非常厚身同鬆軟，卷蛋表面散發出淡淡抹茶味，而入面勁多而且濃郁抹茶cream，鍾意食抹茶相信會幾滿意佢個抹茶份量！入面仲加咗麻糬，整體口感鬆軟得黎又有咬口，層次豐富，抹茶味突岀，賣相可愛～✎ NEKO芝麻刨冰 好大碗刨冰，刨冰入口非常綿滑，口腔充滿濃郁嘅芝麻味。唔好以為食冰咁單調，入面藏有唔少驚喜，例如日本蕨餅、朱古力芝麻脆脆同豆腐味雪糕，軟硬質感都可以試齊！而刨冰表面更擺放咗甜味十足嘅朱古力塊，再配埋佢地提供嘅煉奶，簡直甜入心！( ˶ˊᵕˋ)੭♡ 

期待已久嘅貓主題甜品店，終於登陸大角咀，當然要尼試試。可能因為晚飯時段，唔洗排隊可以直接之座，入面裝修好有日式feel，我地揀左塌塌米位置就座。睇過menu後，好多野都想叫，因為啲食物都好靚，奈何肚仔裝唔晒，唯有叫住幾款人氣食品同飲品先啦。