泰小子 (已結業)

難得嚟到屯門當然要試吓啲街頭小食啦！今次買咗個人氣number 1嘅煎餅小店😆呢度除咗有最傳統嘅香蕉味之外連芋泥、麻薯、紫薯嘅創新口味都有！另外亦都有特別飲品、甜品各樣選擇～ 🍫 Nutella 榛子醬香蕉煎餅 $35可能唔係即刻食所以有啲𣺉咗😭餅皮做得好薄身，一個人食都唔會覺得好膩表面有榛子醬同埋煉奶，但味道唔係好夠🙈中間夾咗香蕉蓉，要慢慢咬先至食到香蕉味不過不失，冇得去旅行唯有食住煎餅止止癮啦⭐️ CP值：🐘🐘.5⭐️ 打卡able：🐘🐘🐘.5⭐️ 舒適度：N/A⭐️ 再食指數：🐘🐘.5（5 星為滿分）

之前一直bookmark咗屯門置樂呢一間泰式香蕉煎餅🤤之前去親泰國夜市見到都會必食去唔到泰國去住泰小子止癮😂😂揀咗Nutella榛子醬香蕉煎餅🥞+飲品（因為朱古力醬配香蕉永遠都係絕配😂）本身諗住飲泰式奶茶，不過經過服務員哥哥介紹佢哋嘅芒果同埋西瓜沙冰嘅生果都係揀每日最新鮮嘅即製❤️而且只會加好少糖 盡量保留返原有生果嘅甜味所以之後揀咗芒果沙冰😋等咗大概5分鐘左右佢哋好有禮貌咁先俾咗杯芒果沙冰我哋飲住等，因為個榛子香蕉煎餅係即叫即整，個芒果沙冰絕對有驚喜😍飲落真係好有新鮮芒果嘅味道😋呢種味道完全令我諗起去東南亞旅行嘅感覺而且我本身好怕飲呢一類生果特飲會有好假嘅味道呢個完全冇，而且個甜度係我好喜歡的 等咗唔使10分鐘，Nutella 榛子醬香蕉煎餅到❤️急不及待放入口，熱辣辣同埋脆口❤️榛子朱古力醬加埋入邊嘅香蕉蓉餡料嘅份量同味道我覺得啱啱好！一啖一口好滿足加埋杯沙冰，覺得自己去咗泰國夜市一樣❤️雖然只係賣泰式煎餅同飲品嘅小店，但係食得出佢哋好有心機去整同埋有一股熱誠喺度🙂有時去食嘢，除咗食物味道好會覺得性價比高之外，其實員工嘅熱誠同埋禮貌往往都係額外加分嘅地方：）下次返嚟買埋泰式奶茶先😂🙂

講到泰國除左大家都好鍾意嘅冬蔭功之外香蕉煎餅呢個街頭小食亦都令我一試難忘🤪朋友知道我鐘意食特登send 左呢間新開嘅小食店俾我睇第一次去到晏左d竟然賣晒😭🥺 所以今次都特登早d去 一定要食到🤤.🌟Nutella 榛子醬香蕉煎餅 ($35)香蕉煎餅有成4層 真係估唔到泰式煎餅都咁有學問最頂果層係Nutella 加煉奶中間有兩層薄pancake包住香蕉蓉🍌煎餅側邊嗰幾塊特別香脆而底層就有啲鹹味 中和香蕉蓉嘅甜香脆可口 食晒成份都唔會覺得油膩.🌟泰式奶茶沙冰 ($26)奶茶質地比較厚身又夠滑🥤茶底亦都非常香最特別係呢個口味可以配沙冰 夏天行過飲杯沙冰透心涼🌬️