咖啡亭 (已結業)

餐廳雖然不是富麗堂皇, 亦不是走型格路線, 但樓底夠高, 環境舒適, 取食物不用排長龍, 兩口子拍拖是不錯的地方. 以呢個價錢黎講食物種類算好合理, 亦有不少合心水的食物, 尤其是我最愛的甜品部份, 有驚喜.刺身種類不多, 但新鮮, 鰻魚夀司好大塊鰻魚, 讚! 沙律選擇不多, 但質素不俗. Parma Ham presentation 好特別, 將切好一片片既風乾火腿鋪返上原隻火腿上面, 質素亦非常好. 不過Parma Ham 前面有兩款冷盤都是怪怪的, 一個係清酒八爪魚凍, 好咸. 另一個係溫泉蛋配中華海蜇, 配搭好 “騎呢”! 海鮮有蟹腳, 龍蝦仔, 大蝦, 青口, 翡翠螺, 同兩款生鮮生蠔, Tasmania and Scottish Rock, 以呢個價錢真係超低食, 生蠔仲係即開, 好鮮甜, 個開蠔師傅超nice, 好有禮貌. 個椰子煲雞湯好足料, 味道夠晒濃, 不過油左D. 鰻魚炒飯都唔錯, 上面鋪左好多大大塊既鰻魚. 餐廳做緊韓國promotion, 每檯都有一個石頭飯, 但係做得唔多正宗, 隻蛋太熟, D飯又太腍. 其他熱盤中規中距. 個甜品counter係餐廳門口出面

今日老細請食Buffet, 之前見某Blogger 簡直口水直流 因為太多野食, 總括地講下: 分為食得過/ 麻麻地/ 唔好味食得過 : 阿拉斯加大蟹腳 (註: 但有兩種不同味道混合, 有些完全係無味的) 煙三文魚, 輕燒Tuna, 各魚生 (除Tuna), 18 個月的Parma Ham (要配蜜瓜,因較咸)香燒銀雪魚, 蕃 茄 忌 廉 湯, 朱古力噴泉, 燕窩燉蛋白 (勁好味, KO 四杯) 軟心朱古力 (三粒), 三色雪糕 (香滑)麻麻地: 波波形壽司, 三文魚子配鮮蝦 (上放了一點金箔, 但蝦欠鮮味), 羊架等 唔好味: 炒飯, 綠茶 Macaron (超難食) 無食: 菲翠螺, 生蠔 (同事話: 但三款也新鮮), 生果壽司, 沙律, 燒牛肉, 所有日式串燒 (因為種類難分), 關東煮及三份一熱盤 , CHEESE, 生果 清酒提子啫喱, Tiramisu, 綠茶紅豆卷, 木糠布甸, 軟雪糕等 胃口有限, 所以貴精不貴多唔好睇我好似好多食物無食過, 其實有些食物幾好味, 所以番兜左幾次 $300 價錢都好抵食, 如食生蠔的食家, 更快回本 總結: 絕對推介番兜list

如果這裏的接線生服務真如之前食評所說的差，是有需要改善的，但餐廳內料理芝士和燒牛肉的廚師叔叔、料理生蠔的廚子哥哥都很會與客人談天，而且走廊狹窄僅容許一人身位，每當遇著捧餐的服務生，他們多數都會先讓你過自己才過，看得出管理層是有心整頓的，可能偶有漏網之魚，希望他們看過這裏的評論或者從多渠道 collect feedback，力臻完美！三款即開生蠔，法國、愛爾蘭和美國蠔，排得滿滿的，refill 沒有間斷，雖然生蠔們都很瘦，也稍欠蠔味，但卻非常新鮮啊！法國較有蠔味，愛爾蘭較清新，美國較鹹。蠔怪老公說生蠔雖小，300大元吃了打半新鮮生蠔和其他食材，物有所值！除了生蠔，蟹腳也是推介，大隻又鮮甜，唯一麻煩是沒有除殼要自己動手用剪刀去殼，除殼後全手都是汁，常要捏一把餐巾抹手，可見肉汁之多。另外，翡翠螺吃了幾隻也相當不錯，又是大隻又鮮甜。芝士也有四款，清臭咸淡任君嘗，以臭為首當然要選 stilton，廚子生怕客人受不了，說這件 blue stilton 是稀釋過的。 尤以 raclette 為首香推介，廚子用暖機的熱力迫融芝士至溶漿流到餅條上，幽幽的鹹香噗鼻，雖然肥膩，又欲一吃再吃，就是這種感覺。然

今日有朋友生日,佢鍾意食海鮮所以就揀咗呢間細酒店食, 幾平啊幾抵ar,一人都係$200多d,咁啱係尖咀我就上去望望先,6:30 pm到,點知full 咗啦,好在我有訂位咋嘩嘩d蟹好大隻,又有即開生蠔bar ,但老實講呢個bar 位置唔大....一坐下來發現d枱好細,可能近雪糕機有d嘈,但我地傾計嘅笑聲都好大聲講返嘢食,有阿拉斯加長蟹腳正啊...仲有d魚生,壽司啦,另外主菜方面我就choose 咗蟹肉春卷配日式三文魚及羊扒,SIZE 唔太大,但味道OK ,因為咁多海鮮SO主菜唔使太大,因為原來唔包咖啡同茶,我地叫咗2個$30 嘅Drinks package 任飲汽水同茶啡,都超抵,因為我個fd係可樂怪佢總共飲咗5罐.而我就勁食甜品北海道牛奶燕窩蛋白&北海道cream brulee有種什麼jelly 好難食,而雪糕就得1款太少啦,但呢度嘅服務幾好會有人問你食唔食燒芝士,雖然好肥......我都要咗少少.埋單時個waiter 話下一次帶返張單重有得平日$30喎,但下個月的推廣會有d唔同,但我太飽都冇留意佢講咩啦.

星期一放假同朋友去酒店食半自助午餐，餐廳唔大不過樓底高又坐得舒服，服務態度又好，食物方面幾好架! 可能係新酒店啦唔係太多人知，只有幾張枱有客，所以我要幫佢宣傳下先得，價錢唔算貴，Buffet 連主菜加一杯咖啡或茶係$138，唔要主菜就$98，由12點開始食到2點半 一去到見到巨型Pama Ham同buffet 枱有好多野食，已經比佢地吸引到啦! 所以我地都唔要主菜! 有日式既三文魚、海膽蝦、鰻魚同玉子壽司，我就最鍾意食三文魚同海膽蝦，因為好鮮味，沙律都有幾款，有薯仔、吞拿魚同意粉沙律，泰式既都有，不過已經唔記得叫咩名啦! 哈哈哈... 另外，仲有一d係自製既沙律，仲有冷麵、鮮蝦冷烏冬(蝦好爽好新鮮)，仲飲左一碗甘荀湯 (好味呀!)、煙三文魚、Raclette Cheese d cheese 我覺得好濃味，甜品就每樣都試小小，食左咖啡芝士蛋糕、荔枝慕絲蛋糕、椰子奶凍、麵包布甸同軟雪糕 仲有個煙三文魚芝士蛋糕，但我地唔敢試, 因為覺得個名有d怪用openrice coupon仲有85折tim，埋單$93一位都抵架! 下次都會再去!