咖啡亭 (已結業)

星期一放假同朋友去酒店食半自助午餐，餐廳唔大不過樓底高又坐得舒服，服務態度又好，食物方面幾好架! 可能係新酒店啦唔係太多人知，只有幾張枱有客，所以我要幫佢宣傳下先得，價錢唔算貴，Buffet 連主菜加一杯咖啡或茶係$138，唔要主菜就$98，由12點開始食到2點半 一去到見到巨型Pama Ham同buffet 枱有好多野食，已經比佢地吸引到啦! 所以我地都唔要主菜! 有日式既三文魚、海膽蝦、鰻魚同玉子壽司，我就最鍾意食三文魚同海膽蝦，因為好鮮味，沙律都有幾款，有薯仔、吞拿魚同意粉沙律，泰式既都有，不過已經唔記得叫咩名啦! 哈哈哈... 另外，仲有一d係自製既沙律，仲有冷麵、鮮蝦冷烏冬(蝦好爽好新鮮)，仲飲左一碗甘荀湯 (好味呀!)、煙三文魚、Raclette Cheese d cheese 我覺得好濃味，甜品就每樣都試小小，食左咖啡芝士蛋糕、荔枝慕絲蛋糕、椰子奶凍、麵包布甸同軟雪糕 仲有個煙三文魚芝士蛋糕，但我地唔敢試, 因為覺得個名有d怪用openrice coupon仲有85折tim，埋單$93一位都抵架! 下次都會再去!