影片
更多
2020-01-04
1666 瀏覽
本住支持小店既心態去，最後食到我心心眼😍呢間鋪響屋苑入面，所以預左位置唔多。7:30開門，但老板響7:40左右話要拎d野離開左一陣。好彩唔係趕時間，同埋本身都鍾意坐響路邊既店鋪，感覺有香港風味d。本身想試水牛城雞翼，但老板話驚d油有TG沈澱，話要過一排先敢整。於是我地叫左一個Parma Ham Pizza、New York Burger同埋芝士焗大啡菇。Pizza 餅底非常脆，脆得黎唔會有燶既苦味，仲有幾層口感！食Pizza真係揀薄底正好多! Pizza上面係類似醋既酸味醬汁，本身鍾意酸味，感覺同Parma Ham既鹹味都好夾到。漢堡配墨西哥脆片都幾特別，再加牛油果醬簡直一流。牛油果醬應該加左少少洋蔥，但唔太多，會有少少辣味，味道剛剛好漢堡夠脆，上下面都有碎黑芝麻，令芝麻香更平均散佈。入面既肉都非常juicy，一路食一路有汁溢出。醬汁同Pizza既醬都有d似，似係個個醬再mix多少少野，都係酸酸地，但冇咁酸，同個漢堡都夾。芝士大啡菇都好好食，不過貌相唔花巧，所以冇特別影相。大啡菇既汁鎖左響隻菇入面，比起平時食既更多汁。呢間鋪似係老板one man band經營，安排座位、落單、烹煮、收
呢間鋪響屋苑入面，所以預左位置唔多。7:30開門，但老板響7:40左右話要拎d野離開左一陣。好彩唔係趕時間，同埋本身都鍾意坐響路邊既店鋪，感覺有香港風味d。
本身想試水牛城雞翼，但老板話驚d油有TG沈澱，話要過一排先敢整。於是我地叫左一個Parma Ham Pizza、New York Burger同埋芝士焗大啡菇。
Parma Ham Pizza
148 瀏覽
0 讚好
0 留言
漢堡配墨西哥脆片都幾特別，再加牛油果醬簡直一流。牛油果醬應該加左少少洋蔥，但唔太多，會有少少辣味，味道剛剛好漢堡夠脆，上下面都有碎黑芝麻，令芝麻香更平均散佈。入面既肉都非常juicy，一路食一路有汁溢出。醬汁同Pizza既醬都有d似，似係個個醬再mix多少少野，都係酸酸地，但冇咁酸，同個漢堡都夾。芝士大啡菇都好好食，不過貌相唔花巧，所以冇特別影相。大啡菇既汁鎖左響隻菇入面，比起平時食既更多汁。
呢間鋪似係老板one man band經營，安排座位、落單、烹煮、收錢全部都一個人做哂。所以如果急既建議就唔好食呢間，如果係兩三個朋友坐低談下心既就不妨試下，環境都幾特別。
8:00打後開始多人等，就算係外賣既都等得耐。但見d人都好有耐性。所以都要撞下彩睇下有冇位坐，唔介意既自己拎佢地d凳坐下都得。
比錢既時候忍唔讚下老板好手勢，佢叫我多d黎幫下佢交租喎，一於咁話啦下！（個老板其實都幾得意）
可能始終響屋苑入面少人去，呢間響Openrice 既評分唔高，但其實係好值得去試下。
張貼
