FIKAFABRIKEN

營業中

休息中

平時甚少跟阿嫂食飯，咁岩今日我地都齊齊放假，一於相約食嗰lunch。她跟我都喜歡去咖啡店，所以今日就揀咗間環境舒適咖啡店。咖啡店以白色為主，內有大型嘅沙發座和木傢俱，簡約樸素，給大家舒適感覺。Brunch時間由11:00-14:30，有四個套餐選擇，每份主菜配一杯飲品，還可加錢upgrade 飲品，另亦有其他單點菜式。阿嫂點咗馬賽魚湯海鮮扁意粉配Earl Grey Tea ($148)，熱辣辣上枱，陣陣鮮香。扁意粉好有嚼勁，煮得岩岩好，口感佳；海鮮有多隻鮮味嘅青口和蜆，再加埋爆汁嘅車厘茄，整體酸咪咪又鮮味，好開胃。Earl Grey Tea($0/跟餐) 好香好濃，茶牌印上店子的logo，不知是否自家品牌?  我要咗份牛油果溏心蛋開放式吐司配Pistachio Latte ($118+$10, +$15)，賣相好得! 吐司皮香脆可口，包身軟熟，是穀麥吐司，口感豐富。牛油果非常香滑，配埋流心狀剛好嘅溏心蛋，鮮香美味，喜歡! 配菜有新鮮爽嫩嘅沙律菜和香滑薯蓉，夠晒飽肚。Pistachio Latte (+$15/升級飲品) 灑了跟枱上木馬相同的圖案，靚! 開心果味唔算好濃，但啖啖都飲到開心

講起瑞典菜，我淨係會諗到I記，估唔到原來西營盤都有一間主打瑞典風味嘅餐廳。前排去開西營盤，就決定同朋友試一試。Fika全日早餐，瑞典式嘅全日早餐當然唔少得有瑞典肉丸同薯蓉，薯蓉仲用咗有果肉嘅紅莓醬做調味，甜而不膩。烘多士外脆內軟，仲好香牛油味。仲有炒蛋、沙律、牛油果、同煙三文魚，健康又豐富。飲品我揀咗Pistachio latte，好香開心果味，未飲已經聞到，入口亦好香滑。馬賽魚湯海鮮扁意粉，有魷魚、蝦、蜆肉、蟹肉同埋蕃茄仔，海鮮湯非常高質，用咗咁多海鮮令湯嘅味道好鮮甜好濃郁，淡淡嘅蕃茄味又唔會太搶。扁意粉吸曬啲湯，再加埋黑椒同香草調味，非常惹味。熱朱古力，甜到適中，好啱我口味。

周末中午帶著毛孩吃早午餐是秋高氣爽的最佳節目，今次找到位於西營盤第1街的 Fikafabriken，配合獨特的門面設計，一看見只充滿北歐風情，難得更是寵物友善。Fika All Day $128兩個人點了兩份全日早餐配酥餅，分別配上寫在餐牌上的 Nutella Twist 及今日特製的 Cheese Croissant，前者的 Nutella 榛子醬偶而也會吃到，後者的芝士羊角麵包真是特別，多層次的酥皮內本已充滿芝士香，餡料卻是甜甜地的提子。早餐成份包括煙三文魚、肉丸配薯蓉、炒蛋、沙律及果占，北歐風格，洋溢新意。Black $38Pistachio Latte $58北歐咖啡香濃，我的開心果熱奶，拉花超可愛，仿似一隻熊仔拖着皮篋跑去旅行！味道可口。Pistachio Chocolate Cake $58Signature Apple Pie $48意猶未盡，蛋糕又靚又好食，味道不過甜，水果新鮮。見到工作房門前寫著 since 2013 及前台放著款式多樣的酥餅，有理由估計，此店老闆是做北歐酥餅起家的，有機會一定再來飲瑞典咖啡及吃餅。