FIKAFABRIKEN

營業中

休息中

講起瑞典菜，我淨係會諗到I記，估唔到原來西營盤都有一間主打瑞典風味嘅餐廳。前排去開西營盤，就決定同朋友試一試。Fika全日早餐，瑞典式嘅全日早餐當然唔少得有瑞典肉丸同薯蓉，薯蓉仲用咗有果肉嘅紅莓醬做調味，甜而不膩。烘多士外脆內軟，仲好香牛油味。仲有炒蛋、沙律、牛油果、同煙三文魚，健康又豐富。飲品我揀咗Pistachio latte，好香開心果味，未飲已經聞到，入口亦好香滑。馬賽魚湯海鮮扁意粉，有魷魚、蝦、蜆肉、蟹肉同埋蕃茄仔，海鮮湯非常高質，用咗咁多海鮮令湯嘅味道好鮮甜好濃郁，淡淡嘅蕃茄味又唔會太搶。扁意粉吸曬啲湯，再加埋黑椒同香草調味，非常惹味。熱朱古力，甜到適中，好啱我口味。