Owl's Choux

營業中

休息中

cap低呢間餐廳好耐，但總係遇唔岩開門時間。咁岩路過見到有位當然要入去。舖頭非常細，只有六個位。款式都唔多，只有四款雪糕泡芙同幾款忌廉泡芙。但朋友們，做得精，款式係唔使多架！超級超級好食啊！！！泡芙既鬆脆，加上海鹽焦糖既硬脆，有口感得黎又唔痴牙；焦糖甜得黎有少少鹽平衡返，加上伯爵茶雪糕，非常有層次。感覺好耐無食過咁令人印象深刻既甜品！問過店主，忍唔住買多個焦糖燉蛋泡芙隔日食。一樣好食到癲QQ雖然等得耐，但非常非常值得。而且兩位店主都非常禮貌同誠懇，會教每位客人點食個泡芙最好。尊重食物態度一百分！唔係打手，純粹被好味到感動到😭感覺以後只要行過尖沙咀都要去一次了🤣

第一次食呢到既puff😍想食好耐好耐架啦😍[❤️S'mores $58]呢個係期間限定既棉花糖朱古力味🍫朱古力味濃呀！初初以為會好甜啦 但又唔會咼😗[❤️Red velvet $58]紅色Puff夾住雲呢拿杏仁雪糕重痴左天鵝綁蛋糕 我食既幾個入面呢個係甜度最底果個❤️紅白色最靚仔係你❤️❤️[❤️Popcorn & Rocks $58]咖啡曲奇味gelato 濃呀😳👍🏻中間有海鹽焦糖醬再加埋又脆又甜既爆谷 又幾夾咼！老闆冇介紹錯😈[❤️Mango Tango $58]呢款特別在佢入面係雪葩黎架！橙色既Puff 夾住芒果味既雪葩好靚仔😍中間有d芒果醬 酸酸地 好開胃 夏天食 岩哂😌呢到既puff真係做得唔錯 脆脆的連個底果層食到尾都係脆架！幾好幾好🤔🤔

睇新假期介紹，所以黎食下係咪咁好食地點喺k11隔黎入面係bar枱櫈，唔多位店員好細心，問我地要唔要杯水菠蘿包唔算好大，但加上雪糕都幾飽2個人share食都夠popcorn & rocks既爆谷唔脆，有d苦咖啡味雪糕無乜特別所謂既流心就係中間有咖啡醬個包甜甜地，表面脆脆 red velvet 雲呢拿雪糕又係無咩特別中間有d士多啤梨醬，唔係好食到士多啤梨味 雪糕係自創Gelato Choux 意大利手工雪糕有gimmick但味道普通如果雪糕味道換成其他口味/sorbet可能會多d驚喜