Passion (利東街)

營業中

休息中

係灣仔食LUNCH好似去打扙，由12:30開始，周圍都咁多人，周圍都無位，本身唔係咁鐘意食西餐，揀無可揀情況下來到呢間。一入到去見到個食物BAR枱好吸引，SALAD好豐富好多，可能搵位搵到好攰又好肚餓，見到樣樣都想食。SALAD自選3款50幾蚊，其實真係唔貴。一定平過自己整。我地叫咗幾份三文魚意粉（@百幾蚊），PIZZA同埋磨菇芝士蛋omelette，全部都好味。唔係好鐘意食西餐既我，真係完全改觀了。堅好味＊埋單估唔到仲有老細請添，加分ING

晚上八點嚟到，人唔算多。餐廳有樓上冷氣座同樓下室外座，天氣炎熱，當然選擇樓上冷氣座。Pastry區設於樓下，而沙律pizza咖啡等則樓上樓下皆有，如果想樓上堂食可以直接上去點餐。八點左右夜夜哋，沙律區雖然款款都齊，但係大多都差唔多剩底少於一成嘅份量，如果想再夜啲嚟嘅朋友要考慮下。沙律有分大細，小弟要咗個大(400g)，可以揀四樣沙律。經幾番考慮，要咗三樣：Bounty of Eden (類似mixed salad咁)，Curry Chicken Pasta (Penne) 同 Californian Shell Pasta (Conchiglie)，後者類似白汁雞肉。大家唔好以為話得沙律就好健康低卡，有Pasta嘅沙律，其實好似食飯咁，好高卡路里。減肥者要注意。而放縱自己者，當然唔駛介意。佢呢度嘅Bounty of Eden亦都應該加咗唔少olive oil，食完會見到個碟勁油。味道方面，只有一個字可以形容：正！出乎意料之外地好食！汁夠香濃，意粉又有口感唔會太軟，裡面嘅雞肉亦十分入味。雖然做完運動食，食完個沙律已經飽咗大半。之後仲有個Quiche Lorraine！唔駛講，亦都係非常吸