影片
更多
2017-08-08
827 瀏覽
晚上八點嚟到，人唔算多。餐廳有樓上冷氣座同樓下室外座，天氣炎熱，當然選擇樓上冷氣座。Pastry區設於樓下，而沙律pizza咖啡等則樓上樓下皆有，如果想樓上堂食可以直接上去點餐。八點左右夜夜哋，沙律區雖然款款都齊，但係大多都差唔多剩底少於一成嘅份量，如果想再夜啲嚟嘅朋友要考慮下。沙律有分大細，小弟要咗個大(400g)，可以揀四樣沙律。經幾番考慮，要咗三樣：Bounty of Eden (類似mixed salad咁)，Curry Chicken Pasta (Penne) 同 Californian Shell Pasta (Conchiglie)，後者類似白汁雞肉。大家唔好以為話得沙律就好健康低卡，有Pasta嘅沙律，其實好似食飯咁，好高卡路里。減肥者要注意。而放縱自己者，當然唔駛介意。佢呢度嘅Bounty of Eden亦都應該加咗唔少olive oil，食完會見到個碟勁油。味道方面，只有一個字可以形容：正！出乎意料之外地好食！汁夠香濃，意粉又有口感唔會太軟，裡面嘅雞肉亦十分入味。雖然做完運動食，食完個沙律已經飽咗大半。之後仲有個Quiche Lorraine！唔駛講，亦都係非常吸
沙律有分大細，小弟要咗個大(400g)，可以揀四樣沙律。經幾番考慮，要咗三樣：Bounty of Eden (類似mixed salad咁)，Curry Chicken Pasta (Penne) 同 Californian Shell Pasta (Conchiglie)，後者類似白汁雞肉。
Salad
$68
53 瀏覽
0 讚好
0 留言
大家唔好以為話得沙律就好健康低卡，有Pasta嘅沙律，其實好似食飯咁，好高卡路里。減肥者要注意。而放縱自己者，當然唔駛介意。佢呢度嘅Bounty of Eden亦都應該加咗唔少olive oil，食完會見到個碟勁油。
味道方面，只有一個字可以形容：正！出乎意料之外地好食！汁夠香濃，意粉又有口感唔會太軟，裡面嘅雞肉亦十分入味。
雖然做完運動食，食完個沙律已經飽咗大半。之後仲有個Quiche Lorraine！
Quiche Lorraine
$37
55 瀏覽
0 讚好
0 留言
唔駛講，亦都係非常吸引。即使飽咗肚亦停唔到，轉個頭就食晒。非常有層次感。
結論：所謂「民以食為天」，用宗教嘅解法就係：普通人食好嘢果時就好似上咗天堂咁－－食好嘢令人嚮凡間都感覺到天堂有幾美好。身在當下嘅香港，唯有以食嘢去避一避世，上一上天堂，Passion by Gerard Dubois係其中一個天堂嘅入口。必然再嚟！
張貼
