Shahrazad Lebanese Dining Lounge & Bar

一直都好想試吓唔同嘅中東菜，今次嚟到有好多異國風情餐廳嘅中環試吓黎巴嫩菜。一入餐廳已經好有氣氛，裝潢、燈光同音樂都好有中東色彩。 Mix Cold Mezze有鷹嘴豆蓉，味道唔算太濃，有淡淡嘅香甜味；煙燻茄子蓉味道就重啲，煙燻木味濃郁；紅菜頭沙律都唔錯，冇紅菜頭嘅草青苦澀味，配水牛芝士好食。 Lebneh有自家製乳酪、蕃茄、酸椒，酸酸甜甜好開胃，加咗橄欖油增加香味。用naan蘸Lebneh、鷹嘴豆蓉同煙燻茄子蓉，好有中東風味。 Shrimp Matffie煎蝦仁跟橄欖油、檸檬汁及芫荽，蝦仁香口彈牙。 Samake Bil Tahini煎鱈魚柳配芝麻醬，魚柳好厚身，配芝麻醬濃郁唔膩口。 Kenbeh Bil Labban煎羊肉球加咗洋蔥同小麥碎，增加香味，羊肉經過醃製好濃味，加埋希臘乳酪酸酸哋，口感幼滑。

中東菜在香港甚為罕見，位於中環大館對面的Shahrazad Lebanese Dining Lounge & Bar主打少有的黎巴嫩傳統美食。內裡面積寬敞，擁有室內用餐區及半露天用餐區，裝潢特選華麗寶藍色、顏色鮮明圖紋、精緻雕花銅製燈具及圖案等作設計主調。選用大量手工製作全銅製燈鏤空雕花藝術優美燈具及窗花裝飾，散發出閃爍獨特金色光芒，結合中東賦予異域神秘色彩。就連洗手間都有五彩斑斕的馬賽克拼湊而成的巨型壁畫牆，異國風情在每個角落皆表露無遺。餐牌主打傳統地道的黎巴嫩中東美食，凍熱開胃菜及炭烤海鮮地道肉串等特色美食。地道食法會先食前菜Mezze，冷盤多數以醬類、沙律為主，熱食則以香口小食為主。Mix Cold Mezze $195Pita bread口袋餅是地中海料理的代表，與三種配料例如鷹嘴豆蓉、煙燻茄子蓉、紅菜頭沙律互相拼配，各種香料交織出的獨特風味徹底融合。將醒胃清爽的配料塞滿富有麥香的Pita Bread，餅皮口感酥軟中帶有嚼勁，層次感豐富。Lebneh $118自家製脫乳清乳酪混合蕃茄、酸瓜和橄欖油，高濃度的蛋白質含量，口感比起一般乳酪更為厚實。濃稠綿密的乳酪甜度低而水分少，酸味

講親想食中東菜 我都推薦朋友食呢間🤩今次已經係我第二次嚟食呢間黎巴嫩餐廳😊位於中環雲咸街 一上樓已經感受到濃厚嘅中東風味👳‍♂️整個餐廳都以馬賽克拼貼, 銅製藝術燈等製飾🕍寶藍色為主調嘅燈光帶一種華麗神秘感覺🦋晚上更有肚皮舞表演 令食客有一個沉浸式的用餐體驗💃✨️Mix Cold Mezze $195冷前菜點咗每次到中東餐廳都會食嘅烤餅🫓暖笠笠的烤餅 而且一啲都唔乾 超級軟熟☁️而配料有鷹咀豆蓉, 煙燻茄子蓉及紅菜頭沙律🫘鷹咀豆蓉同茄子蓉嘅香料味較溫和 令一般人容易接受😉但同樣keep到香料嘅香醇氣味 配上烤餅一齊食搭配😊✨️Lebneh $95Lebneh係一款中東乳酪 用greek yogurt再搾壓成脫乳清酸奶🥛比一般greek yogurt的質感更厚實一啲🤏Lebneh本身無咩甜味 配上蕃茄, 酸瓜同橄欖油調味🥒食落酸酸甜甜 十分開胃✨️Shrimp Matffie $128另外點咗一款熱前菜🔥原隻蝦肉以橄欖油同蒜蓉煎香🧄加入檸檬汁同少少芫荽提鮮🌿上菜時已經聞到香氣十足😋食落每粒都十分彈牙爽口 十分鮮甜🦐✨️Kebbeh Bel Labban $238Kebbeh用羊肉碎同小麥粉及洋蔥混合

朋友吹雞想大班人食飯同埋試呢間餐廳, 之前都食過同集團嘅印度餐廳都幾好, 今次一行十幾人就試試黎巴嫩版, 可惜分開2張矮枱唔方便交換, 如果可以安排大枱/長枱, 應該可以真係試哂佢地成個menu 😛Mix Cold Mezze - 包咗3款Cold Mezze Selections (Lebanese Hummus, Mutable, Muhammara), 店員仲提醒我地加多份Pita bread先夠分, 朋友們最喜歡Muhammara, 少少辣夠香口惹味Batata Harra - 香料炸薯, 穩陣之選Kibbeh - 羊肉混合香料炸成欖球狀, 外脆內香好食Falafel -  鷹嘴豆泥炸得比較乾同紮實, 大家都有D失望Shrimp Fatteh - 蝦肉爽口彈牙, 唯獨係份量太少Samake Bil Tahini - "中東芝麻洛神花醬"煎鱈魚, 出奇地好食多汁Lahma bil Fasolia - 青豆燉牛小排, 接近西式煮法, 最特別係跟咗碗長米飯, 而且入面係有麵條Freeket Mozzah - 原本想叫羊肩菜式但冇貨, 不過呢個羊腿都幾好, 非常軟稔又不失羊肉香同口感,