NINETYs (星光行) (已結業)

前幾日係尖沙咀誠品買書嘅時候見到有間CAFE環境唔錯又有位，就坐低試下～ 幸運地獲店員安排窗口位😙，品嚐美食同時又有維港海景睇真係一大享受呀😎P.S. 由於餐牌上無中文食物名稱，以下嘅中文名都係我地不專業強行翻譯XD，敬請體諒🙈-SIU WAN RICE (銷魂飯)🍛 - HKD 198.0第一眼見到西式cafe有咁貴燒味飯🍛仲以為自己睇錯呀XD，見到咁特別就忍唔住叫嚟試下啦~ 叉燒燒得幾入味😋，配上醬汁有甜而不膩嘅感覺，仲啖啖肉，配上兩粒溫泉蛋，蛋汁撈埋飯嚟食真係好開胃呀😆，雖然賣相同味道都幾好，但198呢個價錢嘅叉燒蛋飯性價比就低咗少少～-CRAB FAT MASHED POTATO BOWL (蟹膏薯蓉)🦀 - HKD 128.0食落去薯蓉出乎意外地好足蟹味🦀，配上炸蒜🧄有種又香又辣嘅味道，真係好開胃呀😍，本身見到小山咁高嘅薯蓉有啲擔心會太滯食唔晒，但我地食完一啖之後就無再擔心過，依個菜式真係出乎意料地好食👍🏻-SMOKED SALMON (煙三文魚)🐟 - HKD 30.0我地跟餐加30蚊叫多咗個煙三文魚🐟，食落一般，煙燻味較淡🙈-EARL GREY BAGEL(伯爵茶貝果)🥯

一家三口👨‍👩‍👧聖誕節🧑‍🎄🎄假期出街睇燈飾，睇完海港城聖誕🎄樹就搵食😋老婆介紹先知星光🌟行多咗NINETYs, 我食開灣仔嗰間，都大概知食咩。星光🌟行店喺誠品2/F入面，都有一半位空，職員🧑‍💼安排咗我地坐門口矮枱，QR code點餐，我睇完menu㨂咗SIU WAN RICE(大家估下係乜？🤔），老婆睇完menu就大嗌「乜咁貴既🤬」，我答「NINETYs係咁😅」之後佢揀咗個不知名既嘢，我問佢係乜，原來佢睇錯Day Menu（平過Night)，最後佢揀咗TERIYAKI CHICKEN 🐔 BURGER 🍔 。等咗20分鐘上我個SIU WAN RICE，其實係係銷魂飯，即叉燒蛋飯 🍚,叉燒係Rib，都好入味，但噒骨麻煩，個飯既溏心蛋正，應該都係日本🇯🇵蛋，個日本🇯🇵飯有汁好好食😋。再等多20分鐘先有TERIYAKI CHICKEN 🐔 BURGER 🍔，不過真係熱辣辣出煙，塊雞脾都滑，有皮好食😋，菠蘿🍍係新鮮，都甜，包皮係croissant bun,好食，不過羽衣甘藍🥬有醬我唔食，老婆又唔食羽衣甘藍🥬。餐廳🍴冇厠所，要走落3層去B1大快活個厠所。臨走先發現窗口位有海景同望到海港城聖