Goobne Chicken (M88) (已結業)

食炸雞食得多都實在太熱氣，Goobne打入左香港好耐，但一直未有機會黎食，分店都幾多，今次同另一半就揀左黎中環M88食，食完可以去睇中環海濱個燈飾。環境位於M88既5樓全層，M88其實都係一座美食大樓，幾多唔同種類菜式既餐廳，今日就去食Goobne，座位寬敞，坐得舒服。食雞唔少得有手套提供。Somersby Apple Rita $88前幾年都覺得入襯韓國餐廳枱面都要整杯呢啲倒插野飲影相呃下likes，果時實在太Hit，所以間間韓國餐廳都一定有咁制，但原來另一半冇試過，就嗌返款最basic既Somersby Apple Cider比佢試下，呢到做得唔夠沙冰，我會中意飲沙冰口感重啲既Rita。鐵板芝士韓式烤肉炒飯配醬燒豬肋骨 $143平時食芝士燒豬肋骨閒閒地都$200幾$300，呢到就花點心思，將豬肋骨數量減少，配上韓式烤肉炒飯，又食到芝士豬肋骨，又食到芝士炒飯都係百幾蚊就得，性價比相對高左，亦覺得冇咁貴。豬肋骨岩岩烤到離骨唔算好夠火喉，肉質一般，相對上芝士韓式烤肉炒飯更岀色，烤肉係烤牛肉，而炒飯底唔太濕，繞上芝士食簡單滋味。果味蒜香烤雞 + 黑椒烤雞 $238因為果味蒜香烤雞係Best

在香港的快餐店時常吃到炸雞，今天就和朋友試下韓國的烤雞。朋友在中環放工，想不到中環都會有一間價錢中等的韓式烤雞店。雖然Goobne在旺角，尖沙咀，荃灣等都有分店，不過我都是第一次吃。烤雞的選擇非常多，有新出的韓式排骨味，可以選有骨及無骨，另外仲有芝士味都十分吸引。蜜糖咖哩烤雞 ($185)：最後點了蜜糖咖哩烤雞，有足足有一隻雞的份量，因為是烤雞唔係炸雞，一點也不熱氣及油膩。廳附有膠手套，可以用手拿起來，十分方便及衛生。甜甜的蜂蜜加上咖哩的香氣，烤雞外脆內軟，肉質十分嫰滑。牛肉炒年糕 ($165)：有別於傳統的辣炒年糕，這是用韓國產醬油調味及牛肉烹調的炒年糕，醬油十分惹味。炒年糕內除了年糕及牛肉外，還有韓式粉絲，雞蛋，芽菜，十分足料！年糕口感軟彈煙韌，粉絲爽口，吸受了韓國產醬油，非常入味！因為HSBC信用卡做緊優惠，惠顧烤雞就可以享有飲品半價的優惠。Somersby apple Rita：原價$88，半價後$44，十分抵！蘋果酒一直我都好鐘意，加上酸甜清爽的沙冰，味道十分清新，配上烤雞一起吃，特別配合！整體的環境都十分寬敞，而且卡位的私穩度極高！