Pizza Max Bistro

營業中

休息中

就朋友係佐敦放工而係附近食，openrice 寫地鐵站b1出口行1分鐘就到，但發覺出口應是另一個，c2會近啲。我果日行左十幾分鐘先到，大家黎時要留意反，咪遲到就唔好嗌左杯士多啤梨同朱古力特飲，雖然有啲沙冰，但味道好濃。好新鮮，用士多啤梨打成，有粒粒果肉！本身個人好鍾意食ribs ,見到其他食家話好大份，又好食就試下！果然不負所望，叫左半份，但似係出面餐廳叫一份既感覺！甘樣只不過係99蚊，仲要免加一！抵到爛！首先，配菜有薯角，好熱，剛炸起，好脆口。燒骨好多醬汁葉住，好入味，肉好林，離晒骨！燒焦既地方就脆脆地，諗起都留口水！唔夠味既仲可以點中間碟燒汁，個人覺得已經好夠味！卡邦尼意粉意粉唔會好林，亦不是好硬，剛好！卡邦尼汁好濃，好creamy ! 內裡有火腿同芝士粒，夾住食一流！呢個可以講係我食過最好食既卡邦尼意粉！黎到呢度一定要食，十個推！！唯一可惜既就係呢度得一款甜品朱古力布朗尼，蛋糕暖暖地，好鬆軟。雪糕係雲尼拿味，好香。面頭淋左焦糖同朱古力醬，唔會好甜。暖蛋糕夾住凍雪糕食，正！呢度環境好寧靜，職員都唔少，見到既職員全部係外國人，收野都好快。同埋要讚下啲職員好好人，話說有個少朋友喊（其

朋友生日，之前都係食日本菜、韓國菜OR泰國菜慶祝，今日想試下新野，去食印度+意大利菜!!!!呢間印度餐廳除左傳統印度菜都有一D西式野，就算唔鐘意食咖哩GE朋友都唔怕簡唔到野食。雞肉牛油果沙律食主菜前就叫沙律食下，好大碟！有唔同既沙律菜、雞蛋同雞肉等。個沙律汁好特別，應該係佢地自製，少少酸得黎帶甜，乳白色既，好似乳酪甘（可能係？？），好岩我口味。黎到一定要試下呢個！卡邦尼意粉我平時都好鐘鍾意食卡邦尼意粉，今晚呢個令我更愛！佢有好濃郁GE 汁同芝士，又香又滑又creamy , D汁一早撈埋意粉，唔會一啖有汁，一啖無，好正!!!意粉幼身，軟硬剛好，有口感！超級推薦比鍾意食卡邦尼意粉GE 朋友。香蕉特飲，用香蕉，冰，雪糕打成，有香蕉味同肉，甜甜地，好岩鐘意清淡少少GE 朋友。味道一流。！ 每次食完野都想食甜品，女仔係有第3個胃，幾飽都要試下甜品，呢個暖暖蛋糕加埋雪糕，簡直係perfect match!!雪糕係雲呢拿味，好香好甜好creamy，brownie 熱熱地，好夠朱古力味同鬆軟！有焦糖醬同朱古刀醬係面，夾住一齊成超正！呢度既食物價錢唔貴，仲要免加一！！！又有情調，靜靜地好適合傾計！會再黎