牛站(駅)麻辣火鍋放題

營業中

休息中

牛站(駅)麻辣火鍋放題 @beefstationkt觀塘觀塘道414號1亞太中心6樓味道評分:☄️(必食之選)>☀️>🌤>⛅️>💨☀️第2級 — SRF美國極黑和牛 $298/位依間係我食過數一數二令人滿意的台式火鍋店，因為食材選擇好多(無論係火鍋配料、甜品、飲品都係)，絕大部份都好新鮮👍🏻作為一個食放題會食左甜品先的人，令我好驚喜嘅係有Movenpick同埋 Haagen dazs，仲有焦糖脆餅味/馬卡龍系列都有！仲要係會refill唔係食完就冇，另外糖水有芋圓、楊枝甘露同椰汁雪燕等等🤤飲品方面有自家製茶😇今次我哋食第二級，可以揀一個湯底，我揀左香濃蕃茄豬骨湯，酸酸甜甜幾開胃，依個set有得食SRF美國極黑和牛，牛味唔算好濃，但係食落都算滑~除咗牛豬同少少海鮮要手機落order之外，其他火鍋配料可以出去自己拎，有30-40款，完全係眼闊肚窄！估唔到佢仲有油炸鬼、午餐肉、炸饅頭、麻辣小龍蝦等等，放題比較少見嘅食材😍總結而言，真係值得一試！

呢間放題喺APM附近，極方便約friend 黎。今日同friend黎佢地都話高質，坐得又舒服。我地食中價餐咋，$298/位。但都已經好多野食，環要每樣試d都無可能，太多款。美國和牛片同五花腩軟嫩、封門柳同牛板腱有纖維感又不失牛味～我地個餐已經可以食好多肉類同海鮮，沙白、帆立貝好大隻，超鮮～仲包括左特別嘅火鍋料，例如竹笙釀蝦滑咁，都好味。除咗火鍋料，熟食例如乳鴿、芝麻雞翼都有啲水準。當我地再認真行多次自取區，發覺原來都幾大。有中西甜品雪糕糖水、清酒涼茶冷熱茶果汁汽水、水果、爆谷、前菜小食、炸魚皮、各類蔬菜、丸、麵等等，個人覺得冰菜、菠菜苗、皇帝菜、豆苗都係新鮮必食。雪糕櫃裏面個黑芝麻雪糕好似食緊芝麻糊咁，呢個價錢有呢個質素實在太抵～