Glasshouse (國際金融中心) (已結業)

今天同朋友約去食下午茶，去到大概2：50左右吧！ 服務員話三點才有Tea Set提供，我們唔想知道你們系統的關係未到三點唔可以叫Tea Set 。 還有五分鐘就到3點，先幫我地落左order先啦，你們3點先去按電腦。 3：01就送上野飲啦。真係坐落地玻璃果邊，view比較美喔！雞翼好食，Scones司康餅不愛，甜點抹茶紅豆慕絲好食，抹茶味好濃郁，馬卡龍太甜。一邊吹水一邊慢慢享受美食，到差唔多佢地職員準備晚市，放蠟燭係枱面我哋先走人。

諗到hightea既地方，一定要環境靚，野食又唔差既。第一時間就諗起glass house！坐落IFC既玻璃屋，可以望到維港、馬頭、摩天輪仲有AIA。放假坐係呢到hight tea真係唔錯～餐廳有靚景，同時入面環境都唔錯。有bar，見到staff整野飲，又有二人四人枱。當日我地坐bar枱，因為想望住維港靚景，等左一陣就入座啦。叫左個tea set，用三層架上，夠曬靚即刻影返張相先哈哈！野食好精緻，初初仲擔心會唔夠飽，當日我地兩個人起身都無食野，呢餐係第一餐呀！食食下都好夠飽其實。同埋幾好食～另外仲叫左薯條，點truffle醬食真係好正呀！首先佢用個籃上賣相好得，食落熱辣辣仲好脆，個醬太好食都好似唔多夠食添。下午茶叫薯條set都抵食。最後叫埋個小甜品，係焗cookie再加球雪糕。小鐵pan上又係靚賣相，味道幾好唔會太甜，cookie熱雪糕凍冰火交加好好食喔～