Casablanca Restaurant & Cafe (已結業)

中東/摩洛哥菜真係好少食，今次係網上做咗資料搜集，見到呢間好評不少，位於尖沙咀地理位置都方便，就嚟一試摩洛哥菜既滋味！餐廳內外位於尖沙咀亞士厘道的商業大廈，都唔算難搵，餐廳頗大，一入到去已經見到中東菜既特色塔吉鍋既鍋蓋放滿枱面，入面以中東擺設做主調，好有感覺。食物選擇有Dinner Set亦有單點，價錢唔算貴，特別係Dinner Set好抵食，諗都冇諗就揀左Deluxe Set。Deluxe Set for 2 Person $488包括兩碗湯、一份沙律、一份前菜、兩份主菜、兩份甜品及兩杯飲料，以咁多野食嚟講，價錢十分相宜！Soup有兩款可供選擇，分別係Lentil Soup及Harira Soup，我地就各要一款。Lentil Soup(圖中右面)即係摩洛哥蕃茄濃湯，材料有蕃茄、羊肉、扁豆、鷹嘴豆、香菜、西洋芹，顏色比較深色，仲每羹都有湯料，縱使有香料仲有羊肉，佢既質地亦好濃稠，近似sauce既質地，但飲落比較淡，味道唔濃烈。至於Harira Soup(圖中左面)即係扁豆湯，呈黃綠色，材料就有西芹、香菜、扁豆、洋蔥、蒜頭及蕃茄，呢碗就濃味好多，好重西芹、香菜味，同樣濃稠質地，有沙沙蓉

趁住聖誕 終於約到一group人食飯啦！一行6人去試新嘢——一間位於尖沙咀嘅摩洛哥菜館 喺香港唔多有得食餐聽佈置充滿異國情調... 四方嘅寬闊用餐空間 而且廚房係開放式 店員要照顧客人需要十分方便... 所有店員都係外國人 所以落單要用英文 不過 佢哋絕對唔會取笑英文唔咸唔淡嘅我哋 XD 反而仲好親切和幽默 經常搞gag！中國人食飯 當然要開返壺茶先！「Moroccan Mint Tea」分大壺($60)、小壺($40) 大壺可沖5至6杯 我們6人剛剛好... 熱騰騰嘅茶一倒來 即刻香味撲鼻 果然同平時飲嘅薄荷味飲品大大不同... 薄荷特濃 好似牙膚果隻味 XD一打開壺蓋 入面好多薄荷葉——唔係中國人風乾、炒過嗰種 枝椏仍然係綠色 葉和枝連在一起 貌似菠菜... 不過飲落沒有薄荷糖那種冰涼嘅感覺 而且可以暖胃... 神奇啊！前菜係充滿地方特色嘅「Turkish Salad」（原來好多土耳其人以務農為生 所以蔬菜係佢哋嘅重要食糧 咁當然對烹調蔬菜零舍有心得啦） 沙律包含生菜、青瓜、橄欖、紫洋蔥、車厘茄等等蔬菜 更加入咗羊奶芝士... salad dressing唔太酸 橄欖味較濃其中一道

<Casablanca Restaurant>瀰漫著阿拉伯、印度和埃及的異域風情，掛在牆上駱駝商旅的油畫、特色圖騰的瓷磚，配上節奏明快的回族音樂，使我們投入了神秘的國度。Casablanca其實是摩洛哥最大的港口城市，位於遙遠的北非，碧藍的海水及棕櫚樹給人鮮明印象。餐廳環境比較昏暗，枱上的燭光映照在桌上，令餐紙酷像真正的瓷磚，異國味道洋溢。打開阿拉伯語的餐牌，開啟了非常特別的用餐體驗。餐牌雖然圖文並茂，但摩洛哥獨有的食材名稱的確難以理解，我們躊躇了半小時，店員推介我們點選2人餐，有前菜、主菜、湯和甜品的full course，才解決到我們的難題。建議餐廳盡快推出中文翻譯的Menu。Moroccan Zaalouk(右上)/ Lentil's dish (右下)前菜: Zaalouk其實是茄子、蕃茄、大蒜、橄欖油製成的熟沙律，是摩洛哥常見的開胃菜，可以夾入厚皮麵包吃用。沙律入口有濃郁的香料，香料味道有點像莞茜，茄子煮至蓉狀，配上蕃茄醬的酸香，頗為特別。如前菜可以跟配法式麵包，應會更加完整。扁豆湯(右下)是清淡的湯，扁豆打成綿蓉，入口超級奶滑順口，整體味道和口感可以比擬為咸