影片
更多
2014-06-10
1387 瀏覽
星期一 晨早就撲出上環 只為食以綠茶出名既川善茶居其實川善茶居是有得BOOK位既只係我地臨時前一晚先話去所以就BOOK唔切所以各位去之前都可以book定個靚位先11點半我地就到達左(為左唔想等位) 成為果度既第1台客可能係閒日 其實冇乜人 到我地埋單 大約1點幾2點 最多都係8成FULL人唔多 D客都好靜 都係細細聲傾下計咁 令到環境幾舒服但果日果到係冇冷氣 唔知係我地唔好彩定不嬲都冇雖然開晒門窗 但都有D焗(食食下途中 見有D大隻佬黎送冷氣 可能壞左送完老闆仲醒左一人一杯MATCHA MOJITO(好似係) 俾佢地非常NICE~)川善茶居裝修屬中西合壁傳統中國茶道裝飾佔多 再配一D歐陸式同CYBER STYLE 既傢俬十分唔統一 但又唔會太有違和感 幾特式既中式拱門型既裝飾架最吸引我 影左好多張相 食物方面咸食:1.) TEA CLUB SANDWICH $78SIZE大普通方包少少入面有生菜,蕃茄,蛋,芝士,雞肉幾好食 D芝士係炒埋入D蛋到 趁熱食會有小小溶既狀態芝士應該係用mozzarella 所以淡味D 大部分人岩食2.)BIG BREAKFAST $95同大部分BRUNCH差
其實川善茶居是有得BOOK位既
只係我地臨時前一晚先話去所以就BOOK唔切
所以各位去之前都可以book定個靚位先
11點半我地就到達左(為左唔想等位) 成為果度既第1台客
可能係閒日 其實冇乜人 到我地埋單 大約1點幾2點 最多都係8成FULL
人唔多 D客都好靜 都係細細聲傾下計咁 令到環境幾舒服
但果日果到係冇冷氣 唔知係我地唔好彩定不嬲都冇
雖然開晒門窗 但都有D焗
(食食下途中 見有D大隻佬黎送冷氣 可能壞左
送完老闆仲醒左一人一杯MATCHA MOJITO(好似係) 俾佢地
非常NICE~)
川善茶居裝修屬中西合壁
傳統中國茶道裝飾佔多 再配一D歐陸式同CYBER STYLE 既傢俬
十分唔統一 但又唔會太有違和感 幾特式既
中式拱門型既裝飾架最吸引我 影左好多張相
食物方面
咸食:
1.) TEA CLUB SANDWICH $78
SIZE大普通方包少少
入面有生菜,蕃茄,蛋,芝士,雞肉
幾好食 D芝士係炒埋入D蛋到 趁熱食會有小小溶既狀態
芝士應該係用mozzarella 所以淡味D 大部分人岩食
2.)BIG BREAKFAST $95同大部分BRUNCH差不多
(個人不嬲對呢款食物不感興趣 覺得唔抵食 )
份BREAKFAST入面有蛋,蘑菇(炒得幾香),齋午餐肉,蕃茄
沙律菜,豆腐(硬同實既,配左D沙律醬),
包(脆到似餅乾,我比較鍾意軟身D既包)
甜食:1.)MATCHA CHOCOLATE FONDANT$78
好食!! 綠茶味非常濃,蛋糕亦做到外脆內軟
雪糕都幾滑既 (朋友話係雀巢既;P)
2.)MATCHA BROWNIE$78用鐵板上是GIMMICK之一 作用(好似係)用黎保溫
BROWNIE同心太軟相比的話 蛋糕一定係較濕潤
配埋淋落去既綠茶醬汁 非常香
加上鐵板既效果令佢香味周圍飄 十分吸引
呢2隻相比我比較鍾意心太軟味道係濃D BROWNIE係柔和D
同埋外脆入軟既蛋糕比較吸引我
3.) APPLE CAKE
一般般 試下OK的 質感似香蕉CAKE
蘋果少少乾
飲品:1.)MATCHA SNOWWHITE $48
MATCHA LATTE底加雲呢拿雪糕
好難唔好飲既配搭
加上呢度既MATCHA製品真係幾濃
所以十分推薦俾D鍾意打安全牌既人
2.)MATCHA MOJITO $48平時做開COCKTAIL既MOJITO加左綠茶一樣保持清新
比起平時飲 一入口係綠茶既苦澀 之後俾檸檬味沖淡
酸酸地咁 同時薄荷香味充滿口腔
最後留係口係一陣陣茶香 非常岩我口味
但我既朋友表示好難飲~ 口味呢家野真係好難講好唔好
如果平時有飲開MOJITO不妨試一試
3.)MATCHA SOUL $38望落似濃稠D既質地 事實上其實都係稀稀地既~
飲落有少少HONEY味 加埋一D杏仁既香味
杯野一D都唔甜 所以茶味重D
我覺得OK 唔討厭杏仁可以試下
價錢以唔趕人既CAFE黎講算合理 可以坐好耐但如果真係就咁黎為左食綠茶甜品 好食就幾好食
不過其實係頗貴
總括而言,
綠茶同雲呢拿係好朋友 非常MATCH
雲呢拿會將綠茶既苦淡化 但唔會蓋過個香味
咸食食一次就夠 下次會淨係叫甜點
想試試佢既MATCHA ANGEL CAKE~~
朋友話D甜品同個SNOW WHITE其實一樣味
我諗都係既 都係綠茶配雪糕 唔同FORMAT見人姐
但個綠茶味既醬真係幾正 大家可以諗下係咪真係要叫晒黎試
因為口味上實在係差不多
(朋友表示食到好滯口)
另外,有個日本侍應(我估係老闆)
好好態度 同埋會半跪係度落單(!)
都幾型仔
另外2, 店內有貓~唔鍾意貓既人要諗下
不過隻貓好乖同埋唔理人 應該唔會騷擾到客人
題外話/補充資料：
試下自己整左條VIDEO,大家都去睇下
除左可以睇下店面裝修,食物都有影:)
http://youtu.be/SVhY0wRYoSU
(以上食評乃用戶個人意見 , 並不代表OpenRice之觀點。)
張貼
